Raize ជាប្រភេទរថយន្ដគ្រួសារ Crossover SUV ចំណូលថ្មីរបស់ក្រុមហ៊ុនជប៉ុន Toyota ដ៏ពេញនិយមសម្រាប់ស្រុកខ្មែរ។ កាលចេញដំបូងនៅឆ្នាំ២០២២ Raize មានតម្លៃថ្មីខ្លាញ់គោ ២៦,៥០០ដុល្លារ ឬអាចនិយាយថា ជាប្រភេទឡានថ្មីតម្លៃ ២ម៉ឺនដុល្លារជាង ដែលទទួលបានការចាប់អារម្មណ៌ខ្លាំងពីអតិថជន។

សម្រាប់បច្ចុប្បន្ន Raize ស៊េរីឆ្នាំ២០២២ ស្លាកលេខ ទីផ្សារបច្ចុប្បន្នខាងធ្លាក់បន្ដិច តែក៏មិនក្រោម ២ម៉ឺនដុល្លារនោះដែរ គឺនៅចន្លោះពី ២១,០០០ដុល្លារ ទៅ ២២,០០០ដុល្លារអីដែរ អាស្រ័យលើឆ្នាំផលិត ពណ៌ Trim/Option នឹងភិនភាគឡានជាក់ស្ដែង។ ខណៈកាលពីថ្មីខ្លាញ់គោឆ្នាំ២០២៣ ទើបមកដល់ ពពួកស៊េរីឆ្នាំ២០២២ នេះស្លាកលេខនៅក្បែរ ២៤,០០០ដុល្លារជាងឯណោះ។ 

សម្រាប់ស៊េរីឆ្នាំ២០២៤ ថ្មីគាស់កេសបច្ចុប្បន្នមានតម្លៃដល់ទៅ ២៦,៨០០ដុល្លារ ដល់ ២៨,០០០ដុល្លារ ឯណោះ អាស្រ័យលើ ពណ៌ នឹង Trim/Option ផងដែរ។

ផ្នែកប្លុកម៉ាស៊ីនសម្រាប់ Specs ស្រុកខ្មែរ ឃើញប្រើម៉ាស៊ីនសាំងទំហំ ៣ស៊ីឡាំង ចំណុះ ១.០លីត្រ ជំនួយដោយ Turbo អាចបង្កើនកម្លាំងបាន ៩៦សេះ កម្លាំងរមួល ១៤០ញូតុនម៉ែត្រ ប្រើប្រអប់លេខ ៧វគ្គអូតូ CVT មានជំនួយដោយ Paddle Shift បង្វិលកង់ដោយប៉ុងមុខ FWD អាចរត់ល្បឿនបានជិត ១៨០គីឡូម៉ែត្រ/ម៉ោង ជាមួយនឹងកម្រិតស៊ីសាំងត្រឹមតែ ៥លីត្រ ទៅ ៦លីត្រក្នុង១០០គីឡូម៉ែត្រ អាចថថាសន្សំសំចៃគ្រាន់បើ។

សម្រាប់បងប្អូនវិញយល់យ៉ាងណាដែរចំពោះ Toyota Raize ស៊េរីឆ្នាំ២០២២ មួយនេះ? បងប្អូនដែលមានមតិយោបល បទពិសោធន៌ ព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!