Raize ជាប្រភេទឡានចំណូលថ្មីមួយម៉ូឌែលរបស់ Toyota ដើម្បីចាប់យកទីផ្សារធំនៅអាស៊ី ហើយក៏ឃើញមានវត្តមានដំបូងនៅស្រុកខ្មែរក្នុងឆ្នាំ២០២២ ដែលទទួលបានការគាំទ្រ និងពេញនិយមខ្លាំងមិនធម្មតាឡើយ។ កាលចេញដំបូង Raize ២០២២ ខាងក្រុមហ៊ុនដាក់លក់ក្នុងតម្លៃ ២៦៥០០ដុល្លារ។
ឥឡូវ ០២២ មួយទឹកស្លាកលេខហាក់មិនទាន់ធ្លាក់ថ្លៃខ្លាំងគួរឲ្យកត់សម្គាល់ឡើយគឺនៅចន្លោះពី ២៣៥០០ដុល្លារទៅជិត ២៦០០០ដុល្លារឯណោះ ខណៈដែលស៊េរីថ្មីខ្លាញ់គោ ២០២៣ តម្លៃត្រឹមតែ ២៦៨០០០ដុល្លារប៉ុណ្ណោះ។
ចង់ដឹងថាតើ Toyota Raize ២០២២ មានលក្ខណៈសម្បត្តិអ្វីខ្លះនោះ មកត្រួសៗជាមួយ Advan Auto ទាំងអស់គ្នា។
បើនិយាយពីម៉ាស៊ីនសម្រាប់ Specs ស្រុកខ្មែរ ឃើញប្រើម៉ាស៊ីនសាំងទំហំ ៣ស៊ីឡាំង ចំណុះ ១.០លីត្រ ជំនួយដោយ Turbo អាចបង្កើនកម្លាំងបាន ៩៦សេះ កម្លាំងរមួល ១៤០ញូតុនម៉ែត្រ ប្រើប្រអប់លេខ ៧វគ្គអូតូ CVT មានជំនួយដោយ Paddle Shift បង្វិលកង់ដោយប៉ុងមុខ FWD អាចរត់ល្បឿនបានជិត ១៨០គីឡូម៉ែត្រ/ម៉ោង ជាមួយនឹងកម្រិតស៊ីសាំងត្រឹមតែ ៥លីត្រ ទៅ ៦លីត្រក្នុង១០០គីឡូម៉ែត្រ។
Raize ជាប្រភេទឡាន Crossover SUV មិនធំពេក ក៏មិនតូចពេក ផលិតឡើងដោយគ្រោងឆ្អឹងជំនាន់ថ្មី ចេញពីក្រុមហ៊ុន Daihatsu (ក្រុមហ៊ុនបុត្រសម្ព័ន្ធរបស់ Toyota) ហៅថា Daihatsu New Global Architecture (DNGA)។ វាមានប្រវែង ៤០៣០ម.ម ទទឹង ១៧១០ម.ម កម្ពស់ ១៦៣៥ម.ម កម្ពស់ពីដីមកបាត ២០០ម.ម ជាមួយទម្ងន់នៃតួខ្លួនទាំងមូល ១០៣៥ គីឡូក្រាម និងអាចផ្ទុកទម្ងន់បានដល់ទៅជិត ៧០០ គីឡូក្រាមបន្ថែមទៀត។
បើក្រឡេកមើលពីការរចនារូបរាងខាងក្រៅ Riaze ហាក់ទាក់ទាញចិត្តអ្នកប្រើជាច្រើន ហើយ Toyota ក៏បានបញ្ចាក់ថា ការឌីស្សាញតាមបែបនេះ ផ្ដោតលើចំណូលចិត្តមនុស្សសម័យថ្មី។
ផ្ទៃខាងមុខតូចមែន តែទាន់សម័យគួរសម ដោយបំពាក់សំណាញ់ប៉ាណា អមដោយចង្កៀងមុខប្រភេទ LED បិទបើកអូតូ, ភ្លើង Daytime Running Light និងបំពាក់បន្ថែមនៅពិលកាងមួយគូផងដែរ។
ផ្នែកខាងក្រោយ រំលេចដោយស្ដុបក្រោយរាងអូសវែងបន្ដិចកាត់ជាមួយនឹងគូទក្រោយបង្កប់ដោយភ្លើង LED មើលទៅមិនសូវជាសាំភ្នែកឡើយ។Toyota Raize ប្រើយាន់កង់ទំហំ ១៧អ៉ីងអាលុយញ៉ូម បំពាក់ហ្វ្រាំងឌីសគៀបនៅផ្នែកខាងមុខ និងខាងក្រោយជាប្រភេទត្រលោក ជំនួយដោយប្រព័ន្ធ ABS។
ជាមួយនឹងប្រព័ន្ធជំនួយសុវត្ថិភាពមួយចំនួនទៀតដូចជា៖
ប្រព័ន្ធជំនួយពេលចេញពីចំណត Rear Cross Traffic Alert (RCTA)
ប្រព័ន្ធសញ្ញាប្រាប់ពីឧបសគ្គ ពេលមានការវ៉ាជែង Blind Spot Monitoring (BSM)
