Fortuner ជាប្រភេទឡាន SUV ខ្នាតមធ្យម ៧កៅអី ឬកៅអី ៣ជួរ ហើយក៏ជាឡានចំណូលថ្មីមួយដ៏ពេញនិយមផងដែរ ដែលផលិតដំបូងនៅឆ្នាំ២០០៥ ជាជំនាន់ទី១ បើគិតមកទល់នឹងបច្ចុប្បន្ននេះ Toyota Fortuner ដំណើរការបាន ១៩ឆ្នាំ នឹង ២ជំនាន់ទៅហើយ។
ទោះបីជាបច្ចុប្បន្នវត្តមាន ស៊េរីឆ្នាំ២០២៤ ចេញលក់នៅលើទីផ្សារហើយក្ដី ប៉ុន្ដែរស៊េរីឆ្នាំ២០១៦ នឹង ២០១៧ ដែលស្ថិតក្នុងជំនាន់ជាមួយគ្នា ហាក់មិនទាន់អស់ភាពពេញនិយមនៅឡើយទេ ទោះបីជាមានវ័យ ៨ឆ្នាំកន្លងទៅហើយក្ដី។
សម្រាប់តម្លៃវិញ Fortuner កាលចេញដំបូលនៅឆ្នាំ២០១៦ ថ្មីខ្លាញ់គោ ៦០,៩០០ដុល្លារ ហើយកាលនោះ គឺជាពេលដែល Toyota បញ្ចេញ All-New Generation ថ្មីរបស់ខ្លួន ស្ទើគ្រប់ម៉ូឌែលតែម្ដង។
បើចាំមិនច្រឡំទេ សម្រាប់ទីផ្សារស្រុកខ្មែរ Toyota បាននាំយកនៅ All-New Generation ថ្មីរបស់ខ្លួនចូលទីផ្សារកម្ពុជា ជាមួយរូបរាងថ្មីស្រឡាងមានដូចជា៖ កំពូល Pick Up Hilux Revo, កំពូល SUV ខ្នាតធំ Land Cruiser នឹង Fortuner សុតសឹងជារថយន្ដដែលមាន ឈ្មោះបោះសម្លេងខ្លាំងជាដើម។
បន្ទាប់ពី ៨ឆ្នាំកន្លងផុតទៅ សម្រាប់ Fortuner ស្លាកលេខ ឃើញមាននៅលើទីផ្សារបច្ចុប្បន្នដាក់លក់ក្នុងតម្លៃខ្ទង់ ៣,៤០០០ដុល្លារជាង ទៅ ៣៥០០០ដុល្លារជាង អាស្រ័យលើ ពណ៌ ឆ្នាំផលិត នឹងភិនភាគឡានជាក់ស្ដែងជាដើម។
គួរបញ្ជាក់ដែរថា៖ Toyota Fortuner ស៊េរីឆ្នាំ២០១៦ និង ២០១៧ ប្រើម៉ាស៊ីនម៉ាស៊ូតស៊េរីចាស់ដូចទៅនឹង Hilux Revo នឹង Fortuner ជំនាន់ទី១ ដែរ ឬគេហៅថាប្រភេទម៉ាស៊ីនធំ។
គឺប្រើម៉ាស៊ីន ៤ស៊ីឡាំង ចំណុះ ៣.០លីត្រ ជំនួយដោយ Turbo ផលិតកម្លាំងសេះបាន ១៦១សេះ កម្លាំងរមួលបាន ២៦៦ផោតហ្វីត រត់ដោយប្រអប់លេខ ៥វគ្គអូតូ ជំនួយដោយប្រព័ន្ធ Differential Lock និងកាប់ពីតាស ដែលអាចរើបម្រាស់ចេញពីស្ថានភាពផ្លូវលំបាកបាន។
ចំណែកយាន់កង់វិញប្រើទំហំ ១៧អីញ បំពាក់ហ្វ្រាំងឌីគៀបនៅផ្នែកខាងមុខ ខាងក្រោយជាហ្វ្រាំងត្រលោគ ជំនួយដោយប្រព័ន្ធ ABS នឹងប្រព័ន្ធសុវត្ថិភាពជាច្រើនទៀតហើយដែរ ។
ចំពោះកម្រិតស៊ីប្រេងវិញន្លោះពី ៩លីត្រ ទៅ ១២លីត្រក្នុង១០០គីឡូម៉ែត្រ និងអាចតិច ឬច្រើនទៅតាមកម្រិតបើកបរជាក់ស្ដែង។
សម្រាប់បងប្អូនវិញយល់យ៉ាងណាដែរចំពោះ Toyota Fortuner ស៊េរីឆ្នាំ២០១៦ ដល់ ២០១៧ មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
Ford Everest 2022 តម្លៃទីផ្សារខ្ទង់ 4ម៉ឺនដុល្លារជាងគួរពិចារណាអត់? ល្បីថាសន្សំសំចៃទំនើប នឹងធន់ក្នុងការប្រើប្រាស់
តស់! មកមើលតម្លៃ Corolla Cross 2023 ប្រភេទស្លាកលេខនៅសល់ប៉ុន្មាន? ខណៈស៊េរីឆ្នាំ 2024 ប្ដូររាងថ្មីបានចេញលក់ស្ទើអស់ស្ដុកទៅហើយ