Venue ជាប្រភេទឡាន Compact SUV របស់ Hyundai ដែលឃើញលក់ នឹងប្រើប្រាស់នៅស្រុកខ្មែរភាគច្រើនជាស៊េរីឆ្នាំ ២០២១ ដល់ ២០២៣ ជាមួយតម្លៃធូរល្មមប្រើក្នុងមានជានមួយទឹក តែនៅថ្មីចង់ដូចខ្លាញ់គោទៅហើយ ជាមួយតម្លៃខ្ទង់ ១ម៉ឺនដុល្លារក្រាស់ប៉ុណ្ណោះសម្រាប់ទីផ្សារបច្ចុប្បន្ននេះ។

Venue មានទំហំប្រវែង ៤០៤០ម.ម ទទឹង ១៧៧០ម.ម កម្ពស់ ១៥៨៥ម.ម ពីដីមកបាត់ឡាន ១៧០ម.ម ជាមួយនឹងទម្ងន់ ១១០០គីឡូក្រាម។ 

ចំពោះប្លុកម៉ាស៊ីនវិញ ឃើញប្រើទំហំ ៤ស៊ីឡាំង ១.៦លីត្រ ផលិតកម្លាំងបាន ១២៣សេះ កម្លាំងរមួល ១៥៤ញូតុនម៉ែត្រ រត់ដោយប្រអប់លេខ ៦វគ្គអូតូ និងលេខដៃ បង្វិលកង់ដោយប៉ុងមុខ FWD ដែលជំនួយ Drive Mode ៣ដូចជា៖ Eco, Normal, និង Sport Mode ទៅតាមស្ថានភាពផ្លូវ។ 

គួបផ្សំយ៉ានកង់ទំហំ ១៧អីញ បំពាក់ហ្វ្រាំងឌីសគៀបទាំងមុខក្រោយជំនួយដោយប្រព័ន្ធ ABS ជាមួយនឹង EBD អាចរត់ល្បឿនជាអតិបរិមា ១៨០គឺឡូម៉ែត្រ/ម៉ោងផុយតែម្ដង។

ជាមួយកម្រិតស៊ីសាំងពពួកម៉ាស៊ីត្រឹម ១.៦លីត្រ អាចថាសន្សំសំចៃគ្រាន់បើ ក្នុង១០០គីឡូម៉ែត្រ ចាយខ្ទង់ ៦លីត្រជាង ទៅ ៧លីត្រជាងប៉ុណ្ណោះ ឬអាចលើសខ្វះតិចតួចអាស្រ័យលើស្ថានភាពជាក់ស្ដែង។

បើក្រឡេកមើលពីផ្ទៃខាងក្នុងវិញ មិនជាចង្អៀតពេកទេ មានបំពាក់កៅអីស្បែកលាយក្រណាត់ពីរជួរ ទូលាយគួរសម អាចអង្គុយគ្នា៥នាក់ បានយ៉ាងស្រួល និងសល់ឃ្លុបក្រោយអាចទុកអីវ៉ានច្រើនគួរសមដែរ។ 

ក្រៅពីនឹងក៏ឃើញមានបំពាក់ជាមួយ អេក្រង់កុងទ័រ Digital អេក្រង់ Touch screen ទំហំ ៨អ៊ីញ និងអាចភ្ជាប់ជាមួយ Apple CarPlay និង Android Auto កាម៉េរាក្រោយ មានសេនស័រជំនួយពេលចូលចត កញ្ចក់ក្ដោបអូតូ Wireless Charge រន្ធសាក USB-C ដំបូលបើក Speaker ៦ គ្រាប់​ ពោសុវត្ថិភាព ៦គ្រាប់ជុំវិញ  ហើយនៅលើដៃចង្កូតក៏មានប៉ូតុងបញ្ជារការគ្រប់គ្រង់ជាច្រើនមួយចំនួនទៀតជាដើម។

សម្រាប់បងប្អូនវិញយល់យ៉ាងណាដែរចំពោះ Hyundai Venue របស់កូរ៉េមួយនេះ? តម្លៃខ្ទង់ ១ម៉ឺនដុល្លារក្រាស់ ក្រៅពី Venue បងប្អូនមានមើលឃើញរថយន្ដណាស់ផ្សេងដែលមានឆ្នាំផលិត ប្រហាក់ប្រហែលគ្នាដែរ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕ 

ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!