កាលពីឆ្នាំ ២០១៥ Lexus បានបញ្ចេញរថយន្តបែប Cross Over កូនកាត់ជាមួយនឹងត្រកូល RX នោះគឺ NX200t ដែលគេនិយមជិះពេញផ្លូវស្រុកខ្មែរនេះឯង។

NX ត្រូវបានផលិតដំបូងបំផុតនៅឆ្នាំ ២០១៥ រហូតដល់ឆ្នាំ ២០២១ (តែការផ្លាស់ប្ដូរថ្មីក្នុងជំនាន់ទី ១ ចន្លោះឆ្នាំ ២០១៨ ដល់ ២០២១ អោយឈ្មោះថា Facelift 1st Gen)។

បើគិតមកដល់ឆ្នាំ ២០២២ នេះ វាចូលដល់ជំនាន់ទី ២ ហើយ ខណៈដែលការឌីស្សាញមានភាពឆ្នៃប្រឌិត ធ្វើអោយរថយន្ដចំណូលថ្មីមួយនេះ ទទួលបានការគាំទ្រយ៉ាងខ្លាំងនៅទីផ្សារ អាមេរិច អ៊ឺរ៉ុប អាស៊ី និងកម្ពុជាយើងជាងដើម។ 

ក្រៅពីរូបរាងស្អាត មានអ្វីដែលថ្មីខ្លះក្នុងអំឡុងឆ្នាំ ២០១៥ ហ្នឹង បានជាអង្រួនចិត្ត ទាក់ភ្នែកមិនមើលមិនបាននោះ តោះចូលសាច់រឿងទាំងអស់គ្នា។

បើនិយាយចំពោះម៉ាស៊ីនវិញ NX 200t បំពាក់ម៉ាស៊ីន ៤ស៊ីឡាំង ជំនួយដោយ Superchanger មុខកាត់២.០លីត្រ ផលិតកម្លាំងបាន ២៣៥សេះ កម្លាំងរមួល ២៥៨ផោនហ្វីត បើកលឿនបំផុតបាន ២២៧គីឡូម៉ែត្រ/ម៉ោង ជាន់ស្ទុះពី០ ទៅ​ ១០០គីឡូម៉ែត្រស៊ីពេល ៧.៦វិនាទីប៉ុណ្ណោះ និងរត់ដោយប្រអប់លេខ ៦ វគ្គអូតូ មានជម្រើសប៉ុង១(FWD) និងប៉ុង២(AWD)។

វាលើកកម្ពស់ដោយយ៉ាន់កង១៧អីញ និងពាក់ហ្វ្រាំងឌីសគៀបមុខក្រោយ ជំនួយដោយ ABS នៅកង់ទាំងបួន ។

កម្រិតស៊ីសាំង ជាមធ្យម ១០លីត្រ ដោយការបើកបរក្នុងក្រុងខ្ទង់ ១១លីត្រ និងក្រៅក្រុង៩លីត្រ ក្នុង១០០គីឡូម៉ែត្រ

តែសម្រាប់ប្រភេទរត់ប៉ុង២ អាចស៊ីខ្ទង់១៣ ទៅ១៤លីត្រ ក្នុង១០០គីឡូម៉ែត្រ។

ដោយសារ NX ជាឡានបម្លែងខ្លួនចេញពី RX អញ្ចឹងប្រព័ន្ធជើងក្រោម មិនខុសអីពី Lexus RX ទេ ដោយផ្នែកខាងក្រោយប្រើប្រព័ន្ធជើងក្រោម Double Wishbone ឬស្លាបប្រចៀវឌុប ជាប្រពៃណី ជួយឲ្យការទប់លំនឹងលើផ្លូវកោងបានល្អ ។ តែចំពោះ Option ម៉ូឌែល F-Sport វិញបំពាក់បន្ថែម យ៉ាន់កង់ ១៨ អីញ ជាមួយនឹងប្រព័ន្ធ Adaptive Variable Suspension ភ្ជាប់ជាមួយនឹង Sport Turn Suspension ដែលធ្វើការកំណត់សម្ពាធបូម ៣០ វគ្គ និងប្រែប្រួលតាមស្ថានភាពផ្លូវរាងរាល់ ២០ មីលីវិនាទីម្តង ។

