បច្ចុប្បន្ននេះ មានក្រុមហ៊ុនឡានជាច្រើនដែលបោះទីតាំងនៅស្រុកខ្មែរ នាំចូលរថយន្ដថ្មីៗ ដែលប្រេនឡាន និងម៉ូឌែលខ្លះស្ទើរតែមិនធ្លាប់លឺ មិនធ្លាប់ឃើញទាល់តែសោះ។ ចំណែកខាងឃ្លាំងលក់រថយន្ដ Dealer ក៏មានការនាំចូលនៅពពួកឡានមួយទឹក ឬថ្មីពីក្រៅប្រទេស ដែលមានចម្រុះម៉ាក់ម៉ូឌែលផងដែរ។ ហើយខ្លះទៀតឡានមួយទឹកក្នុងស្រុកស្រាប់ ដែលមើលទៅហមហាន ទំនើប ជាពពួកឡានអ៉ឺរ៉ុបដែលដាក់លក់តម្លៃធូរៗជាដើម។
ដែលជាហេតុធ្វើឲ្យបងប្អូនពិបាកក្នុងការសម្រេចចិត្ត ពិសេសបងប្អូនដែលមានចំណូលទាប ឬមធ្យម ក្នុងការស្វែងរកទិញ ហើយចាប់អារម្មណ៍ទៅលើរថយន្ដទាំងនោះយកមកប្រើប្រាស់ អាចនិងរង់ផងប៉ះពាល់នៃផ្នែកខ្លះណាមួយចំពោះសេដ្ឋកិច្ចរបស់ពួកគាត់ក៏ថាបាន។ ប្រសិនបើបងប្អូនមិនទាន់ដឹងពីពិភពទីផ្សាររថយន្ដសម័យថ្មីក្នុងបរិបទប្រទេសកម្ពុជាយើងទេ និងអាចជួបពីហានិភ័យទាំងនេះ។
តាមការសិក្សារស្រាវជ្រាវអំពីទីផ្សាររថយន្ដចម្រុះនៅស្រុកខ្មែរ បន្ទាប់ពីមានចរន្ដ៍ និងសន្ទុះល្បឿនលឿនខ្លាំងក្នុងរយៈពេល ៣ឆ្នាំចុងក្រោយនេះ Advan Auto សូមលើកយកនៅផលលំបាកចំនួន ៥ចំណុច សម្រាប់ចែកជូនពុកម៉ែបងប្អូនដែលមានលទ្ធភាព មធ្យម ឬក្រោមមធ្យម គិត និងពិចារណាលេងៗ មុននិងធ្វើការសម្រេចចិត្តទិញ ជៀសវាងខាតឡុងចុង។
៥ចំណុចនោះរួមមាន៖
ទី១/ ទិញតម្លៃពេញ ឯលក់វិញខាតច្រើនលើសពីការរំពឹងទុក និងមិនមានការធានាទិញចូលវិញក្នុងតម្លៃសមរម្យណាមួយឡើយ។
ទី២/ ពិបាកក្នុងការលក់ចេញ បើត្រូវការលុយបន្ទាន់ទៀតរឹតតែយាប់ ព្រោះមិនសម្បូអតិថិជនគោលដៅឡើយ និយាយអោយចំ គ្មានហាងឆេងតែម្ដង។
ទី៣/ គ្រឿងបន្លាស់មានតម្លៃខ្ពស់ហួសស្មាន និងមិនសម្បូរឡើយ បើត្រូវខូចខាត និងជួសជុលផ្នែកណាមួយ ឬប្រព័ន្ធមេកាឡិច គឺអាចត្រូវរងចាំពេលវេលាយូ ទាំងជួសជុល និងនាំគ្រឿងពីខាងក្រៅ។
ទី៤/ អាចមានហានិភ័យខ្លះដែរ ក្នុងការជិះធ្វើដំណើរផ្លូវឆ្ងាយតាមខេត្ត បើមានបញ្ហាកំហូចណាមួយ ពិបាកក្នុងការរកជាងជំនាញដែលចេះជួសជុលណាស់ ហើយត្រូវចំណាយច្រើនទៀត។
ទី៥/ បងប្អូនមិនគួរទិញជិះដោយធ្វើការបង់រំលស់នោះទេប្រសិនជាមិនមានលទ្ធមានគ្រប់គ្រាន់ ព្រោះអាចជួបហានិភ័យច្រើន ជាងពពួកឡានធម្មតាដែលសម្បូរ និងពេញនិយមប្រើទូទៅ។
