Corolla Altis ជំនាន់ទី៨ ស្ថិតក្នុងប្រភេទឡាន Sedan មួយរបស់ Toyota បើទោះបីជាមិនសូវទំនើប នឹងកម្លាំងខ្លាំងក៏ដោយ ប៉ុន្ដែពពួក Corolla ហាក់ផ្ដោតលើភាពធន់ សន្សំសំចៃ នឹងមិនមានភាពស្មុកស្មាញច្រើនឡើយក្នុងការប្រើប្រាស់។
សម្រាប់ស្រុកខ្មែរវិញ Corolla ជំនាន់ទី៨ នេះនៅតែជាឡានដែលពេញនិយម ចំណែកតម្លៃ ដូចជាមិនទាន់ធ្លាក់ទៅណាឡើយ។
ចំពោះស៊េរីឆ្នាំ ២០០១ នឹង ២០០២ កាន់តែត្រូវប៉ាន់ថែមទៀត ព្រោះជាឆ្នាំដែល Toyota ធ្វើការផ្លាស់ប្ដូរ Facelift ក្នុងជំនាន់ទី៨ នៅផ្នែកខាងក្រៅ នឹងខាងក្នុងមួយចំនួន ឬគេហៅថា (ភ្នែកសណ្ដែកដី) ហើយក៏ជាស៊េរីឆ្នាំដែល ទទួលបានការគាំទ្រ ជាមួយតម្លៃទីផ្សារនឹងល្អផងដែរ។
សម្រាប់តម្លៃវិញស៊េរីឆ្នាំ២០០១ នឹង ២០០២ ទោះបីជាមានអាយុកាល ខ្ទង់ ២៣ឆ្នាំ ជាមួយការប្រើប្រាស់យូអង្វែងហើយក្ដី ក៏មិនទាន់មានការប្រែប្រួលខ្លាំងឡើយ។
ចំពោះឡានស្អាតៗ ឃើញនៅលើទីផ្សារដាក់លក់ខ្ទង់ ៥,០០០ដុល្លារក្រាស់ ទៅក្បែរ ៦,០០០ដុល្លារស្ដើងឯណោះ អាស្រ័យលើ ឆ្នាំផលិត ពណ៌ នឹងភិនភាគឡានជាក់ស្ដែងជាដើម។
ហើយក៏មានដែរតម្លៃខ្ទង់ ៤,០០០ដុល្លារជាង ទៅ ៥,០០០ដុល្លារ ដែលភិនភាគឡានល្មមប្រើ អាស្រ័យតាមថវិកាផងដែរ។
គួរបញ្ជាក់ដែរថា៖ Corolla បំពាក់ម៉ាស៊ីន ៤ស៊ីឡាំង ១.៨លីត្រ ផលិតកម្លាំង ១២៥ សេះ រត់ដោយប្រអប់លេខ ៤ វគ្គអូតូ បង្វិលកង់ដោយប៉ុងមុខ(FWD) ជាមួយសមត្ថភាពរត់លឿនបំផុតក្បែរ ១៨០ គីឡូម៉ែត្រ/ម៉ោង ជាន់ស្ទុះពី ០-១០០ គីឡូម៉ែត្រប្រើពេល ១១.៤ វិនាទី។
ជាមួយប្រព័ន្ធជើងក្រោមប្រើប្រភេទ បូមរឺស័រធម្មតា MacPherson Strut ទាំងមុខក្រោយ បំពាក់ហ្វ្រាំងប្រភេទឌីសនៅកង់មុខ និងក្រោយប្រើហ្វ្រាំងត្រលោក ខ្លះក៏មានជំនួយដោយ ប្រព័ន្ធABS ផងដែរ។
បើនិយាយពីកម្រិតស៊ីសាំងវិញខ្ទង់ ៦ ទៅ ៨លីត្រក្នុងមួយ ១០០គីឡូម៉ែត្រ ឬអាចលើសខ្វះតិចតួច អាស្រ័យលើ ស្ថានភាពផ្លូវជាក់ស្ដែង។
សម្រាប់បងប្អូនវិញយល់យ៉ាងណាដែរចំពោះ Corolla ជំនាន់ទី៨ នេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
Mustang ជាឡាន Sport Car ដែលមានតម្លៃធូរ តែរូបរាងអំណាច កម្លាំងខ្លាំង បើចេះលេងថែមថយទៀត មិនចាញ់ Super Car ទេ
Chevrolet Tracker 2024 បញ្ចុះតម្លៃ 3,500ដុល្លារសល់ 2ម៉ឺនដុល្លារជាង ក្លាយជាឡានថ្មីខ្លាញ់គោតម្លៃធូរ ក្នុងចំណោមឡានថ្មីផ្សេងទៀត
BYD M6 បង្ហាញវត្តមាននៅក្នុងទីផ្សារថៃ ថ្មីៗនេះ ជាមួយតម្លៃចាប់ផ្ដើមពី ២៤ ០០០ ដុល្លារទៅ
Ford XL 2024 ជាឡាន Pick Up ថ្មីខ្លាញ់គោតម្លៃ 3ម៉ឺនដុល្លារជាង បន្ថែម ២ចំណុចពិសេសប្លែកជាងស៊េរីឆ្នាំមុន
Mustang ជាឡាន Sport Car ដែលមានតម្លៃធូរ តែរូបរាងអំណាច កម្លាំងខ្លាំង បើចេះលេងថែមថយទៀត មិនចាញ់ Super Car ទេ
Hyundai Starex ហាក់ធូរថ្លៃច្រើន ចង់ប្រើឡានកៅអី ៤ជួររបស់កូរ៉េមួយនេះ កាន់ខ្ទង់ ១ម៉ឺនដុល្លារ រកបានជិះហើយ
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?
Chevrolet Spark 2021 ប្រភេទស្លាកលេខនៅខ្ទង់ 1ម៉ឺនដុល្លារជាង ខណៈមិនទាន់បាត់ខ្លិនខ្លាញ់គោផង ល្មមពិចារណាបាន