RC200t ជាប្រភេទឡានស្ព័រ Coupe ដ៏ពេញនិយមក្នុងចំណោមត្រកូល RC របស់ Lexus ដែលមាន សម្រាប់ស្រុកខ្មែរវិញ សម្បួរតែប្រភេទ RC200t នេះហើយ ព្រោះម៉ាស៊ីនតូចល្មមតែកម្លាំងខ្លាំងគួរសម ម៉្យាងពន្ធនាំចូលក៏ធូរដែរ។ 

RC ផលិតដំបូងនៅឆ្នាំ២០១៥ ចាត់ជាជំនាន់ទី១ រហូតដល់បច្ចុប្បន្ន ជាមួយការផ្លាស់ប្ដូររូបរាងនៅឆ្នាំ ២០១៩ Facelift សម្រាប់ជំនាន់ទី២ វិញហាក់មិនទាន់មានសញ្ញាល្អ ជាមួយ Generation ថ្មីនៅឡើយទេ។

RC200t បំពាក់ម៉ាស៊ីន Turbo ៤ស៊ីឡាំង ២.០លីត្រ ផលិតកម្លាំងបាន ២៤១សេះ កម្លាំងរមួល ២៥៨ផោនហ្វីត រត់ដោយប្រអប់លេខ ៨វគ្គអូតូ មាន Paddle Shift បង្វិលកង់ដោយប៉ុងក្រោយ RWD ជំនួយដោយប្រព័ន្ធ Rear LSD (F-Sport) ភ្ជាប់ជាមួយ Drive Mode ដូចជា៖ Eco, Normal, Sport​ Mode ។

បើនិយាយពីសន្ទុះល្បឿនវិញ RC200t អាចជាន់ពី ០ ទៅ ១០០គីឡូម៉ែត្រចាយពេល ៦.៨វិនាទី រត់លឿនបំផុតបាន ២៣០គីឡូម៉ែត្រ/ម៉ោង ជាមួយកម្រិតស៊ីសាំងខ្ទង់ ៨លីត្រជាង ទៅ ១២លីត្រក្នុង១០០គីឡូម៉ែត្រ។

ស្រុកខ្មែរសម្បូភាគច្រើនជាស៊េរីឆ្នាំ២០១៦ ដល់ ២០១៨ ជាមួយ Trim/Option ដូចជា៖ Standard, Premium, Luxury និង F-Sport។ សម្រាប់តម្លៃវិញខ្ទង់ ៣ម៉ឺនដុល្លារ ទៅ ៤ម៉ឺនដុល្លារ អាស្រ័យលើ ពណ៌ Trim/Option ឆ្នាំផលិត ប្រភេទស្លាកលេខ ឬក្រដាសពន្ធ នឹងភិនភាគឡានជាក់ស្ដែងជាដើម៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!