Ravo Rally នៅស្រុកខ្មែរអាចថាជាឡានថ្មី Pick Up ដែលពេញនិយមខ្លាំង ហើយមានស្ទើរតែគ្រប់ស៊េរីឆ្នាំតែម្ដង។ បច្ចុប្បន្នប្រភេទថ្មីខ្លាញ់គោ ២០២៥ ចេញលក់ហើយ ខណៈស៊េរីឆ្នាំ២០២៤ ពពួកស្លាកលេខយូៗទើបឃើញមានលក់មួយ ជាមួយតម្លៃនៅលើទីផ្សារនៅខ្ពស់គួរសមខ្ទង់ ៤៥,០០០ដុល្លារ ទៅក្បែរ​ ៤៨,០០០ដុល្លារ អាស្រ័លើ ពណ៌ នឹងភិនភាគនៃការប្រើប្រាស់ជាក់ស្ដែង។

ចំណែកខ្លាញ់គោ ២០២៥ ឃើញក្រុមហ៊ុនដាក់លក់ខ្ទង់ ៥១,២០០ដុល្លារ បើនិយាយពីប្រភេទស្លាកលេខស៊េរីឆ្នាំ ២០២៥ វិញហាក់មិនទាន់មាននៅឡើយទេ។

Toyota Revo Rally 2024 ឡើយទៅគឺថាមានគ្រប់យ៉ាង នឹងទំនើបប្លែកពីឆ្នាំ ២០២៣ចុះក្រោម ដែល Toyota បន្ថែមគ្រឿងផ្សំ ៤រស់ជាតិ ថ្មីប្លែកពីឆ្នាំដូចជា អេក្រង់កម្សាន្តថ្មីធំជាងមុនទំហំ ៩អ៊ីញ បន្ថែមប្រព័ន្ធ Wireless Apply CarPlay នឹង Android Auto ជាមួយមុខងារ Blind Sport Monitoring ដែលជួយផ្តល់ដំណឹងពីផ្នែកជំហៀង និងមុខងារជំនួយពេលថតក្រោយ ឬចេញពីចំណត Rear Cross Traffic Alert  ដែលនឹងផ្តល់សញ្ញាអសន្នប្រសិនបើមានឧបសគ្គមកកៀករថយន្តជាដើម។

ទាំងអស់នេះគឺជាការបន្ថែមពីលើអ្វីដែលមានស្រាប់ ដែលបំពាក់នៅលើពពួកឆ្នាំ ២០២៣ កន្លងមក។

ផ្នែកប្លុកម៉ាស៊ីនវិញ Revo Rally 2024 ប្រើម៉ាស៊ីនដូចឆ្នាំមុនៗដែរទំហំ ៤ស៊ីឡាំង ២.៨លីត្រ ផលិតកម្លាំងបាន ២០១សេះ កម្លាំងរមួល ៥០០ញ៉ូតុនម៉ែត្រ បង្វិលកង់ដោយប៉ុង២ 4WD រត់ដោយប្រអប់លេខ ៦វគ្គអូតូ ជំនួយដោយប្រព័ន្ធ Lock ប៉ុង និងកាប់ពីតាស់ បន្ថែមជាមួយ Eco និង Power Mode ផងដែរ។

ចំពោះកម្រិតស៊ីប្រេងចំណាយចន្លោះពី ៨លីត្រ ទៅ ៩លីត្រប៉ុណ្ណោះក្នុង ១០០គីឡូម៉ែត្រ ឬអាចលើសខ្វះតិចតួចទៅតាមស្ថានភាពជាក់ស្ដែង។

សម្រាប់បងប្អូនវិញយល់យ៉ាងណាដែរចំពោះ Toyota Hilux Revo Rally 2024 ប្រភេទមួយទឹកមួយនេះ? តម្លៃប៉ុណ្ណឹងយល់យ៉ាងណាដែរ? បងប្អូនដែលមានមតិយោបល់ បទពិសោធន៍ នឹងព័ត័៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!