CT200h នៅស្រុកខ្មែរបច្ចុប្បន្នសម្បូរនាក់ជិះច្រើនដែរគួរសម ហើយប្រភេទ Hatchback របស់ Lexus មួយនេះ ជាទូទៅស៊េរីឆ្នាំ២០១១ ដល់ ២០១៤ ។ វាជាប្រភេទឡាន Hatchback Hybrid ថ្វីត្បិតតែពាក់អាវជា Lexus តែម៉ាស៊ីន ជារបស់ Toyota Prius ២០១០ សុទ្ធសាធ តែភាព Luxury នឹងភាព Comfort វិញ CT200h ស៊ីដាច់ហើយ។

សម្រាប់ស្រុកខ្មែរចាប់ផ្ដើមនិយម Ct200h នេះចាប់ពីឆ្នាំ២០២១ ជាមួយតម្លៃចាប់ពី ២ម៉ឺនក្រាស់ ទៅ ៣ម៉ឺនដុល្លារស្ដើងឯណោះ អាស្រ័យលើ ឆ្នាំផលិត ពណ៌ Option ជាដើម។

ខណៈបច្ចុប្បន្ន Lexus គូទហើមមួយនេះស្លាកលេខនៅខ្ទង់ ១ម៉ឺនដុល្លារក្រាស់ ទៅ ២ម៉ឺនស្ដើង ចំណែកប្រដាសពន្ធចន្លោះពី ២ម៉ឺនដុល្លារ ទៅ ២ម៉ឺនដុល្លារក្រាស់ប៉ុណ្ណោះ។ តម្លៃទាំងនេះ ប្រែប្រួលអាស្រ័យលើ ពណ៌ ឆ្នាំផលិត Trim/Option និងភិនភាគឡានជាក់ស្ដែង។

គួរបញ្ចាក់ថា Lexus CT200h ភ្ជាប់មកជាមួយជម្រើស Trim/Option ដូចជា៖  Executive, Premium, F Sport, F Sport Premium, F Sport Luxury Package Navigation ដែលជាកំពូល Option និងមានប្រព័ន្ធបច្ចេកវិទ្យាសុវត្ថិភាពជំនួយពេលបើកបរ Toyota Safety Sense មិនចាប់ Toyota Prius ស៊េរីឆ្នាំ២០១០ Option 5 Advanced ឡើយ។

Ct200h ប្រើម៉ាស៊ីន Hybrid ៤ស៊ីឡាំង ១.៨លីត្រ ផលិតកម្លាំងបាន ១៣៤សេះ និងកម្លាំងរមួល ១០៥ ផោនហ្វីត។ ភ្ជាប់ជាមួយនឹង Mode មាន EV, Eco,​ Normal, និង​ Sport Mode  រត់ដោយប្រអប់លេខ CVT បង្វិលកង់ដោយប៉ុងមុខ FWD ជាមួយកម្រិតស៊ីសាំងខ្ទង់ ៥លីត្រ ទៅក្បែរ ៦លីត្រ ក្នុង១០០គីឡូម៉ែត្រ។

សម្រាប់បងប្អូនវិញយល់យ៉ាងណាដែរចំពោះ Lexus Ct200h មួយនេះ? បងប្អូនដែលមានមតិយោបល់ និងបទពិសោធន៍ អាចចែករំលែកបន្ថែមបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!