ផ្នែកខាងក្រៅមើលទៅប្លែក ការឌីហ្សាញរាងស្រួចជ្រុងៗ តាមលំហូរ AeroDynamic បែបស្ព៊រ ។ មើលពីមុខមានប៉ាណា ឆ្នូតវែងៗ បើជា F-Sport វិញសំណាញ់ញឹក មានគុជ LED Headlamp Auto High Beam ១ គ្រាប់ (F-Sport មាន៣គ្រាប់) អមជាមួយនឹង Daytime Running light និងភ្លើងសេញ៉ូរដាច់រាងជា អក្សរ L។

ខាងក្រោយរាងជ្រុង និងស្រួចបន្ដិច បំពាក់ជាមួយនិងសេនស៊រ ៤គ្រាប់ជំនួយពេលចូលចត និងស្ដុបក្រោយ ផ្ដេចរាងវែងជាអក្សរ  L ដែលតំណាងឲ្យប្រេន Lexus អមដោយស៊ីមាំងភ្លោះ។

ខាងក្នុងមើលទៅបែប Luxury Compact SUV មានកៅអីក្ដៅត្រជាក់ អេឡិចត្រូនិច ស្រោបដោយស្បែកប្រណិត  តាបឡូ និងផ្នែកខ្លះទៀត ដេរភ្ជាប់ដោយស្បែក ចំណែកឯផ្នែកខ្លះបំពាក់កាបោន មើលទៅ Premium តែម្ដង។ 

ចំណុចពិសេសរបស់កាបីនខាងក្នុង NX 200t គឺវាកាត់សម្លេងរំខានពីខាងក្រៅស្ទើរទាំងស្រុង អញ្ចឹងហើយ Lexus បានដាក់ប្រព័ន្ធសម្លេងសិប្បនិម្មិតដើម្បីបំពងសម្លេងម៉ាស៊ីនឡានចូលក្នុងឡានធ្វើឲ្យ អ្នកបើកបរមានអារម្មណ៍រំភើបពេលជាន់ហ្គែរខ្លាំង។ ក្នុងនោះដែរ វាមានពោងសុវត្ថិភាព៨ គ្រាប់, Wireless Charger, Speaker Mark levinson Premium ១០គ្រាប់ អេក្រង់ LCD ៩ អ៊ីញ បង្ហាញព័ត៌មាន បញ្ជារដោយ Mouse Pad, មានប៊ូតុងដូរ Mode ៖ Eco, Normal, Sport mode សម្រាប់ប្រើទៅតាមស្ថានភាពផ្លូវបាន និងមាន Pendal Shet សម្រាប់ថែមថយលេខ(ចំពោះF-Sport)។ 

វាអមដោយបច្ចេកវិទ្យាមួ​យចំនួនរួមមាន៖ Pre-collision system, Adaptive Cruise Control, Dynamic Radar Cruise Control, Lamp keeping assist, Clearance Sensor, Blind Spot Monitor, Auto Hold ជាដើម និងមានចំណុចមួយចំនួនទៀតដែល Trims F-Sport និង Executive ខុសប្លែកពីគ្នា ។ 

សរុបមកវាទំនើបគ្រាន់បើដែរ ខាងក្នុងនិងក្រៅរចនាឡើងបែប Luxury Car ដែលមើលទៅស្អាត សុីវីល័យ គ្រាន់តែថាប្រភេទ NX200t នឹងវាស្មុកស្មាញរឿង Option បន្ដិច និងមានប្រភេទ Specs អារ៉ាប់ និងអាមេរិច​  ជាទូទៅ Specs អារ៉ាប់តែងតែ ទំនើបជាង Specs អាមេរិច ហើយតម្លៃក៏ខុសគ្នាទៅតាមនឹងដែរ ដែលត្រូវអោយយើងអ្នកទិញ ដឹងខ្លះៗដែរ ទើបទិញមិនខុស និងលក់វិញមិនសូវខាតច្រើន។

អត្ថបទ៖BunSak