Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ

ចំនួនអ្នកទស្សនា

អ្នកទស្សនា

30229

2021-10-អត់ចាក់សាំងអត់់ប្រើអគ្គិសនីជិះបាន_1360គម.jpg

ចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

កាលពីពេលថ្មីៗនេះ Toyota Mirai បានបំបែកឯកទគ្គកម្មពិភពលោកជាឡានអ៊ីដ្រូសែនដែលបើកបានចម្ងាយឆ្ងាយជាងគេបំផុត ក្នុងរយៈចម្ងាយ 845.3 miles ដែលស្មើនឹង 1,360 km ដោយប្រើប្រាស់អុីដ្រូសែនត្រឹម 5.65kg ក្នុងការធ្វើដំណើរនៅភាគខាងត្បូងនៃរដ្ឋកាលីហ្វញ៉ា រយៈពេល ២ថ្ងៃ ចាប់ពីថ្ងៃទី ២៣ ដល់ ២៤ខែសីហាឆ្នាំ ២០២១។

រូបភាព៖ Toyota Mirai ប្រ់ើប្រាស់ H2 (Source: InsideEVs)

នេះគឺជាជោគជ័យធំមួយរបស់តូយ៉ូតាដែលអាចបំបែកលើសពីការកំណត់របស់ស្ថាប័នកំណត់ត្រាពិភពលោក លើសពីកំណត់ត្រារថយន្ដអុីដ្រូសែនរបស់ក្រុមហ៊ុនផលិតឡានកូរ៉េខាងត្បូង Hyundai NEXO ដែលបើកបរបានចម្ងាយ 778 km កាលពីឆ្នាំ ២០១៩។

រូបភាព៖ រយៈចម្ងាយដែល Toyota Mirai បើកបាន (Source: InsideEVs)

ការបំបែកកំណត់ត្រា នេះធ្វើឲ្យមានការព្យាករណ៍ថា កម្រិត EPA សម្រាប់ឯកទគ្គកម្មលើកក្រោយនឹងត្រូវបានតម្លើងដល់លើស 1000 miles ឬប្រមាណ 1600km ។

រូបភាព៖ ការវិនិច្ឋ័យប្រគល់ជ័យលាភីកំណត់ត្រាពិភពលោក (Source: InsideEVs)

គួរបញ្ជាក់ផងដែរថា តាមរយៈវេបសាយ SG H2 Energy បានបង្ហាញពីតម្លៃអុីដ្រូសែនទៅតាមប្រភេទរបស់វា ដោយអុីដ្រូសែនធម្មតា និង H2 ប្រផេះមានតម្លៃ $2/kg នៅសហរដ្ឋអាមេរិក រីឯ H2 ខៀវដែឡផលិតពីឧស្ម័នធម្មជាតិមានតម្លៃខ្ទង់ $5-$7/kg ក្នុងសហរដ្ឋអាមេរិក និង H2 បៃតងដែលត្រូវបានផលិតដោយការធ្វើ Electrolysis ប្រើប្រាស់ថាមពលកកើតឡើងវិញ មានតម្លៃ $10-$15/kg ។