HS250h កំពុងមានសន្ទុះនៃការប្រើប្រាស់ច្រើនគួរសមក្នុងរយៈពេល ២ឆ្នាំចុងក្រោយនេះ ក្នុប្រភេទជាង រថយន្ដ Hybrid បែប Sedan របស់ Lexus ។

HS ផលិតដំបូងនៅឆ្នាំ២០១០ ដល់ ឆ្នាំ២០១៤ ក្រោយមកក៏ស្ងាត់បាត់ស្រមោលតែម្ដង ប៉ុន្ដែក្នុងឆ្នាំ២០១៣ ឡើងទៅ​ Lexus ធ្ចើការ Facelift កែប្រែផ្នែកខ្លះដើម្បីឲ្យកាន់តែលើកសម្រស់ថែមទៀត។

សម្រាប់ស្រុកខ្មែរវិញ ឃើញសម្បូរតែស៊េរីឆ្នាំ២០១០ ដល់២០១២ ជាមួយតម្លៃកាលពីរឆ្នាំមុនចាប់ពី ២ម៉ឺនដុល្លារក្រាស់ ទៅ ៣ម៉ឺនដុល្លារស្ដើង អាស្រ័យតាមឆ្នាំផលិត ពណ៍ Option ស្លាកលេខ ឬក្រដាសពន្ធ នឹងភិនភាគជាក់ស្ដែងជាដើម។

ខណៈទីផ្សារបច្ចុប្បន្នរបស់ HS250h ហាក់ប្រែប្រួលខ្លាំង អាចនិយាយបានថាតម្លៃប្រហាក់ប្រហែលទៅនឹង ពពួក Prius ឆ្នាំ២០១០ នឹង Camry 2007 សម្រាប់បងប្អូនចង់សាករសជាតិ ត្រកូល Lexus មួយនេះកាន់ខ្ទង់ ២ម៉ឺនដុល្លារ ទៅ ២ម៉ឺនដុល្លារជាង អាចរកបានជិះហើយ អាស្រ័យលើពណ៌ ប្រភេទស្លាកលេខ ឬក្រដាសពន្ធ ឆ្នាំផលិត Trim/Option នឹងភិនភាគស្ដែងជាដើម។

HS250H ប្រើម៉ាស៊ីនប៉ុណគ្នាជាមួយ Camry Hybrid 2007 ទំហំ ៤ស៊ីឡាំង​ ចំណុះ ២.៤លីត្រ បូកទាំងមូទ័រអគ្គិសនីផង អាចផលិតកម្លាំងបាន ១៨៧សេះ កម្លាំងរមួល ១៣៨ផោនហ្វីត ប្រើប្រអប់លេខ CVT បង្វិលកង់ដោយប៉ុងមុខ (FWD)។

HS ក៏ភ្ជាប់មកជាមួយ Driving Mode ដូចជា៖ EV, Eco, Power Mode ជាមួយកម្រិតស៊ីសាំងសន្សំសំចៃគ្រាន់បើ ជាក់ស្ដែង១០០គីឡូម៉ែត្រចំណាយត្រឹមតែ ៧ លីត្រទៅ ៨លីត្រជាង អាស្រ័យលើស្ថានភាពជាក់ស្ដែង។

សម្រាប់បងប្អូនវិញយល់យ៉ាងណាដែរចំពោះ Lexus HS250H ដែលជា Luxury Sedan មួយនេះ? ចំពោះបងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!