Toyota Prius ជំនាន់ទី៣ ឆ្នាំ២០១២ ត្រូវបានផ្លាស់ប្ដូររូបរាងប្លែកជាងឆ្នាំ ២០១០នឹង២០១១ ទាំងផ្ទៃកាងខាងមុខស្ដុបក្រោយ នឹងផ្នែកខាងក្នុងមួយចំនួនផងដែរ។

ចំពោះតម្លៃវិញឃើញពពួក ឆ្នាំ២០១២ Option 2 ហាក់ធូរថ្លៃគ្រាន់បើ ម្យ៉ាងពពួក Option 2 ឆ្នាំ២០១២ឡើងទៅរាងគ្រាន់បើជាងពពួកឆ្នាំ ២០១០នឹង២០១១បន្ដិច​ ណាមួយក៏បានឆ្នាំខ្ពស់ នឹងប្ដូររាងផងដែរ។

ចំពោះតម្លៃវិញឃើញទីផ្សារដាក់លក់ពពួកឆ្នាំ ២០១២ Option 2 ខ្ទង់ ១៦,០០០ដុល្លារជាង ទៅ ១៩,០០០ដុល្លារជាង អាស្រ័យលើ ពណ៌ ប្រភេទស្លាកលេខឬក្រដាសព​​ន្ធ នឹងភិនភាគឡានជាក់ស្ដែង។

Toyota Prius ជំនាន់ទី៣ ប្រើម៉ាស៊ីនដូចគ្នា បើនិយាយពីរូបរាងវិញ Option 2 ដល់​ Option 4 គឺថាផ្នែកខាងក្រៅដូចគ្នាទាំងស្រុងតែម្ដង គ្រាន់តែខុសប្លែកនៅផ្ទៃខាងក្នុង អាស្រ័យលើ Trim/Option ជាដើម។

Option 2 គេថារាងសាមញ្ញបន្ដិច ចុះពពួក Option 2 មានបំពាក់អ្វីខ្លះសម្រាប់ពពួក Prius 2012?

ផ្នែកផ្ទៃខាងក្នុងពពួក Option 2 និយាយរួមគឺថាសាមញ្ញ នឹងធម្មតាទាំងអស់ មិនមានពូកស្បែកកម្ដៅកៅអីទេ បំពាក់គ្រឿងក្នុងកាំម្ញៃ មានបូតុង Power តែបំពាក់ Smart Key ១គ្រាប់ខាងទ្វាអ្នកបើកបរ អេក្រង់ធម្មតាទំហំ ៦អីញមិនមានការម៉េរាក្រោយឡើយ ប្រើ Speaker នឹង Radio ធម្មតា ចំណែកដៃចង្កូតក៏ប្រើជាប្រភេទ ជ័រ និយាយរួមគឺថាសាមញ្ញតែម្ដង។

ប៉ុន្ដែសម្រាប់បច្ចុប្បន្នឃើញអ្នកលក់ នឹងបងប្អូនអ្នកប្រើពពួក Option 2 យកទៅបំពាក់លេខថែមថយជាមួយ កាម៉េរាក្រោយ ឬដំឡើងទៅជា DVD Android ដេកៅអីថ្មី ជាដើម។

សម្រាប់បងប្អូនវិញយល់យ៉ាងណាដែរចំពោះពពួក Prius 2012 Option 2 មួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!