បងប្អូនប្រហែលជាស្គាល់ហើយនៅត្រកូល Toyota Camry ពីរម៉ូឌែលនេះ ចំពោះប្រជាប្រិយភាពនៅស្រុកខ្មែរមិនចាញ់គ្នាប៉ុន្មានទេ។ ពេញនិយមដូចគ្នាតម្លៃទីផ្សារហាងឆេងណឹងដូចគ្នា តែមួយរយៈនេះសិស្សច្បង បាឡែនហាក់រាងស្ងត់បន្ដិច។ តែទោះជាយ៉ាងណាតម្លៃនៅតែខ្ពស់គួរសម ក្នុងឆ្នាំ២០២២នេះ ជាក់ស្ដែង Camry បាឡែនដែលមានអាយុកាល ២០ឆ្នាំហើយក្ដីក៏តម្លៃចន្លោះពី ជិត១០០០០ម៉ឺនដុល្លារ ទៅ១៣០០០ដុល្លារ អាស្រ័យលើឆ្នាំផលិត ពណ៌ Option និងភិនភាគជាក់ស្ដែង។

សម្រាប់ Camry 2007  វិញតម្លៃនៅតែខ្ពស់ ហើយទីផ្សារនៅតែណឹងដដែល ចាប់ពី ១៥០០០ដុល្លារឡើងទៅដល់ ២៣០០០ដុល្លារឯណោះ ហើយតម្លៃនេះអាចប្រែប្រួលទៅតាម ពណ៌ Option ប្រភេទស្លាកលេខ ឬក្រដាស់ពន្ធ នឹងភិនភាគជាក់ស្ដែង។ 

តម្លៃឃើញថាខុសគ្នាច្រើនគួរសម ក្រៅតែពីរូបរាង ចុះសមត្ថភាព នឹងកម្លាំងម៉ាស៊ីន មានអ្វីផ្លាស់ប្ដូរគួរឲ្យកត់សម្គាល់ឬអត់?

១. ជាការពិតណាស់សម្រាប់បងប្អូនរួមត្រកូលនេះ បើនិយាយពីសមត្ថភាព ទាំងម៉ាស៊ីន ប្រព័ន្ធជើងក្រោម មិនលើសខ្វះគ្នាឡើយ ប្រើម៉ាស៊ីន និងជើងក្រោមដូចគ្នា។ តែប្រអប់លេខរបស់បាឡែន ចាប់ពីឆ្នាំ០៥ឡើង គឺប្រើ៥វគ្គអូតូ ដូច Camry 07 ដែរ ចំពោះបញ្ហាប្រព័ន្ធសុវត្ថិភាពវិញ Camry 07 បានបន្ថែមមកនៅពោងសុវត្ថិភាព៩គ្រាប់ គឺលើស១ប៉ុណ្ណោះ។ ហើយបានបំពាក់ហ្វ្រាំងឌីសគៀបទាំងមុខក្រោយមិនរើស Trim ឬ Option ដូចបាឡែនទេ។ ម៉្យាងទៀតក៏បន្ថែមប្រព័ន្ធជំនួយសំខាន់ដូចជា៖ TC, EBA, នឹងប្រព័ន្ធរោទ៌សម្លេងប្រឆាំងចោរកម្ម ដែលហៅថា Remote Anti-theft alarm System ជាដើម ដែលបាឡែនមានត្រឹមតែ ABS, (ខ្លះមិនមាន) និង EBD ប៉ុណ្ណោះ។

២. ចំពោះរូបរាងវិញសិស្សប្អូន Camry 07 ទទួលបានការផ្លាស់ប្ដូរថ្មីច្រើនខុសពី Camry មុនៗ ដែលការរចនាគឺស្អាត ស្លីម នឹងបែបស្ព័រជាងមុន។ ប្រើចង្កៀងថ្មីប្រភេទគុជ HID មានពិលកាង នឹងបាណាដ៏ទាក់ទាញមើលទៅស្អាតប្លែក ជាងសិស្សច្បងបាឡែន។

ខាងក្នុងវិញមានការតុបតែង ស្អាត បំពាក់កៅអីស្បែកបែបរាងស្ព័របន្ដិច ធំទូលាយគួរសម។ ចំណែកតាបឡូខាងមុខ ថ្មីទាំងស្រុងតែម្ដង ដែលជាហេតុនាំឲ្យ Camry នៅតែលក់ដាច់ ចំណែកឯទីផ្សារនៅនឹង ជាងបាឡែន។

៣. តែទោះជាយ៉ាងណា មិនថា Camry បាឡែន Camry 07 វានៅតែមានសមត្ថភាពរត់ឡើងដងផ្លូវមិនចាញ់គ្នាឡើយ។ តែមួយរយៈចុងក្រោយនេះ បើតាមបទពិសោធន៌ពីបងប្អូនអ្នកប្រើប្រាស់ ចំពោះបាឡែនហាក់ស្ងាប់ស្ងាត់ព្រោះ បញ្ហាស៊ីសាំងខុសពីមុនធម្មតាដែលចន្លោះពី ៨លីត្រ ទៅ ១០លីត្រ តែពេលនេះអាចហក់ដល់ទៅ ១០លីត្រ ទៅ១២លីត្រជាងឯណោះ។ ចំពោះការរត់ល្បឿនវិញ បើជាន់លើសពី ១៣០ km/h ឡានចាប់ផ្ដើមង៉ាងម៉ាស៊ីន និងអាចពិបាកគ្រប់គ្រង។

ម្យ៉ាងទៀតបញ្ហាប្លុកម៉ាស៊ីន និងប្រព័ន្ធជើងក្រោមហាក់មិនទៀងទាត់ ដំណើរការមិនស្រួលដូចពីមុន ព្រោះតែជាឡានដែលចាស់ឆ្នាំ ដូច្នេះត្រូវពិនិត្យមើលឲ្យច្បាស់លាស់ មុននឹងទិញប្រើ តែបើឡាននៅស្អាតការប្រើប្រាស់ក៏មិនងាយធ្វើទុកអ្វីដែរ។ ណាមួយចំពោះបាឡែន ទីផ្សារស្រុកខ្មែរបច្ចុប្បន្នហាក់មិ ននឹងនរឡើយ ឡើងចុះខុសធម្មតាក្នុងរយៈ២ឆ្នាំចុងក្រោយនេះ មិនដូចពីមុនឡើយ។

៤. ចំពោះ Camry 07 វិញហាក់នៅមានសភាពទីផ្សារល្អ ការពេញនិយមនៅដដែលមិនទាន់មានសញ្ញាណាមួយប្រែប្រួលខុសធម្មតាឡើយ។ ចំណែកកម្រិតស៊ីសាំងវិញ ក៏ប្រែប្រួលមិនចាញ់ Camry បាឡែនប៉ុន្មានទេ បងប្អូនអ្នកប្រើខ្លះរាងស្ទើចិត្តដែរត្រង់ចំណុចនេះ។ ណាមួយពេលចុះខេត្តរត់ល្បឿនឡានភាគច្រើនជាន់លើសបានតែ 150 km/h ក៏ង៉ាងម៉ាស៊ីន និងមិនសូវ Smooth ឬ ជក់ល្បឿនខ្លាំងឡើយ។ បញ្ហាទាំងអស់នេះ វាតែងតែជួបនៅពេលដែរឡានចាស់ឆ្នាំ សុខភាពក៏រាងធ្លាក់ចេះមិនដូចកាលពី១០មុនទេ។ 

ចុះចំពោះឡានទាំងពីរម៉ូឌែលនេះ គួរតែសម្រេចចិត្តបែបណា?

Admin គិតថាអាចពិចារណាទៅតាមទឹកលុយបាន បញ្ហាស៊ីសាំងលើសតិចតួច មិនជារឿងចម្លែកទេ។ ហើយការរត់ល្បឿនលើសពី 130 km/h ង៉ាងម៉ាស៊ីន និងពិបាកគ្រប់គ្រងឡាន ក៏មិនមែនជាក្ដីបារម្ភធំអ្វីដែរ ពីព្រោះឡានចាស់ឆ្នាំតែងតែជួបបញ្ហាទាំងអស់នឹង គេចមិនរួចទេ។ ម៉្យាងទៀត ផ្លូវស្រុកខ្មែរយើងបងប្អូនជាន់ត្រឹមតែ 100 km/h ហ្នឹងលឿនពេកផង ណាមួយក៏សម្បូរពូលីសចាប់ល្បឿនណាស់ដែរ។

ជារួមឡានពីរម៉ូឌែលនេះ វានៅតែអាចប្រើប្រាស់បានតម្លៃក៏សមរម្យ បើទោះពីជាមានអាយុកាលជិត ២០ឆ្នាំហើយក្ដី។ វាក៏ស្ថិតក្នុងប្រភេទឡានដែលធន់ សន្សំសំចៃគួរសម ពេញនិយមនៅតាមដងផ្លូវ សម្បូរទីផ្សារ។ បើបងប្អូនកាន់លុយខ្ទង់ ៩០០០ដុល្លារជាង ទៅ១០០០០ម៉ឺនជាង បងប្អូនអាចជិះបាឡែនបានហើយ។

តែបើចង់ប្លែកអារម្មណ៌ ចាប់ចិត្តលើឡានដែលមានរាង ស្លីម ខាងក្នុងស្អាតដូចជា Camry 07 បងប្អូនត្រូវមានចន្លោះពី ១៦០០០ដុល្លារជាង ទៅ២០០០០ម៉ឺនជាង ទើបអាចចែចូវបាន។ បើតាមបទពិសោធន៌របស់បងប្អូនយល់យ៉ាងណាដែរចំពោះ Camry បាឡែន និង Camry 07 នេះ? អាចចូលរួមមតិយោបល់ក្នុង Comment ខាងក្រោមនេះបាន៕  

ដោយ៖ BunSak