បច្ចុប្បន្នទីផ្សាររថយន្ដស្រុកខ្មែរ ដូចជាកំពុងដើរទៅមុខ ប្រកបដោយសន្ទុះខ្លាំងសម្រាប់ពពួករថយន្ដក្រុមហ៊ុនថ្មីខ្លាញ់គោ ដែលមានវត្តមាននៅស្រុកខ្មែរ។ ហើយអ្វីដែលគួរឲ្យគត់សម្គាល់ ភាគច្រើននៃរថយន្ដថ្មីទាំងនោះ ហាក់ព្យាយាមកាត់បន្ថយ ទំហំស៊ីឡាំងឲ្យតិចជាងមុន តែបង្កើនកម្លាំងខ្លាំង ដែលជាហេតុធ្វើឲ្យរថយន្ដថ្មីបច្ចុប្បន្នភាគច្រើន ចំណាយលើប្រេងឥន្ធនៈតិចតួច នឹងសន្សំសំចៃច្រើនជាងមុន។
បើក្រឡេកមកមើលឡានមួយទឹកវិញ ឃើញភាគច្រើនពពួករថយន្ដដែលមានម៉ាស៊ីន ៦ស៊ីឡាំ ចំណុះ ៣.០លីត្រឡើងទៅដូចជាប្រភេទ៖ ពពួក Pick Up, Lexus RX, Highlander, Lexus LX, GX នឹង Landcruiser ស៊េរីឆ្នាំ២០០៧ ចុះក្រោមជាដើម ហើយក៏មានពពួកឡានអ៉ឺរ៉ុបមួយចំនួនធំទៀត ហាក់មានតម្លៃធូរថ្លៃ ជាងប្រភេទរថយន្ដមួយទឹកដូចគ្នាដែលមានម៉ាស៊ីនតូចល្មមត្រឹម ៤ស៊ីឡាំង ចំណុះ ២.៨លីត្រ ចុះក្រោម។
ថ្ងៃនេះកម្មវិធីបទបង្ហាញរថយន្ដមួយទឹករបស់ Advan Auto សូមយកហេតុផលចំនួន ២ កុំឃើញធូរថ្លៃចង់ទិញមកប្រើ ដែលបងប្អូនមានលទ្ធភាពល្មមៗគួរពិចារណាសិន មុនសម្រេចចិត្តទិញប្រភេទរថយន្ដដែលមានម៉ាស៊ីនធំទាំងនេះ ខណៈតម្លៃទីផ្សារកំពុងធ្លាក់ថ្លៃ។
១/ ម៉ាស៊ីនធំ ការចំណាយច្រើន
ប្រភេទឡានម៉ាស៊ីនធំ មានការចំណាយច្រើនដូចជា៖ ពន្ធផ្លូវខ្ពស់ កម្រិតស៊ីឥន្ធនៈច្រើនខណៈប្រេងសាំងកំពុងឡើងថ្លៃ ចំណាយលើការថែទាំ គ្រឿងបន្លាស់ ក៏ខ្ពស់ផងដែរ។
២/ ទីផ្សារមិនសូវល្អ
ទាក់ទងនឹងតម្លៃទីផ្សារវិញ មានការប្រែប្រួលលឿន អាចប៉ះពាល់ធំដល់តម្លៃលក់ចេញ ដែលធ្វើឲ្យខាតច្រើនជាងប្រភេទពពួកឡានម៉ាស៊ីនតូច។ ម្យ៉ាងពពួកឡានម៉ាស៊ីនធំ តម្លៃអាចប្រែប្រួលទៅតាមប្រេងឥន្ធនៈផងដែរ។ បើប្រេងសាំងឡើង តម្លៃពពួកឡានម៉ាស៊ីនធំកាន់តែចុះ បើសាំងចុះច្រើន តម្លៃអាចឡើងវិញបន្ដិច។
សម្រាប់បងប្អូនដែលយល់ថាគ្មានបញ្ហាចំពោះហេតុផលពីរយ៉ាងនេះនោះទេ ប្រកដ់ណាស់ពពួកឡានមួយទឹកនាំចូលពីទីផ្សារអាមេរិក ក៏ដូចជាបណ្ដាប្រភេទផ្សេងៗ ដែលមានម៉ាស៊ីនធំ បើនិយាយពីគុណភាព ផាសុកភាព ក្នុងការបើកបរវិញ ឡានថ្មីបច្ចុប្បន្នខ្លះហក់មិនរួចទេ។ ជើងក្រោមហាប់ណែន ម៉ាស៊ីនខ្លាំង ជាន់ស្ទុះល្អ សុវត្ថិភាពក្នុងការបើកបរ ហើយក៏ទំនើបគួរសមផងដែរ។
សម្រាប់បងប្អូនវិញយល់យ៉ាងណាដែរចំពោះ ប្រភេទឡានមួយទឹកម៉ាស៊ីនធំបច្ចុប្បន្ន? បងប្អូនដែលមានមតិយោបល់ បទពិសោធន៍ ព័ត៍មានបន្ថែម អាចចែកលំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
Nissan បញ្ចេញម៉ូឌែល Rogue 2025 ប្រភេទ Plug-in Hybrid ដើម្បីត្រៀមប្រជែងជាមួយ Hyundai, Kia នឹង Toyota នៅឆ្នាំក្រោយលើទឹកដីអាមេរិក
Isuzu D-Max សមត្ថភាពមិនធម្មតា ល្បីថាម៉ាស៊ីនម៉ាស៊ូតអេម កាន់ខ្ទង់ ២ម៉ឺនដុល្លារគួរមើលស៊េរីឆ្នាំទាំងនេះ
កាលចេញដំបូងក្បែរ ៥ម៉ឺនដុល្លារ ពេលនេះកាន់ខ្ទង់ ៣ម៉ឺនដុល្លារជាង ទិញបានជិះហើយ យល់យ៉ាងណាដែរចំពោះ Honda CR-V ឆ្នាំ២០២២ មួយនេះ?
កាលមុននរណាមិនល្បី CR-V បើមានប្រើស៊េរីឆ្នាំ ២០០២ ដល់ ២០០៦ នេះទៀតដឹងតែជាន់ផ្អៀងហើយ ប៉ុន្ដែបច្ចុប្បន្នធូរថ្លៃខ្លាំងមិនដូចមុនទៀតទេ
ចូលឆ្នាំទៅស្រុក! មុនធ្វើដំណើរផ្លូវឆ្ងាយ គួរត្រៀម នឹងត្រួតពិនិត្យ ១០ចំណុចទាំងនេះសិន ដើម្បីសុវត្ថិភាពក្នងការបើកបរ
ត្រកូល Lexus ES ប្រើម៉ាស៊ីនពពួក RX ជិះស្រួលទំនើបគ្រាន់បើតម្លៃ 7,000ដុល្លារជាង តែមានហានិភ័យគួរសម
ហេតុអ្វីនៅខ្មែរមិនសម្បូរ Highlander 2004-2007 ម៉ាស៊ីន V6? ហើយពិតទេដែលថា V6 ពិបាកលក់ចេញទិញចូល
ឡានជប៉ុនចង្កូតស្ដាំ ៤ម៉ូឌែល កំពុងចរាចរណ៍នៅស្រុកខ្មែរយ៉ាងស្របច្បាប់ ជាមួយតម្លៃធូល្មម តើគួរទិញប្រើអត់?