Carmy បានឡែន ជាប្រភេទឡាន Sedan ដ៏ពេញនិយមខ្លាំងនៅស្រុកខ្មែរ ហើយភាពពេញនិយមនេះហើយដែលធ្វើឲ្យ Camry មួយនេះមានតម្លៃនឹងល្អ ចំណែកទីផ្សារវិញក៏សម្បូរ ស្រួលលក់ចេញទិញចូល ដូចពពួក Prius បច្ចុប្បន្ននេះដែរ។

ប៉ុន្ដែបច្ចុប្បន្ន បាឡែន ហាក់ធូរថ្លៃច្រើន ដែលទីផ្សាដាក់លក់ចេញខ្ទង់ ៧,០០០ដុល្លារជាង ទៅ ១២,០០០ដុល្លារជាងប៉ុណ្ណោះ ឬអាចលើសនេះតិចតួចសម្រាប់ឡានដែលគែហៅថាលំដាប់មេឡានជាដើម។ ដែលតម្លៃនេះអាចប្រែប្រួលទៅតាម ពណ៌ ឆ្នាំផលិត Trim/Option នឹងភិនភាគឡានជាក់ស្ដែងជាដើម។

បាឡែននៅទីផ្សារស្រុកខ្មែរបែបចែកចេញជាពីរ ដោយគេរាប់ចាប់ពីឆ្នាំ២០០២ ដល់២០០៣ នឹងស៊េរីពីឆ្នាំ២០០៤ ដល់ ២០០៦ ត្រូវបានគេចាត់ថាមានការផ្លាស់ប្ដូរផ្នែកខ្លះតិចតួច ជាមួយជម្រើស Trim/Option ចំនួនពីរ LE នឹង XLE ។

Toyota Camry បានឡែន ជំនាន់ទី៥ នេះ បំពាក់ម៉ាស៊ីន ៤ ស៊ីឡាំង ២.៤ លីត្រ ផលិតកម្លាំង ១៥៧ សេះ កម្លាំងរមួល ១៦២ ផោនហ្វីត ប្រើប្រអប់លេខ ៤ វគ្គអូតូ​ រត់ដោយប៉ុងមុខ (FWD) ជាមួយកម្រិតស៊ីសាំងជាក់ស្ដែង បច្ចុប្បន្នខ្តង់ ៩លីត្រជាង ទៅ ១១លីត្រ ក្នុង ១០០គីឡូម៉ែត្រ ឬអាចលើសខ្វះតិចតួចទៅតាមស្ថានភាពបើកបរជាក់ស្ដែង។

សម្រាប់បងប្អូនវិញយល់យ៉ាងណាដែរចំពោះ Toyota Camry បាឡែនមួយនេះ? តម្លៃប៉ុណ្ណឹងគិតថាល្មមសមរមក្នុងការពិចារណា ឬអត់សម្រាប់បងប្អូនដែលមានបំណងចង់ទិញប្រើ? ចំពោះបងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕

ដោយ៖ Bunsak

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!