Camry បាឡែន ជាកំពូលរថយន្ដ Sedan ស្រុកខ្មែរដែលទទួលបានការគាំទ្រ នឹងពេញនិយមខ្លាំង ដូចបច្ចុប្បន្ន ស្រុកខ្មែរនិយម អាព្រូស ដូចនោះដែរ ខណៈពេលនេះ Toyota Prius ទើបមានជិះមួយៗប៉ុណ្ណោះ។ 

សម្រាប់តម្លៃវិញ បើក្រឡេកទៅមើលកាលពី ៤ឆ្នាំមុន ប្រភេទស្លាកលេខ អាចលោតតម្លៃខ្ពស់ដល់ក្បែរ ១៦,០០០ដុល្លារជាងឯណោះ សម្រាប់ឡានស្អាតប្រភេទ XLE នឹងឆ្នាំ២០០៤ ឡើងទៅ។

ចុះបច្ចុប្បន្នគួរកាន់ប៉ុន្មាន? បើក្រឡេកមកមើលទីផ្សារបាឡែនវិញ ហាក់ស្ងប់ស្ងាត់ ចំពោះប្រភេទក្រដាសពន្ធវិញស្ទើតែគ្មានសោះ។ 

សម្រាប់តម្លៃ Camry បាឡែន ទីផ្សារស្រុកខ្មែរបែបចែកចេញជាពីរ ដោយគេរាប់ចាប់ពីឆ្នាំ២០០២ ដល់២០០៣ នឹងស៊េរីពីឆ្នាំ២០០៤ ដល់ ២០០៦ ជាមួយជម្រើស Trim/Option ចំនួនពីរ LE នឹង XLE ហើយក៏ពឹងផ្អែកទៅពណ៌ផងដែរ។

បច្ចុប្បន្នពពួកឆ្នាំ២០០២ ដល់ ២០០៣ បងប្អូនកាន់ចាប់ពី ៨,០០០ដុល្លារ ដល់ ១០,០០០ដុល្លារ ឬអាចលើសនឹងតិចតួចរកបានជិះហើយ។ 

ចំណែកស៊េរីឆ្នាំ២០០៤ ដល់២០០៦ ហាក់នៅខ្ពស់គួរសម ខ្ទង់ ១០,០០០ដុល្លារជាង ដល់ ១២,០០០ដុល្លារជាង សម្រាប់ឡានខ្លះដែលមានភិនភាគ ស្អាត ឬហៅថាលំដាប់មេឡាន អាចលោតដល់ទៅក្បែរ ១៤,០០០ដុល្លារអីដែរ។

គួរបញ្ចាក់ដែរថា៖ Toyota Camry បានឡែន ជំនាន់ទី ៥ នេះ បំពាក់ម៉ាស៊ីន ៤ ស៊ីឡាំង ២.៤ លីត្រ ផលិតកម្លាំង ១៥៧ សេះ កម្លាំងរមួល ១៦២ ផោនហ្វីត ប្រើប្រអប់លេខ ៤ វគ្គអូតូ​ រត់ដោយប៉ុងមុខ (FWD)។ ល្បឿនអតិបរិមា ១៩៨ គីឡូម៉ែត្រ/ម៉ោងជាន់ស្ទុះពី ០-១០០គ.ម/ម ប្រើពេល ៩.៤ វិនាទី។ កម្រិតស៊ីសាំងជាក់ស្ដែង ខ្តង់ ៨លីត្រ ទៅ ១១លីត្រ ក្នុង ១០០គីឡូម៉ែត្រ ឬអាចលើសខ្វះតិចតួចទៅតាមស្ថានភាពបើកបរជាក់ស្ដែង។

សរុបមកតម្លៃទាំងអស់នេះ អាចមានការប្រែប្រួលទៅតាម ពណ៌ Option ឆ្នាំផលិត នឹងភិនភាគឡានជាក់ស្ដែង៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!