Alphard ជាប្រភេទឡានជប៉ុនដែលប្រើក្នុងស្រុក ហើយក៏ជាឡាន Minivan កៅអី ៣ជួរ របស់ Toyota ដ៏ពេញនិយមផងដែរ។ សម្រាប់ពពួកជំនាន់ទី១ ស៊េរីឆ្នាំ ២០០២ ដល់ ២០០៧ ឃើញប្រើនៅស្រុកខ្មែរច្រើនគួរសម ហើយចាប់ផ្ដើមពេញនិយម នឹងល្បីខ្លាំងរបស់ជំនាន់ទី១នេះ ខ្ទង់ឆ្នាំ ២០២០ ដល់ ឆ្នាំ២០២៣ ឃើញថាសន្ទុះនៃការប្រើប្រាស់ នឹងលក់ចេញទិញចូលហាក់មានទីផ្សារល្អណាស់។ 

ចំពោះតម្លៃវិញខ្ពស់គួរសមខ្ទង់ ២០,០០០ដុល្លារទៅ ២៥,០០០ដុល្លារជាង សម្រាប់ឆ្នាំ២០០២ ដល់ ២០០៥ ខណៈឆ្នាំ២០០៦ ដល់ ២០០៧ (facelift) ខ្ទង់៣ម៉ឺនដុល្លារ ជម្រើសម៉ាស៊ីន ពណ៌ Option នឹងភិនភាគឡានជាក់ស្ដែង។

ខណៈបច្ចុប្បន្នឃើញទីផ្សារភាគច្រើនជាប្រភេទស្លាកលេខខ្ទង់ ១៥,០០០ដុល្លារ ទៅ​ ១៧,០០០ដុល្លារ ហើយខ្លះទៀតក្បែរ ២ម៉ឺនដុល្លារផងដែរ អាស្រ័យលើ ឆ្នាំផលិត ពណ៌ ជម្រើសម៉ាស៊ីន នឹងភិនភាគឡានជាក់ស្ដែង។

Alphard ប្រើម៉ាស៊ីនដូច បាឡែន នឹង RX300 ដែរមានទាំងប្រភេទម៉ាស៊ីន ៤ស៊ីឡាំង នឹង ៦ស៊ីឡាំងដែលស្រុកខ្មែរយើងនិយមប្រើ។

ចំពោះម៉ាស៊ីន ៤ស៊ីឡាំង ២.៤លីត្រ ផលិតកម្លាំង ១៦០សេះ ​កម្លាំងរមួល ១៦៣ផោនហ្វីត ជាមួយកម្រិតស៊ីសាំងខ្ទង់ ៩លីត្រ ទៅ ១២លីត្រក្នុង១០០គីឡូម៉ែត្រ ឬអាចលើសតិចតួចតាមស្ថានភាពជាក់ស្ដែង។

ចំណែកម៉ាស៊ីន ៦ស៊ីឡាំង ៣.០លីត្រវិញ ផលិតកម្លាំងបាន ២២០សេះ កម្លាំងរមួល ២២៩ផោនហ្វីត ទាំងពីរជម្រើសនឹង រត់ដោយប្រអប់លេខ ៤វគ្គអូតូ បង្វិកកង់ដោយប្រភេទប៉ុងមួយ(FWD) និងប៉ុងពីរ(AWD)។

ជាមួយកម្រិតស៊ីសាំងខ្ទង់ ១២លីត្រជាង ទៅ ១៤លីត្រជាង ក្នុង១០០គីឡូម៉ែត្រ នឹងអាចប្រែប្រួលទៅតាមស្ថានភាពជាក់ស្ដែង។ 

សម្រាប់បងប្អូនវិញយល់យ៉ាងណាដែរចំពោះ Toyota Alphard ប្រភេទកៅអី ៣ជួរមួយនេះ? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕

ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!