Santa Fe ជាប្រភេទឡាន SUV ខ្នាត់មធ្យម កៅអី ៣ជួរ ឬ ៧កៅអីដ៏ពេញនិយមរបស់ក្រុមហ៊ុនកូរ៉េ Hyundai ។ សម្រាប់ម៉ូឌែល Santa Fe នេះផងដែរនៅស្រុកខ្មែរឃើញវត្តមានច្រើនគួរសម ដែលភាគច្រើនជាជំនាន់ទី២ ស៊េរីឆ្នាំ ២០១០ ដល់ ២០១២ នឹងជំនាន់ទី៣ ស៊េរីឆ្នាំ ២០១៣ ដល់ ២០១៥ ប៉ុន្ដែចូលដល់ជំនាន់ទី ៤ ក្រោយៗមក ក៏ឃើញមានជាហូហែរផងដែរ។
ខណៈតម្លៃទីផ្សារបច្ចុប្បន្នស៊េរីឆ្នាំ ២០១៣ ដល់ ២០១៥ ឃើញធូរគ្រាន់បើខ្ទង់ ១ម៉ឺនដុល្លារជាង ដល់ ២ម៉ឺនដុល្លារអីដែរ សម្រាប់ប្រភេទស្លាកលេខ អាស្រ័យលើ ពណ៌ Option ឆ្នាំផលិត នឹងភិនភាគឡានជាក់ស្ដែង។
Santa Fe វាមានប្រវែងតួខ្លួន ៤៧០០ម.ម ទទឹង ១៨៨០ម.ម កម្ពស់ ១៦៨០ ជាមួយនឹងទម្ងន់ ១៩០០គីឡូក្រាម អាចផ្ទុកបន្ថែមបាន ជិត៦០០គីឡូក្រាមទៀតផងដែរ។
ផ្នែកខាងក្នុង បំពាក់កៅអីស្បែក ៣ជួរ ជំនួយដោយអេឡិចត្រនិចនៅជួរមុខ នឹងមុខងារកម្ដៅ អាចជិះបានគ្នា ៧នាក់ នឹងសល់ឃ្លុបក្រោយដាក់អីវ៉ានបានតិចតួចបន្ថែមទៀត។
ទោះបីជាមិនទំនើប ប៉ុន្ដែរក៏មិនសាមញ្ញពេកដែរ ភ្ជាប់មកជាមួយ ផ្លឹតទឹកអូតូ ប្រពន្ធ Smart Key បូតុង Power Start ជាមួយនឹងអេក្រង់ទំហំ ៤.៥អីញ អាចភ្ជាប់ជាមួយ Bluetooth និងកាមេរ៉ាក្រោយ ដែលជំនួយដោយសេនស័រចូលចតផងដែរ។ ក្រៅពីនឹងផ្នែកជាច្រើនស្រោបដោយស្បែក អមដោយក្រូម នឹងពោងសុវត្ថិភាពជុំវិញ ជាមួយសេនស័រវាស់សម្ពាធកង់ជាដើម។
Santa Fe ប្រើជាមួយម៉ាស៊ីនច្រើនជម្រើស តែស្រុកខ្មែរឃើញមានប្រើទូទៅជាប្រភេទសាំង និងម៉ាស៊ូតដូចជា៖
ម៉ាស៊ីនសាំងទំហំ ៤ស៊ីឡាំង ២.៤លីត្រ ផលិតកម្លាំងបាន ១៩០សេះ កម្លាំងរមួល ១៨១ផោនហ្វីត ជាមួយកម្រិតស៊ីសាំងចន្លោះពី ១០លីត្រ ទៅ ១២លីត្រក្នុង១០០គីឡូម៉ែត្រ ឬអាចលើសខ្វះតិចតួចទៅតាមស្ថានភាពជាក់ស្ដែង។
ចំណែកម៉ាស៊ីនម៉ាស៊ូតជំនួយដោយ Turbo ចំណុះ ២.២លីត្រ អាចផលិតកម្លាំងបាន ១៩៧សេះ ជាមួយកម្លាំងរមួលរហូតដល់ ៣១១ផោនហ្វីត ស៊ីប្រេងន្លោះពី ៨លីត្រ ទៅ១០លីត្រក្នុង១០០គីឡូម៉ែត្រ ឬអាចលើសខ្វះតិចតួច។
ទាំងពីរប្រភេទនេះ រត់ដោយប្រអប់លេខ ៦វគ្គអូតូ ជាមួយនិងជម្រើសបង្វិលកង់ដោយប៉ុង១ FWD និងប៉ុង២ AWD ហើយក៏មានជំនួយដោយប្រព័ន្ធ Lock ប៉ុងផងដែរ។
សម្រាប់បងប្អូនវិញយល់យ៉ាងណាដែរចំពោះ Hyundai Santa Fe ស៊េរីឆ្នាំ ២០១៣ ដល់ ២០១៥ មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
Ford Everest 2022 តម្លៃទីផ្សារខ្ទង់ 4ម៉ឺនដុល្លារជាងគួរពិចារណាអត់? ល្បីថាសន្សំសំចៃទំនើប នឹងធន់ក្នុងការប្រើប្រាស់
តស់! មកមើលតម្លៃ Corolla Cross 2023 ប្រភេទស្លាកលេខនៅសល់ប៉ុន្មាន? ខណៈស៊េរីឆ្នាំ 2024 ប្ដូររាងថ្មីបានចេញលក់ស្ទើអស់ស្ដុកទៅហើយ