Prius នៅស្រុកខ្មែរបើនិយាយពីចំណាត់ថ្នាក់នៃចំនួន នឹងការប្រើប្រាស់គឺថាជាប់ជា Top 1 តែម្ដង ព្រោះទៅណាក៏ឃើញដែរ។ ហើយសម្រាប់ពពួកស៊េរីឆ្នាំ ២០០៤ដល់២០០៥ ឃើញតម្លៃធូរច្រើន ខណៈប្រភេទក្រដាសពន្ធលែងមាននាំចូលស្រុកខ្មែរទៀតហើយ។

ដោយសារតែមានការបម្រែប្រួលពន្ធនាំចូល ដូចនេះភាគច្រើនសម្រាប់ Prius ជំនាន់ទី២ នៅស្រុកខ្មែរប្រភេទក្រដាសពន្ធបច្ចុប្បន្នសម្បូរឆ្នាំ ២០០៧ ឡើយទៅ។

និយាយពីតម្លៃវិញសម្រាប់ Prius 04-05 ខ្ទង់៧,០០០ដុល្លារទៅ ៩,០០០ដុល្លារជាង អាស្រ័យលើពណ៍ ឆ្នាំផលិត Option នឹងផិនភាគឡានជាក់ស្ដែង។ ខណៈពពួកខុសពីព័ណ៍ស វិញខ្ទង់ ៧,០០០ដុល្លារទៅ ៨,០០០ដុល្លារជាង ដែលតម្លៃនេះធូរជាងឆ្នាំមុនគួរសម ព្រោះឆ្នាំមុន Prius 05 មានខ្ទង់ ១០,០០០ដុល្លារ ទៅ ១១០០០ដុល្លារអីដែរ។

Prius ជំនាន់ទី ២នេះ បំពាក់ម៉ាស៊ីន ៤ ស៊ីឡាំង ១.៥ លីត្រ ផលិតកម្លាំងសរុបទាំងម៉ូទ័រ និងម៉ាស៊ីនសាំងបាន ១១០ សេះ បង្វិលកង់ដោយប៉ុងមុខ FWD រត់ដោយប្រអប់លេខ CVT ជាមួយកម្រិតស៊ីសាំងជាមធ្យមខ្ទង់ ៥លីត្រ ទៅក្បែរ ៦លីត្រ ក្នុង១០០គីឡូម៉ែត្រ ឬអាចលើសខ្វះតិចតួចអាស្រ័យលើស្ថានភាពជាក់ស្ដែង។

សម្រាប់បងប្អូនវិញយល់យ៉ាណាដែរចំពោះតម្លៃ Toyota Prius 2004-2005 មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!