ឡានផឹកសាំងច្រើនមែនទេ? នេះជាតិចនិកស្រួលៗ សន្សំសាំងបានច្រើនដល់ទៅ ៣៣%

ឡានស៊ីសាំងជាបញ្ហាធំមួយសម្រាប់ម្ចាស់ឡាន ជាពិសេសការបើកឡានក្នុងក្រុង អញ្ចឹងហើយអ្នកគួរសាកតិចនិកទាំងនេះ ដើម្បីទប់ទល់កុំឲ្យឡានអ្នកផឹកស៊ីសាំងតាមតែអំពើចិត្តពេក ក្រែងសល់លុយ $20-$30 ទុកប៉ាវ Admin ផឹកតែក្រូចឆ្មា 😁

១- បើកឡានតាមសម្រួល

ហ្រ្វាំងឡានជាប្រភពនាំឲ្យឡានស៊ីសាំង ដូច្នេះអ្នកគួរបើកឡានតាមសម្រួល មិនបង្ខំពេក បើកយឺត ហើយជាន់ហ្រ្វាំងតែពេលណាដែលត្រូវការ នោះអ្នកនឹងសន្សំសាំងបានច្រើន ។

២- កុំបើកឡានពេលមានអារម្មណ៍មិនល្អ

ខឹងខុស ខឹងខូច ខឹងខាត ខឹងច្រើនមុខជ្រួញ បើអ្នកខឹងឬមានអារម្មណ៍មិនល្អអ្នកច្បាស់ជាជាន់ Gear កញ្ឆក់ៗ ហើយជាន់ហ្រ្វាំងខ្លាំង នេះបើតាមការស្រាវជ្រាវរបស់ភ្នាក់ងារការពារបរិស្ថានអាមេរិកបញ្ជាក់ថា ការបើកឡានដោយអារម្មណ៍ស្ងប់អាចជួយសន្សំសាំង ៣៣% នៅលើផ្លូវធំ និង៥% លើផ្លូវក្នុងក្រុង ។

៣- សប់ខ្យល់កង់ឡានអោយយបានត្រឹមត្រូវ

កង់ឡានរងការកកិតជាមួយផ្លូវច្រើន ដូចច្នេះត្រូវប្រាកដថា កង់ឡានរបស់អ្នកមានខ្យល់គ្រប់គ្រាន់ នោះម៉ាស៊ីនឡានអ្នកនឹងមិនធ្វើការខ្លាំងពេក ។

៤- បើកម៉ាស៊ីនត្រជាក់ក្នុងកម្រិតសមល្មម

ក្រុមហ៊ុនឡានជាច្រើនពន្យល់ថា ឡាននឹងស៊ីសាំងច្រើនបើអ្នកបើកម៉ាស៊ីនត្រជាក់ខ្លាំង ពេលកំពុងបើកល្បឿនយឺតៗ ដូចនេះព្យាយាមប្រើម៉ាស៊ីនត្រជាក់ល្មមៗបានហើយ ។

៥- កុំឈប់ឡានច្រើនកន្លែងពេក

តែពេលអ្នកទុកឡានចោលចន្លោះ 2-3 ម៉ោង ម៉ាស៊ីននឹងត្រជាក់ ហើយពេលបញ្ឆោះមកវិញ វានឹងស៊ីសាំងលើសធម្មតាក្នុងរយៈចម្ងាយ១០ kmដំបូង ដោយសារវាខំធ្វើការពេលទើបចេញ ដំណើរដំបូង ។

៦- ថែទាំឲ្យបានទៀងទាត់

ឧស្សាហ៍ត្រួតពិនិត្យនិង ថែទាំឡានបានត្រឹមត្រូវគឺជាគន្លិះធ្វើឲ្យឡានប្រើប្រាស់បានយូរឆ្នាំ ម៉ាស៊ីនដំណើរការល្អ ព្រមទាំងស៊ីសាំងតិចជាងមុនដល់ទៅ ១០% ។

៧- ប្រើ Cruise Control

គួរប្រើ Cruise Control ដើម្បីកំណត់ល្បឿនឲ្យរត់ថេរ ព្រោះវាជួយឲ្យម៉ាស៊ីនដំណើរការបានរលូន ស៊ីសាំងតិច ជាពិសេសពេលដែលអ្នកត្រូវធ្វើដំណើរផ្លូវឆ្ងាយ។ ១មុឺន ១ម៉ឺន

ទស្សនាវីដេអូ ៖

..................................................................................

ដើម្បីទទួលបានព័ត៌មាន ចំណេះដឹង និងវីដេអូថ្មីសូម ៖

ឡានផឹកសាំងច្រើនមែនទេ? នេះជាតិចនិកស្រួលៗ សន្សំសាំងបានច្រើនដល់ទៅ ៣៣%

អត្ថបទថ្មី

អត្ថបទទាក់ទង

វីដេអូ