ត្រកូល RX ជាប្រភេទឡាន Crossover SUV បំបូងគេរបស់ Lexus ដែលទទួលបានការគាំទ្រ នឹងពេញនិមយខ្លាំងតាំងពីជំនាន់ទី១ ឆ្នាំ ១៩៩៨ ដល់ ជំនាន់ទី៥ នាពេលបច្ចុប្បន្នមកនេះ។

RX300 ស្រុកខ្មែរឃើញមានប្រើច្រើន នឹងសម្បូរជាងគេពពួកជំនាន់ទី១ ឆ្នាំ ១៩៩៨ ដល់ ២០០៣ ហើយក្នុងនោះដែរក៏ឃើញមាន Trim/Option មួយដែលពិសេសប្លែកជាងគេដែលគេហៅថា Coach Edition ។

RX300 Coach Edition ជា Option មួយដែលត្រូវបាន Lexus ផលិតឡើងមានតែនៅឆ្នាំ ២០០២ តែមួយគត់ អមដោយភាពពិសេសប្លែក នឹងស្ព័រជាងប្រភេទ RX300 ធម្មតាទូទៅ ដែលចំណុចពិសេសទាំងនោះរួមមាន៖

ផ្ទៃខាងមុខមានបំពាក់សំណាញ់បាណារាងជា សំបុកឃ្មុំ​ (honeycomb grille) ផ្នែកចំហៀងមានតែមពាក្យ Coach Edition ជាមួយព័ណ៍រថយន្ដទាំងមូលមាន មួយព័ណ៍តែប៉ុណ្ណោះ សរសុទ្ធ,មាសសុទ្ធ ឬប្រាក់សុទ្ធ (RX300 ធម្មតាមានលាយពីរព័ណ៍) ជាដើម។

ចំពោះខាងក្នុង ឃើញបំពាក់កៅអីស្បែក មានតែមរំលេចអក្សរនៅក្បាលកៅអីអ្នកបើកបរមានពាក្យ Coach Edition ដែលតំណាងឲ្យ Opton Edition ដ៏ពិសេសរបស់ Lexus RX300 ជំនាន់ទី១ ឆ្នាំ២០០២ ខណៈ ផ្នែកផ្សេងៗក្រៅពីនឹង ដូចជា៖ ប្រព័ន្ធភ្លើង កម្លាំងម៉ាស៊ីន នឹងគ្រឿងក្រោម មិនមានអ្វីខុសប្លែកគ្នាឡើយ។

សម្រាប់បងប្អូនវិញយល់យ៉ាងណាដែរចំពោះ Lexus RX300 Coach Edition មួយនេះ? បងប្អូនដែលមានមតិយោបល់ បទពិសោធន៌ អាចចែករំលែកបន្ថែមបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!