ម៉ូឌែល Wildtrak អាចនិយាយបានថាជាបងធំទី ២ មួយក្នុងគ្រួសារ Pick Up របស់ Ford ចំពោះភាពពេញនិយមវិញ ឃើញធ្វើដំណើរមិនសូវដាច់ភ្នែកឡើយនៅលើដងផ្លូវ។
ទោះបីជា All-New Next Generation ថ្មីបានមកដល់នៅលើទីផ្សារស្រុកខ្មែរហើយក្ដី ក៏ប៉ុន្ដែសម្រាប់ Wildtrak 2022 នៅតែជាឡានដែលមាន Performance សមត្ថភាពក្នុងការបើកបរដ៏ល្អមួយ នឹងទំនើបមិនធម្មតាឡើយ។
សម្រាប់តម្លៃវិញកាលចេញដំបូងនៅឆ្នាំថ្មីខ្លាញ់គោខ្ទង់ ៥៣,៥០០ដុល្លារ ហើយក៏មានការបញ្ចុះតម្លៃជាបន្តបន្ទាប់ផងដែរ ខណៈបច្ចុប្បន្នទីផ្សាររបស់ Pick Up មួយនេះឃើញលក់ក្នុងតម្លៃក្បែរ ៣ម៉ឺនដុល្លារ ទៅ ៤១,០០០ដុល្លារ ផងដែរ អាស្រ័យលើ ពណ៌ នឹងភិនភាគឡានជាក់ស្ដែង។
គួរបញ្ចាក់ដែរថា៖ Wildtrak 2022 មួយនេះបំពាក់ម៉ាស៊ីនម៉ាស៊ូតទំហំ ៤ស៊ីឡាំង ២.០លីត្រ Bi-Turbo ជំនាន់ថ្មី ផលិតកម្លាំងសេះបាន ២១០សេះ កម្លាំងរមួល ៥០០ញូតុនម៉ែត្រ រត់ដោយប្រអប់លេខ ១០វគ្គអូតូ បង្វិលកង់ដោយប្រភេទ 4WD ជំនួយដោយប្រព័ន្ធកាប់ពីតាស់ (2H-4H-4L) និងប្រព័ន្ធ Lock ប៉ុងក្រោយផងដែរ។
ចំពោះកម្រិតស៊ីប្រេងសន្សំសំចៃគ្រាន់បើ ក្នុង១០០គីឡូម៉ែត្រចំណាយត្រឹម ៨លីត្រ ទៅ ១០លីត្រជាងប៉ុណ្ណោះ អាស្រ័យលើស្ថានភាពផ្លូវជាក់ស្ដែង។
ចំពោះភាពទំនើបវិញហាក់មិនមានអ្វីត្រូវខ្វះចន្លោះឡើយ ជាមួយផ្ទៃខាងក្នុងស្រោបដោយស្បែករំលិចដោយថ្នេរ អេក្រង់ថាច់ទំហំ ៨អីញមានភ្ជាប់ជាមួយមុខងារ SYNC3 ជំនាន់ចុងក្រោយ មានកាមេរ៉ាក្រោយគំនូសរ៉េតាមចង្កូត ជំនួយដោយសេនស័រ ១០គ្រាប់ជុំវិញជាដើម។
បើនិយាយពីប្រព័ន្ធបច្ចេកវិទ្យាជំនួយការបើកបរវិញ Wildtrak 2022 នេះភ្ជាប់មកជាមួយ ៖
1/ ប្រព័ន្ធជំនួយចូលចតដោយស្វ័យប្រវត្ត (Parallel Parking Assist)
2/ ប្រព័ន្ធផ្តល់សញ្ញាឲ្យអ្នកបើកបរឈប់សំរាកពេលមានអារម្មណ៍ងងុយគេង (Driver Alert System)
3/ ប្រព័ន្ធសម្រាប់កំណត់ល្បឿនពេលបើកបរ (MyKey System)
4/ ប្រព័ន្ធផ្ដល់សញ្ញាគ្រោះថ្នាក់ពេលមានឧបសគ្គ ឬអ្នកថ្មើរជើងឆ្លងកាត់ និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្ត (Pre-Collision Assist with Autonomous Emergency Braking)
5/ ប្រព័ន្ធផ្តល់ដំណឹងនៅពេលបើកបរចេញពីគន្លងផ្លូវ (Lane Keeping System)
6/ ប្រព័ន្ធបន្ថយល្បឿន និងរក្សាគម្លាតសុវត្ថិភាពដោយស្វ័យប្រវត្ត (Adaptive Cruise Control)
7/ ប្រព័ន្ធជំនួយពេលឡើង និងចុះចំណោត (Hill Launch Assist & Hill Descent Control) ជាមួយនឹងប្រព័ន្ធសុវត្ថិភាពសំខាន់ៗជាច្រើនទៀតផងដែរ។
សម្រាប់បងប្អូនវិញយល់យ៉ាងណាដែរចំពោះ Ford Wildtrak 2022 នេះ? បងប្អូនដែលមានមតិយោបល់ បទពិសោធន៌ នៃការប្រើប្រាស់ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
Kona ជាឡាន SUV ខ្នាត់តូចមួយរបស់ Hyundai មិនជាទំនើបណាស់ណា តែធន់សន្សំសំចៃស៊ីសាំងតិច ចាយរាងគ្រាន់បើ
ឡាន Minivan កៅអី 3ជួររបស់ Honda Odyssey 2025 តម្លៃក្រៅស្រុក 4ម៉ឺនដុល្លារជាង ប្រើម៉ាស៊ីន V.6 ស៊ីសាំងខ្ទង់ 12លីត្រ
ស្រឡាញ់ Honda ចង់ចាយខ្ទង់ 3ម៉ឺនដុល្លារជាង រកឡានខ្ពស់ទំនើបអាចមើល Acura ADX 2025 បានព្រោះក្រុមហ៊ុនតែមួយទេ
ចាយរាងគ្រាន់បើ Mazda 3 2025 Carbon Edition កំពុងអួតសម្រស់នៅលើដងផ្លូវ ជាមួយតម្លៃខ្ទង់ 3ម៉ឺនដុល្លារ
Kona ជាឡាន SUV ខ្នាត់តូចមួយរបស់ Hyundai មិនជាទំនើបណាស់ណា តែធន់សន្សំសំចៃស៊ីសាំងតិច ចាយរាងគ្រាន់បើ
នេះគឺ Lexus RX350 មុនទិញជិះមើលផងតិចច្រឡំថា RX330 ខណៈម៉ាស៊ីនធំជាង នឹងស៊ីសាំងខ្លាំងជាង RX330 ទៅទៀតចំណែកទីផ្សារក៏ស្ងាត់ដែរ
Toyota Alphard កាលល្បីដំបូងៗខ្ទង់ 2ម៉ឺនដុល្លារជាងទើបទិញបានជិះ ខណៈបច្ចុប្បន្នមានតែ 1ម៉ឺនជាងមិនខ្វះទេ
Lexus GX460 ធ្លាប់តម្លៃក្បែរ 10ម៉ឺនដុល្លារឥឡូវសល់ខ្ទង់ 4ម៉ឺនដុល្លារ ល្មមដល់ពេលពិចារណានៅ ខណៈតម្លៃនេះអាចទិញឡានខ្លាញ់គោច្រើនជម្រើសណាស់