ប្រ័ពន្ធហ្វ្រាំងជំនួយពេលឡើងចំណោត (HAC)
ប្រព័ន្ធប្រកាសអាសន្នជាសំឡេង (EBS)
ប្រព័ន្ធហ្វ្រាំងជំនួយពេលដឹកធ្ងន់រឺអូសសណ្តោងទំនិញពីខាងក្រោយ (EBD)
ប្រព័ន្ធទប់លំនឹងដោយស្វ័យប្រវត្តិក្នុងស្ថានភាពផ្លូវកោង (VSC)
កាំម៉េរាជំនួយពេលថយក្រោយ Back Monitor
ប្រព័ន្ធជំនួយពេលដូរគន្លងផ្លូវ Lane Change Assist
ប្រព័ន្ធជំនួយការចូលចត Parking Assist ជាដើម។Ria
ចូលមកខាងក្នុង Riaze ជាប្រភេទឡានទ្វា ៥ មាឌតូចបន្តិច បំពាក់កៅអីស្បែកលាយកាមីញៃ២ជួរបញ្ជាដោយដៃ អាចជិះគ្នា៥នាក់ និងសល់ឃ្លុបក្រោយអាចដាក់អីវ៉ានបានគួរសមដែរ។ ឃើញមានបំពាក់ជាមួយនឹង កុងទ័ឌីជីថល ៧អ៉ីង អាចប្ដូរស្ដាយបាន៤របៀប ជាមួយនឹងអេក្រង់កម្សាន្ដទំហំ ៨អ៉ីង អាចភ្ជាប់ជាមួយនឹង Apple Carplay Android Auto ផងដែរ។ ក្រៅពីនឹងក៏ឃើញមាន កញ្ចក់ក្ដោបអូតូ, ពោងសុវត្ថិភាព ៨គ្រាប់ និង Speaker ៦គ្រាប់ជាដើម។
គួរបញ្ជាក់ផងដែរថា Toyota Riaze មានបែងចែកចេញជាពីរជម្រើសដូចជា៖ ប្រភេទ Mono Tone (តម្លៃដើម) និង Two Tone ប្លែកជាងប្រភេទធម្មតាគឺ ដំបូល និងកញ្ចក់មើលក្រោយពណ៌ខ្មៅបែបស្ព័រ ជាទូទៅថ្លៃជាងធម្មតា ៤០០ដុល្លារ។
ចុះបងប្អូនយល់យ៉ាងណាដែរចំពោះ Toyota Raize ស៊េរីឆ្នាំ២០២២នេះ? បើចង់ជិះ Raize តម្លៃលើសខ្វះគ្នា ១ពាន់ ទៅ ២ពាន់ដុល្លារជាងគួរជិះមួយទឹក២០២២ ឬជិះថ្មីកាស់កេស? អាចបញ្ចេញមតិយោបល់ និងចែករំលែកបទពិសោធន៍នៅក្នុង Comment បាន៕
ដោយ៖ Bunsak
ធ្លាប់តែឃើញ Rav4 ស៊េរីឆ្នាំ2006 ពេលនេះ Toyota ត្រៀមបញ្ចេញស៊េរីឆ្នាំ2026 ជំនាន់ថ្មីរូបរាងថ្មី ជាមួយជម្រើសម៉ាស៊ីន Hybrid នឹង Plug-In
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
នោះ! ទីបំផុត Nissan Juke 2025 បានចេញលក់ហើយជាមួយរូបរាងថ្មី ទំនើបជាងមុន នឹងប្រើម៉ាស៊ីនត្រឹម 3-Cylinder ប៉ុណ្ណោះ
នេះជាមូលហេតុ RX400h បច្ចុប្បន្នតម្លៃទីផ្សារមិនសូវល្អ នឹងសម្បូរដូច RX330 ទោះបី RX330 ស៊ីសាំងច្រើនជាងក៏ដោយ
ដឹងអត់! Highlander ម៉ាស៊ីន៤ នឹង ៦ស៊ីឡាំង កម្លាំងកម្រិតស៊ីសាំងខុសគ្នាប៉ុណ្ណា? ខណៈពន្ធផ្លូវបង់ ២៥ម៉ឺន នឹង ៦០ម៉ឺនរៀលក្នុង១ឆ្នាំ
Ford Everest 2022 តម្លៃទីផ្សារខ្ទង់ 4ម៉ឺនដុល្លារជាងគួរពិចារណាអត់? ល្បីថាសន្សំសំចៃទំនើប នឹងធន់ក្នុងការប្រើប្រាស់
តស់! មកមើលតម្លៃ Corolla Cross 2023 ប្រភេទស្លាកលេខនៅសល់ប៉ុន្មាន? ខណៈស៊េរីឆ្នាំ 2024 ប្ដូររាងថ្មីបានចេញលក់ស្ទើអស់ស្ដុកទៅហើយ