Scion ជាអម្បូរឡាន Hatchback ទ្វា៥ របស់ Toyota ហើយក៏ជា Specs នាំចូលទៅកាន់ទីផ្សារអាមេរិកផងដែរ។ សម្រាប់ឡាន Toyota ជប៉ុនអាមេរិកនេះ ស្រុកខ្មែរចូលចិត្តប្រើណាស់ នឹងឃើញវត្តមានមិនសូវចន្លោះឡើយ។
ជាក់ស្ដែងពពួក Scion បើទោះបីជាមិនសូវនិយមខ្លាំង នឹងមិនមានភាពទំនើបប្លែកច្រើនក៏ដោយ ប៉ុន្ដែនៅតែឃើញមានប្រើច្រើនគួរសមនៅស្រុកយើង។ ដែលភាគច្រើនជាស៊េរីឆ្នាំ ២០០៤ ដល់ ២០០៦ សម្រាប់ជំនាន់ទី១ xA នឹងជំនាន់ទី២ xD ស៊េរីឆ្នាំ ២០០៨ ដល់ ២០១០ ជាដើម។
សម្រាប់ជំនាន់ទី២ Scion xD នេះដូចជាមិនសូវត្រូវប៉ាន់ប៉ុន្មានទេ ប៉ុន្ដែតម្លៃវិញហាក់នៅខ្ពស់គួរសម ដោយឃើញដាក់លក់នៅលើទីផ្សារចន្លោះពី ៨,០០០ដុល្លារជាង ទៅ ១០,០០០ដុល្លារជាង អាស្រ័យលើ ពណ៌ ឆ្នាំផលិត ប្រភេទស្លាកលេខ ឬក្រដាសពន្ធ នឹងភិនភាគឡានជាក់ស្ដែងជាដើម។
Scion xD ត្រូវបាន Toyota បំពាក់ម៉ាស៊ីនខ្លាំងជាងមុន (xA) ជាមួយម៉ាស៊ីនដដែល ៤ស៊ីឡាំង តែទំហំ ១.៨លីត្រ អាចផលិតកម្លាំងបាន ១២៨សេះ (ខ្លាំងជាងមុន២០សេះ) កម្លាំងរមួលរហូតដល់ ១២៥ផោនហ្វីត រត់ដោយប្រអប់លេខ ៤វគ្គអូតូ បង្វិលកង់ដោយប៉ុងមុខ (FWD)។
ទាំងទំហំម៉ាស៊ីន កម្លាំងសន្ទុះ នឹងកម្លាំងច្បាមសុទ្ធតែខ្លាំងជាងមុន ទើបធ្វើឲ្យ Sion xD មានសមត្ថភាពរត់ក្នុងល្បឿនអតិបរិមា ១៨៥គីឡូម៉ែត្រ/ម៉ោង នឹងជាន់ស្ទុះពី 0 ទៅ ១០០គីឡូម៉ែត្រ ប្រើពេលតែ ៨.៣វិនាទីប៉ុណ្ណោះ ជាមួយកម្រិតស៊ីសាំងខ្ទង់ ៧លីត្រ ទៅ ៩លីត្រក្នុង១០០គីឡូម៉ែត្រ។
ឡាន Hatchback មួយនេះមានប្រវែង ៣៩៣០ម.ម ទទឹង ១៧២៥ម.ម កម្ពស់ ១៥២៥ម.ម ពីដីមកបាត ១៦៥ម.ម នឹងទម្ងន់ ១២១០គីឡូក្រាម។
ផ្នែកខាងក្នុងមិនចង្អៀតពេកឡើយ បំពាក់កៅអីធម្មតា ២ជួរ ជិះបានគ្នា៥នាក់ ទូលាយល្មម ចំណែកឃ្លុបក្រោយអាចដាក់អីវ៉ាន់បានច្រើនគួរសម។ ទោះបីជាមិនមានអ្វីថ្មីប្លែកច្រើនមែន ប៉ុន្ដែបើប្រភេទ Full Option ភ្ជាប់មកជាមួយ Speaker ប្រេន Pioneer Premium ដែលពិរោះជាងមុន នឹងបន្ថែមនៅរន្ធខ្សែ AUX, USB ផងដែរ។
និយាយរួម Scion xD ល្បីថាធន់រឹងមាំ ស្រួលប្រើមិនមានប្រព័ន្ធភ្លើងស្នុកស្មាញច្រើន នឹងជាន់ស្ទុះល្អគួរសម ម្យ៉ាងរត់ល្បឿនផ្លូវឆ្ងាយ ជាន់វ៉ាជែង កម្លាំង ១៣០សេះ គឺថាជាន់មកតាមជើងតែម្ដង។ គ្រាន់តែរឿងស៊ីសាំងជាមធ្យម ៨លីត្រជាង ហាក់ច្រើនគួរសមដែរ ប៉ុន្ដែក៏មិនជាស៊ីខ្លាំងឡើយក្នុងកម្រិតក្រោម ១០លីត្របែបនេះ។
សម្រាប់បងប្អូនវិញយល់យ៉ាងណដែរចំពោះ Toyota Scion មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែម អាចចែករំលែកបាន៕
ដោយ៖ Bunsak
*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023
*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។
*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!
មកដល់កម្ពុជាហើយ! Land Cruiser 250 មានមុខងារទំនើបៗច្រើន សមជាកំពូល Off-Road
Toyota Scion xD នៅស្រុកខ្មែរស្ងាត់ទីផ្សារ ប៉ុន្ដែតម្លៃហាក់នៅខ្ពស់ដដែល បើនិយាយរឿងធន់ នឹងកម្លាំង មិនគួរមើលរំលងឡើយ
នោះ! Ford ត្រៀមដឹកម៉ូឌែល Ranger Plug-in សាកថ្ម 4ម៉ោងជិះបាន 45គីឡូទៅកាន់ទីផ្សារអឺរ៉ុប ខណៈកម្លាំងរមួលខ្លាំងជាង Raptor ទៅទៀត
Highlander ទីផ្សារនៅល្អគួរសម ក្នុងរដូវកាលភ្ជុំបិណ្ឌនេះ ចង់ជិះត្រឹមស៊េរីឆ្នាំ2001 ដល់ 2003 គួរកាន់ប៉ុន្មាន?
Highlander ទីផ្សារនៅល្អគួរសម ក្នុងរដូវកាលភ្ជុំបិណ្ឌនេះ ចង់ជិះត្រឹមស៊េរីឆ្នាំ2001 ដល់ 2003 គួរកាន់ប៉ុន្មាន?
Mustang ជាឡាន Sport Car ដែលមានតម្លៃធូរ តែរូបរាងអំណាច កម្លាំងខ្លាំង បើចេះលេងថែមថយទៀត មិនចាញ់ Super Car ទេ
Hyundai Starex ហាក់ធូរថ្លៃច្រើន ចង់ប្រើឡានកៅអី ៤ជួររបស់កូរ៉េមួយនេះ កាន់ខ្ទង់ ១ម៉ឺនដុល្លារ រកបានជិះហើយ
ចង់ជិះ Prius ប្រភេទ Option 3-4 ឆ្នាំ ២០១០ គួរកាន់ប៉ុន្មាន? ស្រុកខ្មែរល្បីថា Option មួយនេះជា Option ពេញនិយម?