Kia Visto អាចថាជាឡានដែលចាស់វស្សាដែរហើយដែលប្រើប្រាស់នៅស្រុកខ្មែរ បន្ទាប់ពីពពួក Kia Morning ដែលជាមិត្តរួមគ្រួសារ។ 

ស្រុកខ្មែរឃើញនៅមានប្រើច្រើនធម្មតាបើទោះបីជាអាយុកាល ២០ឆ្នាំជាងក្ដី ជាទូទៅស៊េរីឆ្នាំ ១៩៩៩ ដល់ ២០០៣ ជាមួយតម្លៃវិញគឺថាប្រហាក់ប្រហែលម៉ូតូដែរ ខ្ទង់ ១ពាន់ក្រាស់ ទៅ ២ពាន់ស្ដើងប៉ុណ្ណោះ អាស្រ័យលើ ប្រភេទម៉ាស៊ីន នឹងភិនភាគឡានជាក់ស្ដែង។

តែចាប់ពីឆ្នាំ២០០១ Kia បំពាក់បន្ថែមនៅជម្រើស Turbo ជំនួយកម្លាំងបន្ថែមបានដល់ទៅ ៧០សេះ (ខ្មែរហៅម៉ាស៊ីនធំ) អាចរត់ល្បឿនបំផុតបានក្បែរ ១៥០គីឡូម៉ែត្រ/ម៉ោង ជាមួយកម្រិតស៊ីសាំងចន្លោះពី ៥លីត្រទៅ ៦លីត្រក្នុង១០០គីឡូម៉ែត្រ ឬអាចលើសខ្វះទៅតាមស្ថានភាពផ្លូវ និងការបើកបរជាក់ស្ដែង។

Visto ជាប្រភេទ Compact ឬ City Car ដែលមានទ្វា ៥ កៅអី ២ជួរ អាចជិះបានគ្នា៥ នាក់និងឃ្លុបក្រោយតិចតួច សម្រាប់ដាក់ឥវ៉ាន់បានមួយចំនួន។

តែបើនិយាយពីភាពទំនើប នឹងបរិក្ខាដែលបំពាក់មកជាមួយ ហាក់មិនមានអ្វីប្លែកឡើយ សាមញ្ញៗប៉ុន្ដែបើប៉ះឡានស្អាតម៉ាស៊ីនអេម ចង់ទៅណាក៏ទៅដល់គោលដៅបានដែរសម្រាប់ផ្លូវជាតិស្រួលបើកដូចបច្ចុប្បន្ននេះ។

សម្រាប់បងប្អូនវិញយល់យ៉ាងណាដែរចំពោះ Kia Visto? បងប្អូនណាខ្លះធ្លាប់មានបទពិសោធន៍ ជាមួយកូនក្ដាមស្រែមួយនេះ? សម្រាប់មតិយោបល់ នឹងព័ត៍មានបន្ថែម អាចចែករំលែកបាន៕

ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!