ស្រុកខ្មែរនរណាមិនស្គាល់ឡាន Toyota Tacoma ជាឡាន Pick Up ដែលមានកម្លាំងខ្លាំង ហាប់ណែនមាំល្អ នឹងត្រូវប៉ាន់ណាស់កាលពីឡាន Pick Up ក្រុមហ៊ុនស្រុកខ្មែរមិនទាន់ពេញនិយមខ្លាំងដូចបច្ចុប្បន្ន។

ប៉ុន្ដែរខ្ទង់ ២ទៅ៣ឆ្នាំចុងក្រោយនេះ Tacoma ស៊េរីឆ្នាំ ២០០៥ដល់២០១១ ឃើញហាក់ធូរថ្លៃជាងមុនច្រើន ដោយបច្ចុប្បន្នឃើញទីផ្សារដាក់លក់ខ្ទង់ ១៥,០០០ដុល្លារជាង ទៅ​១៧,០០០ដុល្លារជាង ហើយខ្លះក៏មានក្រោម ១៥,០០០ដុល្លារផងដែរ អាស្រ័យលើ ឆ្នាំផលិត ពណ៌ នឹងភិនភាគឡានជាក់ស្ដែង។ ខណៈប្រភេទក្រដាសពន្ធវិញឃើញនៅមានតិចតួច ជាមួយតម្លៃខ្ទង់ ២ម៉ឺនដុល្លារ តែយ៉ាងណាក៏ធូរច្រើនជាងកាលពី ៤ទៅ៤ឆ្នាំមុនផងដែរ។

Tacoma ប្រើបំពាក់ម៉ាស៊ីន ៦ស៊ីឡាំង ៤.០លីត្រ ផលិតកម្លាំងបាន ២៤៥ សេះ កម្លាំងរមួល ២៨២ ប្រើប្រអប់លេខ ៦ វគ្គអូតូ មានទាំងប្រភេទប៉ុង១ RWD នឹងប៉ុង២ 4WD នឹងមានជំនួយដោយប្រព័ន្ធ Lock ប៉ុងនឹង កាប់ពីតាសផងដែរ ។ 

ចំពោះកម្រិតស៊ីសាំងវិញអាចនិយាយបានថាជាចំណុចរសើបចម្បងរបស់ Tacoma នេះតែម្ដងដោយស៊ីសាំងខ្ទង់  ១៣លីត្រជាង ទៅ១៥លីត្រជាងក្នុង១០០គីឡូម៉ែត្រ ឬអាចលើសខ្វះតិចតួចអាស្រ័យលើស្ថានភាពជាក់ស្ដែង។

Tacoma ជាប្រភេទឡាន​ Pick Up ទ្វា៤ មានទាំងប្រភេទទ្រុងវែងនឹងខ្លី  ជាមួយកម្ពស់ខ្ពស់ល្មមអាចបើកបរបានស្ទើរគ្រប់ឧបសគ្គផ្លូវតែម្ដង។

ជាមួយតួរខ្លួនសរុបប្រវែង ៥៦២១ម.ម កម្ពស់ ១៧៨០ម.ម ទទឹង ១៨៩៥ម.ម និងទម្ងន់រថយន្ដ ១៧៩០ គីឡូក្រាម ដែលទ្រុងខាងក្រោយទូលាយ​ល្អសម្រាប់ដឹកឥវ៉ាន់ ដែលអាចផ្ទុកទម្ងន់បានក្បែរ ១តោន នឹងការអូសសណ្ដោងបានខ្ទង់ ៣តោនឯណោះ ។

សម្រាប់បងប្អូនវិញយល់យ៉ាងណាដែរចំពោះ Tacoma ជំនាន់ទី២ស៊េរីឆ្នាំ ២០០៥ដល់២០១១ មួយនេះ? តម្លៃខ្ទង់ ១ម៉ឺនដុល្លារជាង ប្រសិនចង់ប្រើ Pick Up បងប្អូនគិតថាគួរពិចារណាទៅលើ Tacoma នេះដែរឬអត់? បងប្អូនដែលមានមតិយោបល់ បទពិសោធន៌ នឹងព័ត៍មានបន្ថែម អាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!