ថ្មីៗនេះ Lexus ទើបតែបានបញ្ចេញវីដេអូខ្លីមួយ បង្ហាញរាងរថយន្ដអគ្គិសនីសុទ្ធប្រភេទ crossover ជំនាន់ថ្មី របស់ខ្លួនមានឈ្មោះថា Lexus RZ សេរីឆ្នាំ ២០២៣ ដែលប្រើប្រាស់គម្រូវិស្វកម្មដូចគ្នាទៅនឹងរថយន្ដ ពីរម៉ូដែលផ្សេងទៀតគឺ Toyota BZ4X ដែលទើបតែនឹងចេញកាលពីពេលថ្មីៗនេះ និងរថយន្ដអគ្គិសនីមួយទៀតគឺ Subaru Solterra។
រថយន្ដទាំងបីនេះប្រើប្រាស់ platform e-TNGA ដូចគ្នា ដោយ Lexus RZ ត្រូវបានរចនាចេញពី concept LF-Z ដែល Lexus បានបង្ហាញកាលពីឆ្នាំកន្លងទៅ។
តាមរយៈវីដេអូ យើងឃើញថា រូបរាងផ្នែកខាងមុខ វានៅរក្សាម៉ូតប៉ាណាចំហៀងរាងជ្រុងបញ្ឆិតដូច Lexus ធម្មតាដដែល គ្រាន់តែមិនមានបន្ទះបាណាធំនៅចំពីមុខដូច Lexus ទូទៅនោះទេ ឬអាចនិយាយបានថា មិនសូវចាំបាច់សម្រាប់ឡានអគ្គិសនី។
បើមើលមួយភ្លែត រូបរាងទាំងមូលរបស់វាវាស្រដៀងនឹង bZ4X និង Solterra គ្រាន់តែរាងវាស្ដើងជាងបន្ដិច អមជាមួយនឹង logo ឈ្មោះពេញ Lexus នៅផ្នែកខាងក្រោយលើទ្វារទី ៥។
សម្រាប់ព័ត៌មានលម្អិតបន្ថែមពីសមត្ថភាព និងការរចនាម៉ូដផ្នែកខាងក្នុង Lexus នៅរទុកជាអាថ៌កំបាំងនៅឡើយ គ្រាន់តែបានបង្ហើបថា RZ នឹងប្រើប្រាស់ម៉ូទ័រអគ្គិសនីលើសពីមួយ រត់ដោយប៉ុង ២ ឬ Direct4 all wheel-drive ។ បើយោងទៅតាមលក្ខណៈរបស់ BZ4X គេសន្និដ្ឋានថា វាអាចនឹងបំពាក់ជាមួយអាគុយថាមពល 71.4 ឬ 72.8 kWh ផលិតកម្លាំងបាន ៤០២ សេះ។
គួរបញ្ជាក់ផងដែរថា Lexus នឹងបង្ហាញមុខឡានអគ្គិសនី Lexus RZ ២០២៣ នេះជាផ្លូវការក្នុងរង្វង់ដើមឆ្នាំ ២០២២ និងទម្លាក់មកបង្ហាញក្នុង showroom នៅបំណាច់ឆ្នាំជាមួយគ្នាផងដែរ។
ប្រភព៖ Auto Blog អត្ថបទ៖ Andra
…………………………………………………………………..
ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖
Follow Page : 👉 Advan Auto
Subscribe Channel : 👉Advan Auto
Follow TikTok : 👉Advan Auto
Follow Instagram : 👉Advan Auto
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
Mazda BT-50 2025 ចេញរូបរាងថ្មីមានទាំងម៉ាស៊ីនតូច 1.9L នឹងម៉ាស៊ីនធំ 3.0L បន្ថែមភាពទំនើបប្លែកមួយចំនួនទៀត
ក្រុមហ៊ុន MG Cambodia បានបើកសម្ពោធជាផ្លូវការអគារតាំងបង្ហាញរថយន្តសាខាទី4 គឺ MG ខេត្តបាត់ដំបង
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក