កាលពីខ្ទង់ឆ្នាំ​ ២០១៩ នឹង ២០២០ ឃើញ Hyundai បាននាំចូលនៅម៉ូឌែល Kona ក្នុងប្រភេទជា Crossover SUV ហើយកាលនោះតម្លៃខ្ទង់ ៤ម៉ឺនដុល្លារ ខណៈបច្ចុប្បន្នឃើញប្រើមួយៗ នឹងដាក់លក់មួយឺៗប្រភេទស្លាកលេខតម្លៃខ្ទង់ ២ម៉ឺនដុល្លារជាង។

ហើយខ្លះទៀតក៏មានក្រដាសពន្ធដែលនាំចូលពីកូរ៉េតាមរយៈ ឃ្លាំងលក់រថយន្ដមួយចំនួនផងដែរ គ្រាន់តែមិនសម្បូរដូចឡានកូរ៉េផ្សេងៗទៀត។

Kona ដែលឃើញប្រើនៅស្រុកខ្មែរ ភាគច្រើនបំពាក់ម៉ាស៊ីនសាំងទំហំ ៤ស៊ីឡាំង ២.០លីត្រ ផលិតកម្លាំងបាន ១៤៧សេះ កម្លាំងរមួល ១៣២ផោនហ្វីត រត់ដោយប្រអប់លេខ ៦វគ្គអូតូ បង្វិលកង់ដោយប៉ុងមុខ FWD។

ជាមួយកម្រិតស៊ីសាំងខ្ទង់ ៧លីត្រ ទៅ ៨លីត្រក្នុង១០០គីឡូម៉ែត្រ ឬអាចលើសខ្វះតិចតួចអាស្រ័យលើស្ថានភាពជាក់ស្ដែង។

Kona មានប្រវែងតួរខ្លួនសរុប ៤២១៥ម.ម ទទឹង ១៨០០ម.ម កម្ពស់ ១៥៧៥ម.ម ជាមួយទម្ងន់ដល់ទៅ ១.៥តោនឯណោះ។

ចំពោះផ្ទៃខាងក្នុងទូលាយគួរសម បំពាក់កៅអីស្បែកលាយកាំម៉ៃ ២ជួរ ជាមួយមុខងារក្ដៅត្រជាក់ និងជំនួយដោយអេឡិចត្រនិច នៅជួរមុខ នឹងសល់ឃ្លុបក្រោយដាក់អីវ៉ានបានច្រើនគួរសម។

ក្រៅពីនឹងក៏ឃើញមានបំពាក់ Smart Key ដំបូលបើក កញ្ចក់ក្ដោបអូតូ ស្លាយកុងទ័រ​​ Wireless Charging បំពាក់អេក្រង់ថាច់ ៧អ៉ីងភ្ជាប់ Apple CarPlay & Android Auto, ជាមួយកាម៉េរាក្រោយ ជំនួយដោយសេនស័រចូលចត ហើយក៏មាន សេនស័រមុខក្រោយក៏ធ្វើការទៅលើ Blind Spot Monitor ដែលជំនួយដល់ការផ្ដល់សញ្ញាពេលមានវ៉ាជែង ជាដើម។

សម្រាប់បងប្អូនវិញយល់យ៉ាងណាដែរចំពោះ Hyundai Kona ស៊េរីឆ្នាំ ២០១៩ ដល់ ២០២០ មួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!