ឲ្យតែរដូវកាលពិធីបុណ្យម្ដងៗ តម្លៃរថយន្ដមួយទឹកហាក់មានការឡើងថ្លៃខុសពីធម្មតា ដែលផ្ទុយពីរថយន្ដថ្មី ដែលតែងបញ្ចុះតម្លៃពិសេសសម្រាប់អតិថិជនខ្លួន។ យ៉ាងណាក៏ដោយ ឆ្នាំនេះមិនដូចឆ្នាំមុនៗនោះទេ សកម្មភាពលក់ចេញទិញចូល ហាក់ស្ងប់ស្ងាត់បន្ដិច អាចបណ្ដាលមកពីមូលហេតុផ្សេងៗមួយចំនួន។
បើនិយាយពីតម្លៃវិញ ក៏មិនជាងឡើងខុសពីថ្ងៃធម្មតាដែរ ព្រោះចរន្ដអតិថិជនមិនសូវផុសផុលដូចឆ្នាំមុនៗ សម្រាប់ប្រភេទ Toyota Camry ស៊េរីឆ្នាំ២០០៧ ដល់ ២០០៩ វិញក៏មិនខុសពីរថយន្ដដទៃដែរ។
ចំពោះស្រុកខ្មែរ Toyota Camry ២០០៧ ដល់ ២០០៩ ត្រូវបាននាំចូលមកជាពីរជម្រើស មានប្រភេទ សាំងសុទ្ធ LE, XLE នឹង Hybrid ជាដើម។
សម្រាប់ប្រភេទសាំងសុទ្ធពពួក LE ឃើញនៅខ្ទង់ ១៥,០០០ដុល្លារស្ដើង ទៅ ១៨,០០០ដុល្លារក្រាស់ អាចរកឡានស្អាតបានហើយ អាស្រ័យលើ ពណ៌ ប្រភេទស្លាកលេខ នឹងក្រដាសពន្ធជាដើម។
ចំណែក XLE ដែលមានលក្ខណៈពិសេសជាង LE ឃើញនៅចន្លោះពី ១៧,០០០ដុល្លារក្រាស់ ទៅ ២៣,០០០ដុល្លារស្ដើង អាស្រ័យលើពណ៌ ឆ្នាំផលិត ភិនភាកក្រដាសពន្ធ ឬស្លាកលេខ ខណៈ SE មានតិចតួចខ្លះដែរតែតម្លៃវិញ មិនលើ XLE ក៏មិនក្រោម LE គឺជាស្ថិតនៅកណ្ដាលរវាង Option ទាំងពីរនេះ។
ចូលដល់ពពួក Hybrid ម្ដងបែងចែកជា ៣ ដូចជា Half, Full នឹង 50th Anniversary ហើយសម្រាប់ម៉ូឌែល Half Option អាចចន្លោះពី ១៥,០០០ដុល្លារជាង ដល់ ១៨,០០០ដុល្លារជាង អាស្រ័យលើ ពណ៌ ស្លាកលេខ នឹងក្រដាសពន្ធជាដើម។
ចំពោះ Full Option ខ្ទង់ ១៧,០០០ដុល្លារជាង ដល់ ២២,០០០ដុល្លារជាង ចំណែក 50th Anniversary វិញដែលជារថយន្ដពិសេសប្លែកជាងគេ លោតដល់ ១៨,០០០ដុល្លារ ដល់ ២៤,០០០ដុល្លារជាង សម្រាប់ឡានស្អាតៗ អាស្រ័យលើ ប្រភេទស្លាកលេខ ឬក្រដាសពន្ធជាដើម៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
Corolla 03 Specs អាមេរិក នៅតែជាឡានមួយដែល ធន់សន្សំសំចៃ ស្រួលប្រើ ពិសេសតម្លៃទីផ្សារនៅនឹងល្អណាស់
គិតមិចដែរ? Suzuki Celerio ថ្មីខ្លាញ់គោតម្លៃតែ ១៣,០០០ដុល្លារជាង ធូរថ្លៃមិនធ្លាប់ជួបក្នុងចំណោមឡានថ្មីគាស់កេស
តស់! មកមើល Option Deluxe Solar របស់ Toyota Prius 2012-2015 បន្ដិចថាខុសប្លែកពី Option Solar ធម្មតាអ្វីខ្លះ?
Lexus RC200t ប្រើម៉ាស៊ីនដូច NX200t ជាប្រភេទឡានស្ព័រទ្វា 2 រូបរាងទាក់ទាញ កម្លាំងខ្លាំងគួរសម តម្លៃក៏ល្អដែរ