កេរ្ដិ៍ឈ្មោះរបស់ Kia Morning សម្រាប់ស្រុកខ្មែរគឺថាល្បីនឹងពេញនិយមខ្លាំងគួរសម ម្យ៉ាងឲ្យតែនិយាយដល់ពពួកឡានទាប់តូចខ្លីល្មម គេតែងតែនឹកដល់ពពួក Kia Morning នេះតែម្ដង។ 

Morning គឺជាឈ្មោះសម្រាប់ Specs ប្រើនៅប្រភេទកូរ៉េផ្ទាស់ ហើយក៏មានបងប្អូនអ្នកលក់រថយន្ដមួយទឹកនាំចូលមកទីផ្សារស្រុកខ្មែរផងដែរ មានស្ទើគ្រប់ស៊េរីឆ្នាំតែម្ដង។

សម្រាប់តម្លៃវិញបើនិយាយពីរូបរាងភាពទំនើបដូចគ្នាគឺស៊េរីឆ្នាំ ២០២១ ដល់ ២០២៣ ជាមួយតម្លៃទីផ្សារស្រុកខ្មែរខ្ទង់ ១ម៉ឺនដុល្លារក្រាស់ ទៅក្បែរ ២ម៉ឺនដុល្លារ អាស្រ័យលើប្រភេទស្លាកលេខ ឬក្រដាស់ពន្ធ ឆ្នាំផលិត ពណ៌ Option នឹងភិនភាគឡានជាក់ស្ដែង។

ចំពោះម៉ាស៊ីនវិញ Kia Morning ឆ្នាំ២០២១ ដល់២០២៣ មានច្រើនប្រភេទ តែសម្រាប់ស្រុកខ្មែរឃើញនាំចូលមកភាគច្រើនបំពាក់ម៉ាស៊ីនសាំងទំហំ ៣ស៊ីឡាំងដដែលតែប្រើម៉ាស៊ីនជំនាន់ថ្មី MPI-I3 ចំណុះ ១.០លីត្រ ផលិតកម្លាំងបាន ៨០សេះ រត់ដោយប្រអប់លេខ ៥វគ្គអូតូ បង្វិលកង់ដោយប៉ុងមុខ ជាមួយកម្រិតស៊ីសាំងជាធម្យម ៤លីត្រ ទៅ ៥លីត្រជាងប៉ុណ្ណោះក្នុង១០០គីឡូម៉ែត្រ។

ឃើញតូចមែនប៉ុន្ដែមិនចង្អៀតពេកឡើយ បំពាក់កៅអីស្បែក ២ជួរអាចជិះបាន ៥នាក់នឹងសល់ឃ្លុបក្រោយដាក់អីវ៉ាន់បានមួយចំនួនផងដែរ។

បើជាប្រភេទ Option ខ្ពស់ៗដូចជា GT-Line វិញឃើញ បន្ថែមនៅ កៅអីក្ដៅប្រជាក់សម្រាប់អ្នកបើកបរ ដំបូលបើក កញ្ចក់មើលក្រោយកាត់ចំណាំងផ្លាត​ ពោងសុវត្ថិភាព ៧គ្រាប់ជុំវិញ កន្លែងសាក់ថ្មឥតខ្សែ អេក្រង់ ៨អ៉ីងថ្មីភ្ជាប់មុខងារ Apple CarPlay & Android Auto កាម៉េរាក្រោយ ជំនួយដោយសេនស័រចូលចត ជាមួយនឹងកាបីនតាមឡូវថ្មីប្លែក ជាមួយផ្នែកជាច្រើនស្រោមដោយស្បែករំលិចដោយថ្នេរផងដែរ។ 

បើនិយាយពីប្រព័ន្ធសុវត្ថិភាពជំនួយពេលបើកបរវិញឃើញភ្ជាប់មកជាមួយដូចជា៖

១/ ប្រព័ន្ធផ្ដល់សញ្ញាពេលវ៉ាជែង Blind Spot Monitor ។

២/ ប្រព័ន្ធចាប់ហ្វ្រាំងអូតូពេលមានឧបសគ្គនៅខាងមុខ Adaptive Cruise Control ។

៣/ ប្រព័ន្ធគ្រប់គ្រងការបើកបរត្រូវតាមកន្លងផ្លូវ Lane Keeping Assist ។

៤/ ប្រព័ន្ធផ្ដល់សញ្ញាពេលមានឧបសគ្គនៅខាងក្រោយ Rear Cross Traffics Alert និងមុខងារសំខាន់ៗជាច្រើនមួយចំនួនទៀតផងដែរ។

សម្រាប់បងប្អូនវិញយល់យ៉ាងណដែរចំពោះ Kia Morning ២០២១ ដល់ ២០២៣ មួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!