កូនឡាន Kia ប្រភេទ City Car ឬ Hatchback នៅកម្ពុជានរណាក៏ស្គាល់ដែរ អាចនិយាយបានថា ជាបងប្អូនបង្កើតរួមត្រកូលជាមួយគ្នា កូនឡានកូរ៉េពីរម៉ូឌែលនេះ នៅតែអាចកំដរបងប្អូនបាន ទោះបីជាមានអាយុកាលជិត ២០ឆ្នាំហើយក្ដី។ តម្លៃធូរ សន្សំសំចៃ ចំណាយលើការថែទាំតិច សម្រាប់ឆ្នាំ២០២២នេះ វានៅតែឈរក្នុងតារាងប្រភេទឡានដែលមានតម្លៃទាបជាងគេ។

១. សិស្សច្បង Kia Visto

Visto ឆ្នាំ១៩៩៩ ដល់២០០៣ ជាប្រភេទកូនឡាននាំចូលពីប្រទេសកូរ៉េ Visto បានក្លាយជារថយន្ដដែលទទូលបានការចាប់អារម្មណ៍ច្រើន សម្រាប់បងប្អូនដែលមាន ថវិកាខ្ទង់ ២០០០ដុល្លារ។ វាជាប្រភេទ Hatchback ឬ City Car ដែលមានទ្វា ៥ កៅអី ២ជួរ អាចជិះបានគ្នា៥នាក់ និងសល់ឃ្លុបក្រោយតិចតួច សម្រាប់ដាក់ឥវ៉ាន់។

តម្លៃអាចទិញបានក្នុងចន្លោះ ២០០០ដុល្លារ ទៅ ២៥០០ដុល្លារជាង Visto មិនសូវជាចំណាយច្រើនឡើយលើការថែទាំ ខ្ទង់ ២០ដុល្លារ ទៅ១០០ដុល្លារប៉ុណ្ណោះ ។

វាមានម៉ាស៊ីនតូច ៤ស៊ីឡាំង ចំណុះ០.៨លីត្រ ផលិតកម្លាំងបាន ៥៤សេះ ប្រអប់លេខ ៤វគ្គអូតូ បង្វិលកង់ដោយប៉ុងមុខ (FWD) រត់លឿនបំផុតបាន១៤៥គីឡូម៉ែត្រ/ម៉ោង។

តែចាប់ពីឆ្នាំ២០០១ Kia បំពាក់បន្ថែមនៅ Turbo ជំនួយកម្លាំងបាន៧០សេះ (ខ្មែរហៅម៉ាស៊ីនធំ) អាចរត់ល្បឿនបាន ១៥០គីឡូម៉ែត្រ/ម៉ោង។

ចំពោះកម្រិតស៊ីសាំង ជាមធ្យមចន្លោះពី ៤លីត្រទៅ ៦លីត្រក្នុង១០០គីឡូម៉ែត្រ តាមស្ថានភាពផ្លូវ និងការបើកបរជាក់ស្ដែង។

២.សិស្សប្អូន Kia Morning

ចំពោះ Morning អាចនិយាយបានថា ជាម៉ូឌែលមួយដែលស្នងដំណែងពី Visto គ្រាន់តែប្ដូរឈ្មោះ និងកែប្រែលក្ខណៈមួយចំនួនសម្រាប់ចូលទីផ្សារថ្មីតែប៉ុណ្ណោះ។

និយាយពីកម្លាំងវិញកូនឡាន Morning មួយនេះបំពាក់ម៉ាស៊ីន ៤ស៊ីឡាំង មុខកាត់ស៊ីឡាំង ១.០លីត្រ បង្កើតកម្លាំងបាន ៦០សេះ កម្លាំងរមួល ៦៤ ផោនហ្វីត ប្រើប្រអប់លេខ៤ វគ្គអូតូ និងបង្វិលកង់ដោយ ប៉ុងមុខ(FWD) រត់លឿនបំផុតបាន ១៥០គីឡូម៉ែត្រ/ម៉ោង បើនិយាយរឿងជាន់ស្ទុះវិញ គឺថាមិនបាច់និយាយតែម្តង ។  

កម្រិតស៊ីសាំងវិញសន្សំសំចៃមិនលើកគ្នាទេ ក្នុងទីក្រុងស៊ី ៦លីត្រ ក្រៅក្រុងផ្លូវលាត ៤.៥ លីត្រក្នុង ១០០គីឡូម៉ែត្រ។  

ខាងក្នុងសាមញ្ញ មានប៉ូតុងបញ្ជារមុខងាយមួយចំនួន ជាកូនឡានទ្វា ៤ មានកៅអី ២ជួរ ជិះគ្នា៥ កៅអីខាងជួរមុខទូលាយគួរសម តែខាងក្រោយរាងចង្អៀតបន្ដិច និងសស់ឃ្លុបក្រោយអាចដាក់ឥវ៉ាន់តិចតួច។

មកក្រោយស៊េរីលើអេមដែរតើ បើ SLx បន្ថែមប្រព័ន្ធហ្វាំ្រងឌីសគៀបមុខក្រោយ ជំនួយដោយ ABS មានពិលកាង ពួកស្បែកកំដៅកៅអី ប្រអប់វែនតា អ្នកបើកបរបញ្ជារកញ្ចក់តាមប៊ូតុងអេឡិចត្រូនិកបានទាំង៤ ។ វាមាន Speaker ៦គ្រាប់ គ្រាន់ស្តាប់បទចម្រៀងលោកតា ស៊ិន​ ស៊ីសាម៉ុត ចំណែកឯប៉ាណាមុខស្រោបដោយក្រូមមេ និងកៅអីក្រោយដាច់អាចកាចបត់មុខក្រោយបាន។

តម្លៃវិញនៅគ្រាន់បើដែរសម្រាប់ស៊េរីឆ្នាំ០៤ ដល់០៦ ចន្លោះពីរ ៤០០០ដុល្លារជាងទៅ ៦០០០ដុល្លារ អាស្រ័យលើឆ្នាំផលិត ពណ៍ Option និងគុណភាពជាក់ស្ដែង។  

សំរុបមក វាតូចមែន តែធន់ល្អណាស់ ប៉ះឡាននៅស្អាតមិនងាយខូចទៅណាទេ គ្រាន់តែមិនសូវទូលាយ និងជិះបានច្រើនដូចគេ។ តែសម្រាប់ឆ្នាំ២០២២នេះ បើសួររកឡានតម្លៃ ២ពាន់ដុល្លារ និង ៤ពាន់ដុល្លារ វិញឃើញថាពីរគ្រឿងនឹងនៅល្អគ្រាន់បើ ណាមួយកម្រិតសុីសាំងមិនទាន់មានបញ្ហាប្រែប្រួលទៅណាទេ៕  

អត្ថបទ៖ BunSak @Advan Auto

…………………………………………………

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto