កេរ្ត៍ឈ្មោះរបស់ Toyota Prius នៅស្រុកខ្មែរហាក់រីកសាយភាយលឿន ហើយឲ្យតែគេនិយាយពីប្រភេទឡានដែលសន្សំសំចៃ ស៊ីសាំងតិច គឺគេតែងនឹកដល់ Toyota Prius មុនគេតែម្ដង។ នៅតាមដងផ្លូវឃើញម៉ូឌែល Prius មិនដាច់ភ្នែកឡើយ ភាគច្រើនជាស៊េរីឆ្នាំ២០០៤ ដល់ ២០០៩ ជំនាន់ទី២ នឹងឆ្នាំ២០១០ ដល់ ២០១៥ ដែលជាជំនាន់ទី ៣។
ធ្លាប់ឮច្រើនមកហើយថា Prius ស៊ីសាំងតិច ហើយក៏មានសំនួរមួយថា តិចនឹងប៉ុន្មានលីត្រឲ្យប្រកដ់? ថ្ងៃនេះកម្មវិធីបទបង្ហាញរថយន្តមួយទឹក របស់ Advan Auto សូមធ្វើការស្រាយចម្ងល់មួយនេះជូនបងប្អូនតែម្ដង។
បើយោងតាមគេហទំព័រផ្លូវការ សម្រាប់វាយតម្លៃកម្រិតស៊ីប្រេងឥន្ធនៈយានយន្ដ Fueleconomy.gov ដែលស្ថិនក្រោមនាយកដ្ឋាន ថាមពល នឹងទីភ្នាក់ងារការពារបរិស្ថាន របស់សហរដ្ឋអាមរិក ហៅកាត់ EPA បានបញ្ជាក់ថា៖
ចំពោះ Toyota Prius ជំនាន់ទី២ ស៊េរីឆ្នាំ២០០៤ ដល់ ២០០៩ ដែលបំពាក់ម៉ាស៊ីនកូនកាត់ ៤ស៊ីឡាំង ១.៥លីត្រ ចំណាយចន្លោះពី ៤៨ MPG សម្រាប់ក្នុងក្រុង ទៅ ៤៥ MPG ផ្នូវលាត ឬស្មើ ៤.៩លីត្រ ចំពោះការបើករក្នុងក្រុង និង ៥.២លីត្រ សម្រាប់ការបើកបរផ្លូវលាត បើគិតជាមធ្យមខ្ទង់ ៤៦ MPG ឬប្រមាណជា ៥.១លីត្រ ក្នុង ១០០គីឡូម៉ែត្រ។
ចំណែក Toyota Prius ជំនាន់ទី៣ បែងចែកជាពីរដំណាក់កាល គឺស៊េរីឆ្នាំ២០១០ ដល់ ២០១១ ដែលបំពាក់ម៉ាស៊ីនកូនកាត់ ៤ស៊ីឡាំង ១.៨លីត្រវិញ ចំណាយចន្លោះពី ៥១ MPG សម្រាប់ក្នុងក្រុង ទៅ ៤៨ MPG ផ្នូវលាត ឬស្មើ ៤.៦លីត្រ ចំពោះការបើករក្នុងក្រុង និង ៤.៩លីត្រ សម្រាប់ការបើកបរផ្លូវលាត បើគិតជាមធ្យមខ្ទង់ ៥០ MPG ឬប្រមាណជា ៤.៧លីត្រ ក្នុង ១០០គីឡូម៉ែត្រ អាចនិយាយបានថា កាន់តែស៊ីតិចជាងជំនាន់ទី ២។
សម្រាប់ស៊េរីឆ្នាំ ២០១២ ដល់ ២០១៥ វិញហាក់លោតឡើងវិញ ដល់ទៅ ៤៩ MPG សម្រាប់ក្នុងក្រុង ទៅ ៤៦ MPG ផ្នូវលាត ឬស្មើ ៤.៨លីត្រ ចំពោះការបើករក្នុងក្រុង និង ៥.១លីត្រ សម្រាប់ការបើកបរផ្លូវលាត បើគិតជាមធ្យមខ្ទង់ ៤៨ MPG ឬប្រមាណជា ៤.៩លីត្រ ក្នុង ១០០គីឡូម៉ែត្រ។
សរុបមក ទាំងនេះជាទិន្ន័យកាលពីថ្មីដែល EPA ធ្វើការសិក្សាឡើយវិញ សម្រាប់ទិន្ន័យចាស់ចេញពីរោងចក្រ កាលពី ១០ឆ្នាំ ទៅ ២០ឆ្នាំមុនបើគិតពីអាយុកាលនៃរថយន្ដ អាចស៊ីក្រោមនឹងតិចតួច។ ហើយចំពោះកម្រិតស៊ីសាំងជាក់ស្ដែងយ៉ាងណានោះ វាអាចប្រែប្រួល លើសខ្វះ ទៅតាមស្ថានភាព នឹងការបើកបរប្រើប្រាស់ជាក់ស្ដែង។
សម្រាប់បងប្អូនវិញយល់យ៉ាងណាដែរចំពោះ ទិន្ន័យកម្រិតស៊ីសាំងរបស់ Toyota Prius មួយនេះ? ចុះរថយន្ដរបស់បងប្អូនវិញ ក្នុង១០០គីឡូម៉ែត្រស៊ីខ្ទង់ប៉ុន្មានលីត្រដែរ? សម្រាប់បងប្អូនដែលមាន មតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
ប្រភព៖ Fueleconomy.gov
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?
Nissan Sentra 2025 ចេញលក់នៅទីផ្សារអាមេរិក ក្នុងតម្លៃខ្ទង់ 2ម៉ឺនដុល្លារជាងប៉ុណ្ណោះ
Hyundai Elantra 2025 តម្លៃត្រឹម 2ម៉ឺនដុល្លារស្ដើង កំពុងស្ថិតក្នុងប្រភេទឡានថ្មី ដែលមានតម្លៃធូរ
រោងចក្រដំឡើងរថយន្ត Ford ទទួលបានវិញ្ញាបនបត្រស្តង់ដារអន្តរជាតិកម្រិត ISO 9001:2015 និង ISO 14001:2015 ដំបូងគេបង្អស់នៅប្រទេសកម្ពុជា!
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?
Chevrolet Spark 2021 ប្រភេទស្លាកលេខនៅខ្ទង់ 1ម៉ឺនដុល្លារជាង ខណៈមិនទាន់បាត់ខ្លិនខ្លាញ់គោផង ល្មមពិចារណាបាន
ស្រលាញ់ GS300 តែខ្លាចស៊ីសាំងច្រើន អាចមើល GS450h Hybrid រូបរាងដូចគ្នា ទំនើបស៊ីសាំងតិច កម្លាំងខ្លាំងជាងទៀតផង
Corolla Specs អាមេរិកមួយនេះ ស្រុកខ្មែរនៅតែនិយម ព្រោះល្បីថាធន់ សន្សំសំចៃស្រួលប្រើ តម្លៃវិញនៅខ្ពស់គួរសម