Nissan ជំនាន់ទី ២ ឆ្នាំ ២០០១ ដល់ ២០០៤ ក៏ពេញនិយមខ្លាំងណាស់ដែរ ២០ឆ្នាំមុននរណាមិនល្បីថា Nissan ជាកំពូលរថយន្ដតាក់ស៊ីផ្ដាច់ប្រលឹង នឹងដឹកប៉ុន្មានក៏បានអោយតែដាក់កើត។ មានវ័យកាន់តែចាស់ តម្លៃកាន់តែធ្លាក់ ជាក់ស្ដែងទីផ្សារបច្ចុប្បន្នបងប្អូនអាចរកទិញបានចន្លោះពី ៧០០០ដុល្លារជាង ទៅ ៩០០០ដុល្លារ អាស្រ័យលើឆ្នាំផលិត ប្រភេទម៉ាស៊ីន និងភិនភាគជាក់ស្ដែងជាដើម។
ទោះបីជាសេរីក្រោមបន្ដិចមែន តែហាក់នៅពេញនិយមនៅឡើយ សម្រាប់បងប្អូនដែលមានតម្រូវការប្រើប្រាស់ក្នុងតម្លៃមួយសមរម្យ។ ភាគច្រើនបងប្អូនខាងជនបទគាត់ប្រើជាលក្ខណៈរកស៊ី ដូចជា រត់តាក់ស៊ី ដឹកទំនិញ និងបន្លែភោគផលជាដើម។
ប្រធានបទសម្រាប់ឡានមួយទឹកថ្ងៃនេះ គឺ Nissan Frontier ជំនាន់ទី២ ឆ្នាំ០១ ដល់០៤ ចង់ដឹងថាសម្ថភាពនៅប្រើការបានកម្រិតណា សូមតាមដានជាមួយ Advan Auto ទាំងអស់គ្នា។
១. Frontier មានច្រើនជម្រើស ដូចជាម៉ាស៊ីន៤ ស៊ីឡាំង ២.៤ លីត្រ ផលិតកម្លាំង ១៤៣សេះ កម្លាំងរមួល ១៥៤ ផោនហ្វីត ល្បឿនលឿនបំផុត ១៧០គីឡូម៉ែត្រ/ម៉ោង។
ជម្រើសមួយទៀតគឺម៉ាស៊ីន ៦ ស៊ីឡាំង មុខកាត់ស៊ីឡាំង ៣.៣ លីត្រ ផលិតកម្លាំង ១៨០សេះ កម្លាំងរមួល ២០០ ផោនហ្វីត បើកលឿនបំផុត ២០០គីឡូម៉ែត្រ/ម៉ោង។
ទាំងពីរជម្រើសនេះ វារត់ដោយប៉ុង១ និងប៉ុង២ មានជំនួយដោយកាប់ពីតាស មានប្រភេទទ្រុងវែងខ្លី ទ្វា ២ និងទ្វា៤ ប្រអប់លេខ ៥ វគ្គអូតូ និងជម្រើសលេខដៃ។
វាស៊ីសាំងជាមធ្យមចន្លោះ ៩លីត្រ ទៅ ១២លីត្រ សម្រាប់ម៉ាស៊ីនតូច និង ១១លីត្រ ទៅ ១៤លីត្រសម្រាប់ម៉ាស៊ីនធំ ក្នុង១០០គីឡូម៉ត្រ។
២.ប្រពន្ធ័ជើងក្រោមវិញ Nissan បំពាក់ស្លាបប្រចៀវឌុប(double wishbon ) នៅផ្នែកខាងមុខ និងខាងក្រោយប្រភេទជន្ទាស់ (Leaf Spring) វារលាក់ និងឃ្លីងឃ្លោងបន្ដិច តែងាយស្រួលដឹកទំនិញបានច្រើន។ ចំណែកយាន់កង់បំពាក់ទំហំ ១៥ អ៊ីញ ជំនួយដោយប្រពន្ធ័ ABS ប្រើសហ្វ្រាំងឌីសគៀបខាងមុខ និងខាងក្រោយប្រភេទហ្វ្រាំងត្រលោគ។