ទាំង៥ចំណុចនេះ គ្រាន់តែជាផ្នែកខ្លះសម្រាប់ជូនបងប្អូនដែលមានចំណូលមធ្យម និងក្រោមមធ្យមគិតពិចារណាប៉ុណ្ណោះ តែបើបងប្អូនចង់ប្រើ គួរស្វែងយល់ និងដឹងបន្ថែមឲ្យបានច្រើនពីរថយន្ដដែលខ្លួនចង់បានដូចជា៖ ទីផ្សារ គុណសម្បត្តិ និងគុណវិបត្តិ បញ្ហាកំហូច និងគ្រឿងបន្លាស់ គឺរឹតតែល្អប្រសើរថែមទៀត។
តែចំពោះបងប្អូនដែលមានលទ្ធភាពគ្រប់គ្រាន់ និងសល់លុយវិញ គិតថាចង់ប្រើឡានទាំងនោះ ឬចាត់ទុកថាឡានទាំងនោះជាជម្រើសទី២ បើមានមួយគ្រាន់ប្លែកពីគេ និងគ្រាន់ទុកជិះម្ដងម្កាល ឬជាអចិន្ដ្រៃយ៍ក៏មិនជាបញ្ហាអ្វីដែល។
ចុះបងប្អូនវិញយល់យ៉ាងណាដែរចំពោះ ៥ចំណុចខាងលើនេះ? សម្រាប់បងប្អូនដែលមានបទពិសោធន៍ និងមតិយោបល់ក៏អាចចែករំលែកបន្ថែមបាន ហើយបើគិតថាទាំង៥ចំណុចនេះល្អ និងសមស្រប់អាចទទួលយកបាន កុំភ្លេចទុកស្នាមមេដៃ ឬក៏ Comment និង Share ម្នាក់មួយផង៕ អរគុណ!
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
CR-V ឆ្នាំ 2020-2023 អត់ទំនើបតែធន់សន្សំសំចៃខ្ពស់ មិនស្មុកស្មាញច្រើនស្រួលប្រើ គ្រាន់តែតម្លៃនៅរាងខ្ពស់បន្ដិច
Celerio 2022 ប្រភេទឡានមួយទឹកខ្លាញ់គោស្រុកខ្មែរធូរថ្លៃគ្រាន់បើ កាន់ក្រោម 1ម៉ឺនអាចទិញបានជិះហើយ
Kia Ray កំពុងមានសន្ទុះប្រើច្រើនគួរសម ពិសេសឆ្នាំ 2012-2017 តម្លៃទីផ្សារក្រោម 1ម៉ឺនក៏មានលើ 1ម៉ឺនក៏មានដែរ
កូន Pick Up អគ្គិសនីកំពុងត្រៀមចេញលក់តម្លៃខ្ទង់ 2ម៉ឺនដុល្លារសាកថ្មមួយពេញជិះបាន 241គីឡូម៉ែត្រ នឹងសមត្ថភាពដឹកបាន 650គីឡូក្រាម
គួរប្រើប៉ុង១ ឬប៉ុង២ មុនទិញត្រូវមើលចំណុចអ្វីខ្លះ? នេះជាគុណសម្បត្តិ នឹង គុណវិបត្តិ ឡាន Pick Up មួយទឹកនាំចូលស្រុកខ្មែរ
តស់! មកដឹងពីគុណសម្បត្តិ នឹងគុណវិបត្តិ Nissan Frontier បន្ដិចសិនមុនសម្រេចចិត្តទិញប្រើ ខណៈតម្លៃកាន់តែធូរថ្លៃគួរសម
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
បច្ចេកវិទ្យាបូម FOX ដ៏អស្ចារ្យនៅលើរថយន្ត Ford Ranger Raptor ដែលអ្នកប្រើប្រាស់ភាគច្រើនមិនបានដឹង!