👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussion ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ ………………………………………………………………………………….

ក្រោយពីល្បីថា Tesla កាត់បន្ថយចំនួនបុគ្គលិករបស់ខ្លួននៅរោងចក្រធំ ក្នុងប្រទេសចិន Shanghai Giga Factory ៣.៥% កាត់ប្រាក់ខែ ១០% ពេលនេះ Tesla បានបន្ដបញ្ឈប់បុគ្គលិករាប់រយនាក់ទៀត និងទីស្នាក់ការរបស់ខ្លួនក្នុងរដ្ឋកាលីហ្វរញ៉ា សហរដ្ឋអាមេរិក ហើយថែមទាំងបិទទីស្នាក់ការចោលទៀតផង។ 

តាមការចុះផ្សាយពីសារព័ត៌មាន Fox Business បានឲ្យដឹងដែរថា ទីស្នាក់ការ San Meto របស់ Tesla ក្នុងរដ្ឋកាលីហ្វញ៉ា សហរដ្ឋអាមេរិកនឹងត្រូវបិទទ្វារ ហើយបុគ្គលិកជំនាញ ផ្នែក​ Autopilot ចំនួន ២០០ នាក់នឹងត្រូវបានផ្អាកពីការងារ រីឯបុគ្គលិកនៅសល់ចំនួន ៣៥០ នាក់ទៀត នឹងត្រូវប្ដូរឲ្យទៅធ្វើការនៅសាខាផ្សេង ដូចជា Austin និង Texas លើសពីនេះទៅទៀត លោក Musk ក៏មានបំណងរឹតបន្ដឹងសង្វាក់ផលិតកម្មដោយ សម្រាប់បុគ្គលិកណាដែលនៅធ្វើការពេញម៉ោង នឹងត្រូវដំឡើងម៉ោងការងារ និងខ្លះត្រូវកាត់បន្ថយប្រាក់បៀវត្សប្រមាណ ១០% ផងដែរ។   

បច្ចុប្បន្ននេះ Tesla មានបុគ្គលិកសរុបប្រមាណ ១០០ ០០០ នាក់ ដែលកំពុងធ្វើការ នៅក្នុងរោងចក្រទាំងអស់របស់ខ្លួន ហើយ ការកាត់បន្ថយបុគ្គលិក និងបិទទីតាំងនេះ គឺដោយសារតែ “ការមានអារម្មណ៍មិនល្អចំពោះស្ថានភាពសេដ្ឋកិច្ចបច្ចុប្បន្ន” របស់ស្ថាបនិកក្រុមហ៊ុន លោក Elon Musk និងដើម្បីស្ដារការធ្លាក់ចុះទិន្នផលការលក់រថយន្ដ Tesla ក្នុងរយៈពេលប៉ុន្មានខែចុងក្រោយនេះ ដោយតាមទិន្នន័យបង្ហាញពី Bloomberg ឲ្យដឹងថា ថ្មីៗនេះភាគហ៊ុន Tesla ទើបតែធ្លាក់ចុះ ៣.៨% បន្ថែមទៀតផងដែរ។   

អត្ថបទ៖ Andra  AdvanAuto  

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto