ក្នុងចំណោម Corolla ដែលពេញនិយមខ្លាំង គឺមានតែ Corolla ជំនាន់ទី៩ ដែលជា Specs នាំចូលសហរដ្ឋអាមេរិកនេះទេ ដែលឈរជើង ជាមួយទីផ្សារល្អ មកទល់នឹងបច្ចុប្បន្ននេះ។
បើគិតមកដល់ឆ្នាំ២០២៤ Corolla មួយនេះមានអាយុកាល ជាង ២០ឆ្នាំហើយ ក៏ប៉ុន្ដែរ សាច់ឈាម នឹងសមត្ថភាពបើកបរនៅតែអេម មិនទាន់រង្គើរឡើយ សម្រាប់ឡានស្អាតដែលបងប្អូនអ្នកប្រើថែ។
រូបរាងសមរម្យ ជាមួយភាពធន់ សន្សំសំចៃ តម្លៃទីផ្សារនឹងល្អ ធ្វើឲ្យកេរ្ដិ៍ឈ្មោះ របស់រថយន្ដវ័យចំណាស់មួយនេះ នៅតែទាក់អារម្មណ៍ បងប្អូនដដែល។
ក្រៅពីតម្លៃថេល្អ និយាយពីគ្រឿងបន្លាស់វិញក៏សម្បូរ ហើយធូរថ្លៃគួរសមដែរ ម្យ៉ាងបញ្ហាកំហូចនាៗ មិនសូវជាឈឺក្បាលច្រើនទេ ព្រោះជាងនៅតាមស្រុកភូមិក៏ចេះជួសជុល ព្រោះមិនមានបញ្ហាប្រព័ន្ធភ្លើង ឬមេកានិចស្លុកស្មាញច្រើនឡើយ។
គួរបញ្ជាក់ដែរថា៖ Toyota Corolla ជំនាន់ទី ៩ ស៊េរីឆ្នាំ២០០៣ ដល់ ២០០៦ មួយនេះ បំពាក់ម៉ាស៊ីន ៤ ស៊ីឡាំង ១.៨ លីត្រ ផលិតកម្លាំង ១៣០សេះ កម្លាំងរមួល ១២៥ ផោនហ្វីត ប្រើប្រអប់លេខ ៤ វគ្គអូតូ និងបង្វិលកង់ដោយប៉ុងមុខ (FWD)។ បើនិយាយពីល្បឿនវិញ អាចបើកលឿនបំផុតបានខ្ទង់ ១៥០គីឡូម៉ែត្រ/ម៉ោងអីដែរសម្រាប់អាយុកាលបច្ចុប្បន្ន។
ខណៈចេញដំបូលនៅអាមេរិកគេអាចជាន់បានដល់ទៅ ១៨៥គីឡូម៉ែត្រ/ម៉ោង ជាមួយសន្ទុះល្បឿនពី ០ ទៅ ១០០ គីឡូម៉ែត្រ ស៊ីពេល ១០.៥ វិនាទីប៉ុណ្ណោះ។
ចំពោះកម្រិតស៊ីសាំងវិញ ខ្ទង់ ៦លីត្រជាង ទៅ ៨លីត្រជាង ក្នុង១០០គីឡូម៉ែត្រ នឹងចាក់មួយពេញបាន៥០លីត្រ ជាមួយពន្ធផ្លូវប្រចាំឆ្នាំត្រឹម ១០ម៉ឺនរៀលប៉ុណ្ណោះ៕
សម្រាប់បងប្អូនវិញយល់យ៉ាងណាដែរចំពោះ Corolla 03-06 មួយនេះ? បងប្អូនដែលមានមតិយោបល់ បទពិសោធន៍ ព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?
Nissan Sentra 2025 ចេញលក់នៅទីផ្សារអាមេរិក ក្នុងតម្លៃខ្ទង់ 2ម៉ឺនដុល្លារជាងប៉ុណ្ណោះ
Hyundai Elantra 2025 តម្លៃត្រឹម 2ម៉ឺនដុល្លារស្ដើង កំពុងស្ថិតក្នុងប្រភេទឡានថ្មី ដែលមានតម្លៃធូរ
រោងចក្រដំឡើងរថយន្ត Ford ទទួលបានវិញ្ញាបនបត្រស្តង់ដារអន្តរជាតិកម្រិត ISO 9001:2015 និង ISO 14001:2015 ដំបូងគេបង្អស់នៅប្រទេសកម្ពុជា!
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?
Chevrolet Spark 2021 ប្រភេទស្លាកលេខនៅខ្ទង់ 1ម៉ឺនដុល្លារជាង ខណៈមិនទាន់បាត់ខ្លិនខ្លាញ់គោផង ល្មមពិចារណាបាន
ស្រលាញ់ GS300 តែខ្លាចស៊ីសាំងច្រើន អាចមើល GS450h Hybrid រូបរាងដូចគ្នា ទំនើបស៊ីសាំងតិច កម្លាំងខ្លាំងជាងទៀតផង
Corolla Specs អាមេរិកមួយនេះ ស្រុកខ្មែរនៅតែនិយម ព្រោះល្បីថាធន់ សន្សំសំចៃស្រួលប្រើ តម្លៃវិញនៅខ្ពស់គួរសម