XLT ជាប្រភេទ Pick Up ថ្នាក់ទី២ បន្ទាប់ពី Wildtrak ឬអាចថាជាប្រភេទ Half Option ពាក់កណ្ដាល ហ្វូល ខណៈការប្រើប្រាស់ នឹងភាពពេញនិយមនៅស្រុកខ្មែរ XLT មិនចាញ់រាមច្បងរបស់ខ្លួនឡើយ។

ចំពោះស៊េរីឆ្នាំ២០២៣ កាលចេញដំបូងតម្លៃពេញ ៤៦,៩០០ដុល្លារឯណោះ ដែលអាចជាឪកាសពិសេសសម្រាប់បងប្អូនចង់ប្រើថ្មីខ្លាញ់គោ ខណៈពេលនេះក្រុមហ៊ុនបញ្ចុះតម្លៃពិសេសដល់ទៅ ៣,០០០ដុល្លារ មកត្រឹម ៤៣,៩០០ដុល្លារ ហើយក៏ជាចំនួនមានកំណត់ផងដែរ។

ម៉ូឌែល Ford XLT ២០២៣ ភ្ជាប់មកជាមួយម៉ាស៊ីនម៉ាស៊ូត  Bi-Turbo (ទាក់បូ២) អាចផលិតកម្លាំងបាន ២១០សេះ កម្លាំងរមួល ៥០០ញូតុនម៉ែត្រ រត់ដោយប្រអប់លេខ ១០វគ្គអូតូ បង្វិលកង់ដោយប៉ុង២ 4WD ជំនួយដោយប្រព័ន្ធ Lock ប៉ុង និងកាប់ពីតាស់ ជាមួយមុខងារ Terrain Select បន្ថែមចំនួន ៤ដូចជា៖ Normal, Eco, Tow/Haul, Slippery និងមុខងារសំខាន់ៗមួយចំនួនទៀតផងដែរ។ 

XLT អាចថាជាប្រភេទរថយន្ដដែល មានកម្លាំងខ្លាំង ទំនើប នឹងសន្សំសំចៃគួរសមដែរ ដោយ ១០០គីឡូម៉ែត្រស៊ីចន្លោះពី ៨លីត្រ ទៅក្បែ ១០លីត្រប៉ុណ្ណោះ ឬអាចលើសខ្វះតិចតួចទៅតាមស្ថានភាពបើកបរជាក់ស្ដែង។

ចំពោះភាពទំនើប នឹងប្រព័ន្ធសុវត្ថិភាពជំនួយពេលបើកបរវិញ XLT ២០២៣ ត្រូវបាន Ford បំពាក់មុខងារមកជាមួយរួមមាន៖

១/ ប្រព័ន្ធកំណត់ល្បឿនតាមរថយន្ដខាងមុខ។ 

២/ ប្រព័ន្ធផ្ដល់សញ្ញា និងចាប់ហ្វ្រាំងដោយស្វ័យប្រវត្តិពេលមានឧបសគ្គនៅខាងមុខ ។

៣/ ប្រព័ន្ធផ្ដល់សញ្ញាពេលឡានចាកគន្លងផ្លូវ។ 

៤/ ប្រព័ន្ធទប់លំនឹងពេលបើកបរផ្លូវកោង និងមុខងារជំនួយពេលឡើង និងចុះចំណោត ជាមួយមុខងារសំខាន់ៗជាច្រើនទៀតផងដែរ។

សម្រាប់បងប្អូនវិញយល់យ៉ាងណាដែរចំពោះ Ford Ranger XLT ២០២៣ មួយនេះ? តម្លៃប៉ុណ្ណឹងគិតថាសមល្មមពិចារណាហើយឬនៅ? បងប្អូនដែលមានចំណាប់អារម្មណ៌ បទពិសោធ៍ នឹងព័ត៍មានបន្ថែម អាចចែករំលែកបាន។

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!