ឆ្លាម! គឺជាឈ្មោះដែលស្រុកខ្មែរដាក់ឲ្យ ខណៈគុណភាព នឹងរូបរាងរបស់ Camry ឆ្លាមមួយនេះនៅតែជាប់ចិត្តសម្រាប់បងប្អូនដែលនិយមដដែល។ បើនិយាយពីតម្លៃ Camry ឆ្លាមមួយនេះ ថាធូថ្លៃក៏បាន ថាធ្លាក់ថ្លៃក៏បាន ប៉ុន្ដែ ៣ ទៅ ៤ឆ្នាំមកនេះ គឺថាតម្លៃនៅតែរង្វង់ថេប៉ុណ្ណឹងដដែល។

ឃើញទីផ្សារដាក់លក់ខ្ទង់ ៥,០០០ដុល្លារជាង ទៅ ៦,០០០ដុល្លារជាង អាស្រ័យលើ ពណ៌ Option តែឡានខ្លះឃើញមានតម្លៃខ្ទង់ ៤,០០០ដុល្លារអីដែរ អាស្រ័យលើ គុណភាព នឹងភិនភាគឡានជាក់ស្ដែង។

Toyota Camry XV20 ដែលស្រុកខ្មែរហៅថា Camry ឆ្លាម ផលិតចាប់ពីឆ្នាំ ១៩៩៧ ដល់ ២០០១ ស្ថិតក្នុងជំនាន់ទី៤ នៃត្រកូល Camry ។ 

ចំពោះម៉ាស៊ីននឹងរូបរាងអាចថាមានច្រើនប្រភេទគួរសម ប៉ុន្ដែស្រុកខ្មែរឃើញប្រើតែប្រភេទ XV20 ជាមួយម៉ាស៊ីន ៤ស៊ីឡាំង ២.២លីត្រ ផលិតកម្លាំង ១៣៦ សេះ ប្រើប្រអប់លេខ ៤ វគ្គអូតូ បង្វិលកង់ដោយ ប៉ុងមុខ(FWD) អាចបើកលឿនបំផុត ២០០គីឡូម៉ែត្រ/ម៉ោង ស្ទុះពី ០-១០០គីឡូម៉ែត្រ ប្រើពេល ១០.៤ វិនាទី។

ចំពោះកម្រិតស៊ីសាំងវិញ អាយុខ្ទង់ ២០ឆ្នាំជាងបែបនេះអាចហក់ចន្លោះពី ៨លីត្រ ទៅ ១០លីត្រក្នុង ១០០គីឡូម៉ែត្រ ឬអាចលើសខ្វះតិចតួចអាស្រ័យលើស្ថានភាពជាក់ស្ដែង។

សម្រាប់បងប្អូនវិញយល់យ៉ាងណាដែរចំពោះ Camry ឆ្លាម Specs អាមេរិកមួយនេះ? បងប្អូនដែលមានមតិយោបល់ បទពិសោធន៌ អនុស្សារិ៍ហ នឹងព័ត៍មានបន្ថែម អាចចែករំលែកបាន៕

 ដោយ៖ Bunsak

លោកអ្នកអាចចូលទៅទស្សនាវីដេអូអំពីរថយន្តជាច្រើនទៀតនៅលើ YouTube Channel Advan Auto 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!