ES300 ជាឡាន Sedan ប្រភេទ Luxury មួយរបស់ Lexus នៅទីផ្សារអាមេរិក ចំណែកស្រុកខ្មែរយើង ដោយនិយមឡានមួយទឹកពីអាមេរិកស្រាប់ផង ដូច្នេះ ES300 និង ES330 ក៏ឃើញវត្តមានខ្លះៗដែរ។ រូបរាងទាន់សម័យ ខាងក្នុងទូលាយ បំពាក់បរិក្ខារទំនើបប្លែកៗច្រើន អមជាមួយ កម្លាំងសមត្ថភាព Performance ផងធ្វើឲ្យតម្លៃ ES300 និង ES330 កាលចេញពីរោងចក្រលោតដល់ ៣ម៉ឺនដុល្លារជាងឯណោះ ក្នុងពេលនោះ។
សម្រាប់ស្រុកខ្មែរវិញទោះបីជា ES300 ជិះស្រួលម៉ាស៊ីនខ្លាំងជើងក្រោមហាប់ណែនយ៉ាងណាក៏ដោយ តែបច្ចុប្បន្នហាក់ធូរថ្លៃជាងបាឡែនឆ្ងាយណាស់ ជាក់ស្ដែងនៅលើទីផ្សារសម្រាប់ឆ្នាំ២០០២ ដល់២០០៣ គេហៅថា ES300 (ម៉ាស៊ីន RX300 V6 3.0L) ខ្ទង់ ៦០០០ដុល្លារជាង ទៅ ៨០០០ដុល្លារប៉ុណ្ណោះ។
ចំណែកស៊េរីឆ្នាំ២០០៤ ដល់២០០៦ គេហៅថា ES330 (ម៉ាស៊ីនដូច RX330 V6 3.3L) ចន្លោះពី ៨០០០ដុល្លារជាង ទៅ ១០០០០ដុល្លារអីដែរ។
ES300 ជាប៊្រេន Lexus ដែលមានអាយុកាលប្រហែល ២០ឆ្នាំទៅហើយ សម្រស់ និងភាពទំនើបមួយចំនួនហាក់សាមញ្ញ ម្យ៉ាងត្រូវបងប្អូនដែលធ្លាប់ប្រើបានឲ្យដឹងថា ES មានហានិភ័យ និងគុណវិបត្តិមួយចំនួន សម្រាប់បងប្អូនចង់ប្រើគួរពិចារណាដូចជា៖
១/ ចំណាយពន្ធផ្លូវខ្ពស់ ១ឆ្នាំ ដល់ទៅ ៦០ម៉ឺនរៀលឯណោះ។
២/ ម៉ាស៊ីនធំ ចំណាយថ្លៃសាំងច្រើន ES ជាក់ស្ដែងនេះស៊ីសាំងខ្ទង់ ១២លីត្រ ទៅ ១៥លីត្រក្នុង ១០០គីឡូម៉ែត្រ ហើយម្យ៉ាងបច្ចុប្បន្នសាំងកំពុងឡើងថ្លៃក្បែរ ៥០០០រៀលក្នុង ១លីត្រ។
៣/ ជាឡានមិនពេញនិយម ទោះតម្លៃធូរក៏ដោយ តែបើមានបញ្ហាប៉ះពារ ឬខូចបាកបែក មិនជាសម្បូរគ្រឿងបន្លាស់ឡើយ ហើយតម្លៃក៏ខ្ពស់គួរសមទៀតបើធៀបជាមួយ RX300 ។
៤/ ES300 ស្ថិតក្នុងប្រភេទឡានដែលខ្វះទីផ្សារ អ្នកប្រើមានតិចតួច ដូច្នេះពិបាកលក់ចេញព្រោះខាតច្រើន ចំណែកអ្នកទិញលក់ឡានក៏ខ្វះអតិថិជនដែលប្រើពពួកស៊េរីនេះផងដែរ អញ្ចឹងទាំងលក់ចេញទិញចូលគឺខាតច្រើនជាងពពួកឡានធម្មតា។
៥/ ម៉ាស៊ីនចាស់ឆ្នាំ Lexus អាចថាឧស្សាហ៍ធ្វើទុកផ្នែកប្លុកម៉ាស៊ីនមិនទៀង ហើយត្រូវមានការថែទាំខ្ពស់ ម្យ៉ាងបើប៉ះឡានស្ទើៗ គឺថាជួសជុលរុះរើមិនឲ្យជាងទំនេរឡើយ។
សម្រាប់បងប្អូនវិញយល់យ៉ាងណាដែរចំពោះ ES300 និង ES330 នេះ? សម្រាប់បងប្អូនដែលមានបទពិសោធន៍ ឬមិតយោបល់ ទាក់ទង នឹង ES300 ស៊េរីឆ្នាំ២០០២ ដល់២០០៦ នេះអាចចែករំលែកបាន៕
ដោយ៖ Bunsak
លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
គិតមិចដែរ? Suzuki Celerio ថ្មីខ្លាញ់គោតម្លៃតែ ១៣,០០០ដុល្លារជាង ធូរថ្លៃមិនធ្លាប់ជួបក្នុងចំណោមឡានថ្មីគាស់កេស
តស់! មកមើល Option Deluxe Solar របស់ Toyota Prius 2012-2015 បន្ដិចថាខុសប្លែកពី Option Solar ធម្មតាអ្វីខ្លះ?
Lexus RC200t ប្រើម៉ាស៊ីនដូច NX200t ជាប្រភេទឡានស្ព័រទ្វា 2 រូបរាងទាក់ទាញ កម្លាំងខ្លាំងគួរសម តម្លៃក៏ល្អដែរ
Wigo 2024 ខ្លាញ់គោតម្លៃក្រោម 2ម៉ឺនដុល្លារ ចុះប្រភេទស្លាកលេខតម្លៃប៉ុន្មាន? តស់! មកមើលតម្លៃមួយទឹកលេងៗសិន