និយាយចំពោះ RX350 ដែលផលិតដំបូងនៅឆ្នាំ ២០០៧ ដល់ ២០០៩ ផ្នែកខាងក្រៅស្ទើតែដូច RX330 99% ទៅហើយ តែខុសត្រង់ស៊េរីឆ្នាំ២០០៨ឡើងទៅ បំពាក់យាន់កង់ថ្មីទំហំ១៨អីញ មានកាំក្រឡាចំនួន៧ ដែលពពួក RX330 មានត្រឹម៥កាំប៉ុណ្ណោះ យាន់បែបនេះមើលទៅស្អាតប្លែកបែបស្ព័រជាង RX330 ផងដែរ។

និយាយពីទីផ្សារលក់ចេញទិញចូលវិញ ហាក់ស្ងាត់តែម្ដង នឹងមិនសូវសម្បូរឡើយ ព្រោះមិនសូវពេញនិយម ខណៈទីផ្សាររបស់ RX330 ហាក់គ្រាន់បើជាង ប្រហែលមកពីតម្លៃក៏ធូរជាង នឹងស៊ីសាំងតិចជាងបន្ដិច ស្រប់ពេលដែលរូបរាងគឺថាដូចបងប្អូនភ្លោះទៅហើយ។

RX350 ត្រូវបាន Lexus បំពាក់ម៉ាស៊ីនថ្មីស្រឡាងខុសពី RX330 ដែលមានទ V6 3.5L មានកូដ 2GR-FE ដែលអាចបង្កើនកម្លាំងសេះបានដល់ទៅ ២៧០សេះ ជាមួយនឹងកម្លាំងរមួល ២៥១ផោនហ្វីត រត់ដោយប្រអប់លេខ ៥វគ្គអូតូ និងបង្វិលកង់ដោយជម្រើសប៉ុង១ និងប៉ុង២ដដែល។ និយាយពីល្បឿនវិញអាចជាន់ស្ទុះពី០ ទៅ១០០គីឡូម៉ែត្រ ប្រើពេលតែ ៧វិនាទីប៉ុណ្ណោះ។

ចំពោះកម្រិតស៊ីសាំងវិញជាក់ស្ដែងបច្ចុប្បន្នអាចហក់ដល់ទៅ ១៣លីត្រជាង ទៅ ១៧លីត្រជាងក្នុង១០០គីឡូម៉ែត្រ ឬអាចលើសខ្វះតិចតួចទៅស្រ័យលើការបើកបរជាក់ស្ដែង។

សម្រាប់បងប្អូនវិញយល់យ៉ាងណាដែរចំពោះ​ ចំពោះ Lexus RX350 ជំនាន់ទី១ ដែលមានរូបរាងដូច RX330 មួយនេះ? បងប្អូនដែលមានបទពិសោធន៍ មតិយោបល់ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!