ដោយសារកំណើនការប្រើប្រាស់រថយន្ដ SUV មានច្រើន ជាពិសេសសម្រាប់ SUV ខ្នាតធំ ស្របពេលនឹងតម្រូវការរថយន្ដអគ្គិសនីនាពេលបច្ចុប្បន្នក៏មានច្រើនដែរនោះ លេចឭដំណឹងថា Toyota នឹងចេញរថយន្ដអគ្គិសនី SUV ខ្នាត ៨ កៅអី ជាត្រកូល bZ មកក្នុងពេលឆាប់ៗនេះ។
រថយន្ដអគ្គិសនី SUV ខ្នាតធំ នេះត្រូវបានគេសន្និដ្ឋានថា ជាម៉ូដែលមួយក្នុងចំណោមម៉ូដែលឡានអគ្កិសនី មិនតិចជាង ១៥ ដែល Toyota យកមកបង្ហាញក្នុងគម្រោង “Beyond Zero” ផលិតឡានអគ្គិសនី ៣០ ម៉ូដែល នៅឆ្នាំ ២០៣០ របស់ខ្លួនកាលពីឆ្នាំ ២០២១ ដោយកាលនោះវាស្ថិតនៅជា concept នៅឡើយដែល Toyota ឲ្យឈ្មោះថា “bZ Large SUV” ជាមួយនឹងរូបរាង ដូចនឹងប្រហែលនឹង bZ4X ដែរ តែធំជាង ដោយមានកៅអី ៣ ជួរ ឬ ៨កៅអី។
សម្រាប់ប្រព័ន្ធម៉ាស៊ីន និង spec ផ្សេងៗ នៅ Toyota មិនបានបញ្ចាក់នៅក្នុងបទបង្ហាញនោះទេ តែអ្វីដែលគេអាចទាញមក បានគឺ វាអាចនឹងប្រើប្រាស់ប្រព័ន្ធគ្រឿងក្នុងដូចនឹង bZ4X អាចមាន option ម៉ូទ័រអគ្កិសនី ១ ប៉ុង ១ Front Wheel Drive ជាមួយកម្លាំង ២០១សេះ ឬម៉ូទ័រអគ្គិសនី ២ ប៉ុង ២ All Wheel Drive ជាមួយកម្លាំង ២១៤សេះ។
សម្រាប់ប្រព័ន្ធផ្ដល់ថាមពលវាអាចប្រើប្រាស់ជាថ្ម solid state battery ដូចមុន ឬថ្មបច្ចេកវិទ្យាថ្មី liquid electrolyte ដែលត្រូវបានឲ្យដឹងថា ជំនួយដល់ល្បឿនសាកថាមពល បង្កើនកម្លាំង និងចម្ងាយរត់ ជាមួយការរំពឹងទុកយ៉ាងតិចពី ៧៩៩គម ទៅ ៩៩៧គម ឯណោះ។ តែអ្វីដែលច្បាស់គឺ Toyota នឹងបំពាក់បច្ចេកវិទ្យា Toyota’s Safety Sense 3.0 suite អមជាមួយប្រព័ន្ធមុខងារជំនួយ ស្ដង់ដារផ្សេងៗទៀតនៅខាងក្នុង។
bZ Large SUV អាចមានតម្លៃរបស់ជិត ៦០ ០០០ដុល្លារ យោងទៅតាមតម្លៃ SUV ខ្នាតធំប្រើ Hybrid បច្ចុប្បន្ន Toyota Highlander Hybrid ចន្លោះពី ៣៩ ៥៨៥ ដុល្លារ ទៅ ៥១ ៤៩០ ដុល្លារ ជាមួយនឹងការរំពឹងទុកថា Toyota នឹងបង្ហាញមុខវាចុងឆ្នាំនេះ។
អត្ថបទ៖ Andra
ប្រភព៖ CarsDirect
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
Subaru Impreza 2025 តម្លៃខ្ទង់ 2ម៉ឺនដុល្លារជាង Subaru ឆ្លៀតប្រាប់ថា មិនមែនឲ្យតែឡានថ្មីហើយស្អាត សុទ្ធតែថ្លៃទាំងអស់នោះទេ
The new Hyundai TUCSON ឆ្នាំ២០២៥ បានបង្ហាញរូបរាងជាលើកដំបូងនៅព្រះរាជាណាចក្រកម្ពុជា