Ford Ranger ក្នុងរយៈពេលជិត៥ឆ្នាំចុងក្រោយនេះហាក់វ៉ៃឡុកទីផ្សារសម្បើមណាស់ក្នុងពិភពឡានថ្មី ជាពិសេសពពួក Pick Up នឹងតែម្ដង។ នៅដើម្បីឆ្នាំ២០២៣ The All New Next-Generation បាននាំចូលស្រុកខ្មែរមានចំនួន ៤ម៉ូឌែល តែដូចមិនឃើញវត្តមាននៃម៉ូឌែល XLS ដែលជាសិស្សច្បង XL ឡើយ។
ទោះបីជាយ៉ាងណា XLS នៅតែមានចរាចរណ៍លើដងផ្លូវមិនចាញ់ឡាន Ford ស៊េរីចុងក្រោយទោះខ្លួនគ្មានមុខក្នុង All New Next-Generation ស្រុកខ្មែរក៏ដោយ។
ដោយមើលឃើញម៉ូឌែល XLS ឆ្នាំ២០២២ មួយទឹកស្លាកលេខធូរថ្លៃគួរសម ក៏ចង់លើកឡើងមកបង្ហាញចែកជូនបងប្អូនឲ្យបានដឹងពីលក្ខណៈទូទៅខ្លះៗ ជាមួយតម្លៃបច្ចុប្បន្នចន្លោះពី ២៨០០០ដុល្លារ ទៅ ៣០០០០ដុល្លារប៉ុណ្ណោះ ខណៈចេញដំបូលក្រុមហ៊ុនដាក់លក់ ៣៤៩០០ដុល្លារ។
XLS ប្រើម៉ាស៊ីនម៉ាស៊ូតទំហំ ៤ស៊ីឡាំង ចំណុះ ២.២លីត្រ ផលិតកម្លាំងបាន ១៥៨សេះ កម្លាំងរមួល ៣៨៥ញូតុនម៉ែត្រ រត់ដោយប្រអប់លេខ ៦វគ្គអូតូ បង្វិលកង់ដោយប៉ុង១ RWD ប្រើយាន់កង់ទំហំ ១៦អ៉ីង បំពាក់ហ្វ្រាំងឌីសគៀបនៅផ្នែកខាងមុខ និងខាងក្រោយជាហ្វ្រាំងត្រលោគ ជំនួយដោយប្រព័ន្ធ ABS ជាមួយនឹង EBD, RSC និងប្រព័ន្ធទប់លំនឹង ដែលមានសមត្ថភាពដឹកបាន ១តោនជាង និងអូសសណ្ដោងបាន ៣តោនឯណោះ។
ចំពោះកម្រិតស៊ីប្រេងសន្សំសំចៃគ្រាន់បើ ដែលជាមធ្យម ៨លីត្រក្នុង១០០គីឡូម៉ែត្រ ឬអាចលើសខ្វះតិចតួចទៅតាមស្ថានភាពជាក់ស្ដែង។
សម្រាប់ឆ្នាំ២០២២នេះដែរ រូបរាងខាងក្រៅទំហំ ភិនភាគមិនខុសពីរៀមច្បងឡើយ គ្រាន់តែមិនមានអ្វីទំនើបពិសេសប្លែកប៉ុណ្ណោះ។ សម្រាប់ផ្ទៃខាងមុខមានបំពាក់សំណាញ់បាណាបែបសំបុកឃ្មុំស្រដៀងទៅនឹង Wildtrak ដែរតែប្រើចង្កៀងពណ៍លឿងប្រភេទ Halogen ធម្មតា ដែលអមដោយពិលកាងមួយគូរ។
ចូលដល់ខាងក្នុង Ford Ranger ស្ទើតែគ្រាប់ម៉ូឌែលនៅតែរក្សា DNA របស់ខ្លួនគ្រាន់តែបរិក្ខា បច្ចេកវិទ្យា និងភាពស្រស់ស្អាតត្រូវបានបែបចែកទៅតាម Option នៃម៉ូឌែលប៉ុណ្ណោះ។
ជាក់ស្ដែង XLS ទោះបីជាឆ្នាំខ្ពស់ក៏ពិតមែន តែមិនទទួលបាន Smart key ប៉ូតុង Power កៅអីស្បែក នឹងកាម៉េរា ឬ សេនស័រណាមួយនោះឡើយ។ តែក៏មិនអន់ដែរ មានអេក្រង់កណ្ដាល ទំហំ ៨អ៉ីង Sync 3 អាចភ្ជាប់ Bluetooth ជាមួយ Speaker ៦គ្រាប់ និងពោងសុវត្ថិភាពដល់ទៅ ៨គ្រាប់ឯណោះ។
ជារួមម៉ូឌែល XLS រូបរាងមិនចាញ់ Ranger ឆ្នាំ២០២២ផ្សេងៗឡើយ គ្រាន់តែមិនទំនើប និងពិសេសប្លែកប៉ុណ្ណោះ។ តែក៏ជាឡាន Pick Up ឆ្នាំខ្ពស់តម្លៃធូរ ដែលមានការធានាត្រឹមត្រូវ ហើយចំពោះការប្រើប្រាស់ក៏មិនមានហានិភ័យអ្វីច្រើនដែរ។
សម្រាប់បងប្អូនដែលស្រលាញ់ពពួក Pick Up ដែលមិនចាំបាច់ត្រូវការភាពទំនើប មានតម្លៃក្រោម ៣ម៉ឺនដុល្លារ ហើយចង់បានឡានថ្មីឆ្នាំខ្ពស់ដូចខ្លាញ់គោ អាចពិចារណាជាមួយ Ranger XLS ឆ្នាំ២០២២នេះបាន។ ចុះបងប្អូនយល់យ៉ាងណាដែរចំពោះ XLS? សម្រាប់បងប្អូនដែលមានមតិយោបល់ ព័ត៍មាន និងបទពិសោធន៍ក្នុងការប្រើប្រាស់ អាចចូលខ្លួនមកចែករំលែកបន្ថែមបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
ចង់ជិះ Fortuner 2016-2017 គួរកាន់លុយប៉ុន្មាន? ខណៈចេញដំបូង រូបរាងថ្មីផ្អើលទីផ្សារជាមួយតម្លៃ 6ម៉ឺនដុល្លារជាង
Corolla 03 Specs អាមេរិក នៅតែជាឡានមួយដែល ធន់សន្សំសំចៃ ស្រួលប្រើ ពិសេសតម្លៃទីផ្សារនៅនឹងល្អណាស់
គិតមិចដែរ? Suzuki Celerio ថ្មីខ្លាញ់គោតម្លៃតែ ១៣,០០០ដុល្លារជាង ធូរថ្លៃមិនធ្លាប់ជួបក្នុងចំណោមឡានថ្មីគាស់កេស
តស់! មកមើល Option Deluxe Solar របស់ Toyota Prius 2012-2015 បន្ដិចថាខុសប្លែកពី Option Solar ធម្មតាអ្វីខ្លះ?