Camry ជាប្រភេទរថយន្ដ Sedan ដ៏ពេញនិយមមួយរបស់ Toyota ហើយសម្រាប់ម៉ូឌែល Camry XV20 ឬស្រុកខ្មែរមានរហ័សនាមថា Camry ឆ្លាម ដែលស្ថិតក្នុងជំនាន់ទី ៤ ផលិតពីឆ្នាំ ១៩៩៧ ដល់ ២០០១។
ស្រុកខ្មែរក៏សម្បូរមិនចាញ់ម៉ូឌែល Camry ដទៃទៀតដែរ ប៉ុន្ដែរមួយរយៈចុងក្រោយនេះ ឆ្លាមហាក់ស្ងប់ស្ងាត់ នឹងបាត់ប្រជាប្រិយ៍ភាពរបស់ខ្លួនបណ្ដើរ មិនសូវជាមានទីផ្សារអ៊ូអរដូចមុនឡើយ។
៥ឆ្នាំចុងក្រោយនេះ បើរាប់ពីត្រកូល Camry ស្វិត Camry ហើម Camry ឆ្លាម Camry បាឡែន នឹង Camry ០៧ អាចនិយាយបានថា មានតែ Camry បាឡែន នឹង Camry ០៧ ទេដែលនៅឈរជើងនឹងគួរសម បើទោះបីជាភាពពេញនិយម នឹងធ្លាក់រាងធ្លាក់ចុះបន្ដិចក្ដី។
ប៉ុន្ដែរសម្រាប់បងប្អូនដែលនិយមជាមួយ Camry XV20 ឬ Camry ឆ្លាម ក៏មិនទាន់ជាអស់អាឡ័យឡើយ ជាមួយអនុស្សារីយ ក៏ដូចជា Performance ក្នុងការបើកបរ មិនអន់នោះទេ។ ម៉្យាងបច្ចុប្បន្ន Camry ឆ្លាមនៅតែជាជម្រើសមួយផងដែរសម្រាប់ បងប្អូនដែលមានកម្រិតថវិកាខ្ទង់ ៥,០០០ដុល្លារ ដែលចង់បានប្រភេទឡាន Specs អាមេរិក រឹងមាំល្អ ម៉ាស៊ីនជាន់ស្ទុះ ខ្លាំងល្មម ជាមួយភាពធន់គួរសមដែរនោះ ប្រភេទ Camry ឆ្លាមមួយនេះមិនគួមើលររំលងឡើយ។
ចំពោះតម្លៃវិញ ឃើញទីផ្សារបច្ចុប្បន្នដាក់លក់ខ្ទង់ ៤,០០០ដុល្លារក្រាស់ ទៅ ៦,០០០ដុល្លារស្ដើង អាចរកបានឡានស្អាតជិះហើយ។ ប៉ុន្ដែរខ្លះក៏មានតម្លៃក្រោមហ្នឹង ឬលើហ្នឹងតិចតួចដែរ អាស្រ័យលើ ពណ៌ ឆ្នាំផលិត នឹងភិនភាគគុណភាពឡានជាក់ស្ដែង។
កួរបញ្ជាក់ដែរថា៖ Camry ឆ្លាមបំពាក់ម៉ាស៊ីន ៤ស៊ីឡាំង ចំណុះ ២.២លីត្រ ផលិតកម្លាំង ១៣៦ សេះ ប្រើប្រអប់លេខ ៤ វគ្គអូតូ បង្វិលកង់ដោយ ប៉ុងមុខ(FWD) អាចបើកលឿនបំផុត ២០០គីឡូម៉ែត្រ/ម៉ោង ស្ទុះពី ០-១០០គីឡូម៉ែត្រ ប្រើពេល ១០.៤ វិនាទី។
មានវ័យ២០ឆ្នាំជាងហើយ កម្រិតស៊ីសាំងជាក់ស្ដែង ជាមធ្យមចន្លោះពី ៩លីត្រ ទៅ ១១លីត្រ ក្នុង ១០០គីឡូម៉ែត្រ ឬអាចលើសខ្វះតិចតួច ទៅតាមគុណភាពម៉ាស៊ីន និងការបើកបរជាក់ស្ដែង។
សម្រាប់បងប្អូនវិញយល់យ៉ាងណាដែរចំពោះ Toyota Camry ឆ្លាម ជំនាន់ទី ៤ មួយនេះ? សម្រាប់មតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?
Nissan Sentra 2025 ចេញលក់នៅទីផ្សារអាមេរិក ក្នុងតម្លៃខ្ទង់ 2ម៉ឺនដុល្លារជាងប៉ុណ្ណោះ
Hyundai Elantra 2025 តម្លៃត្រឹម 2ម៉ឺនដុល្លារស្ដើង កំពុងស្ថិតក្នុងប្រភេទឡានថ្មី ដែលមានតម្លៃធូរ
រោងចក្រដំឡើងរថយន្ត Ford ទទួលបានវិញ្ញាបនបត្រស្តង់ដារអន្តរជាតិកម្រិត ISO 9001:2015 និង ISO 14001:2015 ដំបូងគេបង្អស់នៅប្រទេសកម្ពុជា!
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?
Chevrolet Spark 2021 ប្រភេទស្លាកលេខនៅខ្ទង់ 1ម៉ឺនដុល្លារជាង ខណៈមិនទាន់បាត់ខ្លិនខ្លាញ់គោផង ល្មមពិចារណាបាន
ស្រលាញ់ GS300 តែខ្លាចស៊ីសាំងច្រើន អាចមើល GS450h Hybrid រូបរាងដូចគ្នា ទំនើបស៊ីសាំងតិច កម្លាំងខ្លាំងជាងទៀតផង
Corolla Specs អាមេរិកមួយនេះ ស្រុកខ្មែរនៅតែនិយម ព្រោះល្បីថាធន់ សន្សំសំចៃស្រួលប្រើ តម្លៃវិញនៅខ្ពស់គួរសម