នេះគឺជា Lexus IS250 ជាឡាន Sedan ទ្វា៤ កៅអី ២ជួរទំនើបគួរសម ខណៈស្រុកខ្មែរមានប្រើច្រើនគួរសមជាស៊េរីឆ្នាំ ២០០៦ ដល់ ២០០៨ ជាមួយតម្លៃខ្ទង់ ១ម៉ឺនដុល្លាជាង ទៅ ២ម៉ឺនដុល្លារ អាស្រ័យលើ ពណ៌ Option ឆ្នាំផលិត នឹងភិនភាគឡានជាក់ស្ដែង។

ត្រកូល IS មានច្រើនប្រភេទអាស្រ័យលើកម្លាំង Performance ជាក់ស្ដែងម៉ូឌែល IS250 មួយនេះបំពាក់ម៉ាស៊ីន ៦ស៊ីឡាំង ២.៥លីត្រ ផលិតកម្លាំងបាន ២០៤សេះ កម្លាំងរមួយល ១៨៥ផោនហ្វីត រត់ដោយប្រអប់លេខ ៦វគ្គអូតូ ជំនួយដោយ Paddle Shifter  បង្វិលកង់ដោយប៉ុងក្រោយ RWD និងប៉ុងពីរ AWD អាចរត់លឿនបំផុតបាន ២៣០គីឡូម៉ែត្រ/ម៉ោង ដែលអាចជាន់ស្ទុះពី ០ ទៅ ១០០គីឡីម៉ែត្រប្រើពេលតែ ៨វិនាទីប៉ុណ្ណោះ។

ជាមួយកម្រិតស៊ីសាំងខ្ទង់ ១០លីត្រ ទៅ ១៤លីត្រ ក្នុង ១០០គីឡូម៉ែត្រ ឬអាចលើសខ្វះតិចតួចអាស្រ័យលើស្ថានភាពជាក់ស្ដែង។

ទោះបីជារូបរាងបែបស្ព័របន្ដិចមែន ប៉ុន្ដែផ្ទៃខាងក្នុងស្អាត Luxury គួរសម ជាមួយការបំពាក់ កៅអីស្បែក២ជួរ ជំនួយដោយអេឡិចតត្រនិកខាងជួរមុខ មានមុខងារកម្ដៅ នឹង Mamery Seat ប្រព័ន្ធ Smart Key កញ្ចក់កាត់ចំណាំងផ្លាត់ ដំបូលបើក ពោងសុវត្ថិភាព ៨គ្រាប់ Speaker ១៣គ្រាប់  អេក្រង់ថាច់ទំហំ ៩អីញ មានកាម៉េរាក្រោយ និងសេនស័រជំនួយពេលចូលចតផងដែរ។

បើជាប្រភេទ Full Option ឃើញបន្ថែមនៅ Speaker​  Mark Levinson ផ្លិតទឹកអូតូ  ជាមួយនឹងប្រព័ន្ធសុវត្ថិភាពជំនួយពេលបើកបរមួយចំនួនដូចជា៖ 

ប្រពន្ធចាប់ល្បឿនអូតូតាមឡានខាងមុខ Dynamic Radar Cruise Control​ ។
ចង្កៀងមុខប្រើគុជ HID ប្រភេទ Adaptive អាចរ៉េឆ្វេងស្ដាំតាមចង្កូត និងមានមុខងារសំខាន់ៗជាច្រើនមួយចំនួនទៀតផងដែរ។

សម្រាប់បងប្អូនវិញយល់យ៉ាងណាដែរចំពោះ Lexus IS250 ស៊េរីឆ្នាំ​ ២០០៦ មួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!