៣.ខាងក្រៅវិញ ប្រើចង្កៀងធម្មតារាងលៀនៗ ទទឹង ១៦៩០ម.ម បណ្ដោយ ៤៩៩៩ម.ម ទ្រុងខាងក្រោយ ប្រវែង ១៥០០ម.ម កម្ពស់ ១៦០៥ម.ម កម្ពស់ពីដីមកបាត ១៧៨ម.ម ទម្ងន់ ១៤៤៥គីឡូក្រាម ខាងក្រោយដឹកបា ន៧០០គីឡូក្រាម និងសណ្ដោងបាន ១៦០០គីឡូក្រាមថែមទៀត។
Pick Up ឆ្នាំទាបបែបនេះខាងក្នុងធម្មតា តែក៏មានពោងសុវត្ថិភាព ៤គ្រាប់ រន្ធម៉ាសុីនត្រជាក់ ៤ប្រឡោះ មានម៉ាញ៉េចាក់ CD វិទ្យុ ប៉ូតុងបញ្ជាមុខងាមួយចំនួន តែខាងអ្នកដំណើររាងចង្អៀតបន្ដិច មិនជាទូលាយអ្វីទេ ចំពោះប្រភេទឡាន ទ្វា៤ អាចជិះបានគ្នា៥នាក់គួរសម។
៤.ជារួមវាមិនមានអ្វីប្លែកច្រើនឡើយ តែអាចនៅប្រើប្រាស់បានម៉ាល្មមសមរម្យ ឲ្យតែប៉ះចំឡានស្អាត ម៉ាស៊ីនប្រអប់លេខអេម ជើងក្រោមនៅហាប់ណែនល្អ Frontier នៅតែជាជម្រើសមួយសម្រាប់បងប្អូនដែលមានថវិកាខ្ទង់ ៨០០០ដុល្លារជាង ចង់បានឡាន Pick Up ក្នុងឆ្នាំ២០២២នេះ។
ដោយ៖ BunSak
The new Hyundai TUCSON ឆ្នាំ២០២៥ បានបង្ហាញរូបរាងជាលើកដំបូងនៅព្រះរាជាណាចក្រកម្ពុជា
4 ចំណុចដែល Prius Option 5 ទទួលបានលើសពី Option 2-4 ខណៈតម្លៃវិញក៏ខ្ពស់ដែរ
Land Cruiser Prado 2025 មកដល់ហើយតម្លៃ 16ម៉ឺនដុល្លារជាង ចុះស៊េរីចាស់ឆ្នាំ 2003 នេះវិញសល់តម្លៃខ្លួនប៉ុន្មានដែរ
Tacoma 2001-2004 នៅតែជាឡាន Pick Up ដែលពេញនិយម នឹងតម្លៃទីផ្សារនឹងល្អ ទោះបីជាអាយុកាល 20ឆ្នាំហើយក្ដី
4 ចំណុចដែល Prius Option 5 ទទួលបានលើសពី Option 2-4 ខណៈតម្លៃវិញក៏ខ្ពស់ដែរ
Land Cruiser Prado 2025 មកដល់ហើយតម្លៃ 16ម៉ឺនដុល្លារជាង ចុះស៊េរីចាស់ឆ្នាំ 2003 នេះវិញសល់តម្លៃខ្លួនប៉ុន្មានដែរ
Tacoma 2001-2004 នៅតែជាឡាន Pick Up ដែលពេញនិយម នឹងតម្លៃទីផ្សារនឹងល្អ ទោះបីជាអាយុកាល 20ឆ្នាំហើយក្ដី
គ្រាន់តែ Mazda 2 ស៊េរី 2025 មកដល់ធ្វើឲ្យទីផ្សារស៊េរី 2023 ប្រភេទស្លាកលេខមួយនេះសល់ខ្ទង់ 1ម៉ឺនដុល្លារជាង ធូរថ្លៃល្មមពិចារណាបាន