Jimny ជាឡាន Off-Road របស់ជប៉ុន Suzuki ដែលផលិតឡើងទម្រង់ជា Adventure ហើយក៏ជាឡានដែលចាស់វស្សាហើយដែរនៅលើទីផ្សារ។

Jimny ផលិតដំបូងនៅឆ្នាំ ១៩៨០ រហូតមកទល់នឹងបច្ចុប្បន្ននេះ ដំណើរការផលិតបាន ៤ជំនាន់ នឹង ៤៣ឆ្នាំមកហើយ។

Suzuki Jimny មានពីរជម្រើស ប្រភេទទ្វា២ នឹងទ្វា៤ ហើយម៉ូឌែលដែលនឹងលើកយកមកនិយាយថ្ងៃនេះគឺ ប្រភេទទ្វា២ ដែលឃើញវត្តមាននៅស្រុកខ្មែរច្រើនគួរសម ហើយក៏ជាជំនាន់ទី៤ ស៊េរីឆ្នាំ២០២៣ នេះផងដែរ។ សម្រាប់ឡាន Off-Road មួយប្រភេទនេះមានប្រវែងតួខ្លួនសរុប ៣៤៨០ម.ម ទទឹង ១៦៤៥ម.ម កម្ពស់ ១៧២០ ពីដីមកបាត ២១០ម.ម ជាមួយទម្ងន់ជិត ១តោនជាងឯណោះ។

ស្ថិតក្នុងប្រភេទជាឡាន Off-Road ឆ្នាំខ្ពស់មែន ប៉ុន្ដែរមិន Jimny ហាក់រក្សារទម្រង់ជាឡាន Old School បែប Adventure ដោយប្រើសោចាក់បញ្ជាឆេះធម្មតា មិនមានបំពាក់អេក្រង់ LCD និងកាមេរ៉ាក្រោយអ្វីឡើយ តែបើទិញក្រុមហ៊ុនរៀបចំជូនម៉ាអេមជាមួយ អេក្រង់ Android ។

មើលទៅតូចមែន តែមិនចង្កៀតពេកឡើយសម្រាប់ទទឹង ១៦៤៥ម.មនេះ ល្មមអាចជិះគ្នា៤នាក់ កៅអីជួរទី២វិញអាចកាច់ផ្ដេចបានសម្រាប់ដាក់អីវ៉ានបន្ថែមទៀតផងដែរ។

ផ្នែកប្លុកម៉ាស៊ីន Jimny ដែលឃើញវត្តមាននៅស្រុកខ្មែរ បំពាក់ម៉ាស៊ីនសាំង ៤ស៊ីឡាំង ១.៥លីត្រ ផលិតកម្លាំងបាន ១០១សេះ កម្លាំងរមួល ១០២ ផោនហ្វីត រត់ដោយប្រអប់លេខ ៥វគ្គអូតូ ជំនួយដោយកាប់ពីតាស់លេខដៃ ជាមួយមុខងារជំនួយពេលឡើង និងចុះចំណោតផងដែរ។ អមដោយយាន់កង់ទំហំ ១៥អ៉ីង បង្វិលកង់ដោយប៉ុង២ 4WD ដែលស៊ីសាំងជាមធ្យមខ្ទង់ ៧លីត្រក្នុង១០០គីឡូម៉ែត្រ។

Jimny អាចនិយាយបានថា​ ជាឡាន Off-Road ក៏បាន On-Road ក៏បាន ប៉ុន្ដែរសម្រាប់កម្លាំងម៉ាស៊ីន Performance ប៉ុណ្ណឹងសក្កិមសម្រាប់ប្រើក្នុងក្រុង នឹងចុះខេត្ត ជាមួយសម្រង់ដ៏ទាក់ទាញ ចំពោះបងប្អូនដែលស្រឡាញ់រាងរថយន្ដបែប Adventure។ ចំពោះការចូលព្រៃស្ថានភាពផ្លូវលំបាកៗខ្លាំង Jimny ហាក់មិនទាន់បំពេញបំណងបងប្អូនដែលនិយមឡាន ចូលព្រៃបែបលេងលក្ខណៈធ្ងន់ៗឡើយ តែបើស្ថានភាពល្មមៗមិនជាបញ្ហាឡើយ។

សម្រាប់តម្លៃវិញ គ្រាន់បើដែរ ក្នុងប្រភេឡានជប៉ុនរូបរាងបែប Off-Road Adventure ធន់សន្សំសំចៃ ស្រួលប្រើមិនមានលក្ខណៈស្មុកស្មាញច្រើន ហើយក៏ជាឡានថ្មីខ្លាញ់គោតម្លៃ ខ្ទង់ ៣៧,៩០០ដុល្លារ ប៉ុណ្ណោះ។ ចំពោះតម្លៃនេះ អាចមានការប្រែប្រួល ឬទាប់ជាងហ្នឹងក្នុងតម្លៃពិសេសណានោះ បងប្អូនអាចទាក់ទង់បន្ថែមទៅកាន់ក្រុមហ៊ុនផ្ទាល់បាន៕    

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!