Wigo កាលចេញដំបូងគឺថាផ្អើងទីផ្សារតែម្ដង ពីព្រោះអាចនិយាយបានថាជាប្រវត្តិសាស្ដ្រមួយដែរដែលក្រុមហ៊ុន Toyota នាំចូលរថយន្ដថ្មីខ្លាញ់គោតម្លៃក្រោម ២ម៉ឺនដុល្លារបែបនេះ។

Wigo ជាប្រភេទឡាន Compact SUV ទ្វា៥ កៅអីពីរជួរ ដែលមានប្រវែងសរុប ៣៧៦០ មម ទទឹង ១៦៦៥ ម.ម កំពស់ ១៥០៥ ម.ម ប្រវែងគន្លាតកង់មុខ-ក្រោយ ២៥២៥ ម.ម និងកំពស់ពីដីទៅបាតរថយន្ត ១៦០ ម.ម មិនខ្លីពេកមិនវែងពេក គឺថាងាយស្រួលបើកបរក្នុងក្រុងមែនតែន។ 

ពិសេសបងប្អូនអ្នកធ្វើការ សិស្សសាលា ហាក់ត្រូវប៉ានតែម្ដង ខណៈតម្លៃក៏ធូរគួរសម ម្យ៉ាងរឿងគុណភាពគឺថាអាចទុកចិត្តបាន មិនងាយឈឺផ្ដាស់ទេ ហើយក៏មិនមានប្រព័ន្ធភ្លើងស្មុកស្មាយដែរ ថែទាំប្ដូរប្រេងតិចតួច មិនបារម្ភរឿងដេកតាមផ្លូវឡើយ។ 

Wigo ស្ថិនក្នុងប្រភេទឡានសន្សំសំចៃ ដែលភ្ជាប់មកជាមួយ ម៉ាស៊ីនជំនាន់ថ្មីទំហំ ៣ស៊ីឡាំង ១.០លីត្រ អាចផលិតកម្លាំងបាន ៦៦សេះ បង្វិលកង់ដោយប៉ុង១ FWD រត់ដោយប្រអបលេខ (CVT) អាចថែមថយលេខដៃបាន ជាមួយកម្រិតស៊ីសាំងខ្ទង់ ៤លីត្រ ទៅ ៥លីត្រជាងប៉ុណ្ណោះក្នុង ១០០គីឡូម៉ែត្រ។

ចំពោះផ្ទៃខាងក្នុង មិនជាសាមញ្ញពេកទេ ជាមួយកៅអីកាំម្ញៃពីរជួរអាចជិះបាន ៥នាក់ នឹងសល់ឃ្លុបក្រោយដាក់អីវ៉ានបានមួយចំនួនបន្ដែមទៀត។

ក្រៅពីនឹងឃើញបំពាក់អេក្រង់ទំហំ ៨អ៉ីង មានភ្ជាប់មុខងារ Apple CarPlay & Android Auto មានការម៉េរាក្រោយ ជំនួយដោយសេនស័រសម្រាប់ចូលចត ពោងសុវត្តិភាព ៦គ្រាប់ ហើយអ្វីដែលប្លែកភ្នែកនោះគឺមានមុខងារ 𝐁𝐥𝐢𝐧𝐝 𝐒𝐩𝐨𝐭 𝐌𝐨𝐧𝐢𝐭𝐨𝐫𝐢𝐧𝐠 ដែលជំនួយក្នុងការផ្តល់សញ្ញាពីឧបសគ្គនៅផ្នែកចំហៀង និងមានមុខងារសំខាន់ៗមួយចំនួនទៀតផងដែរ។

ចំពោះតម្លៃវិញឃើញទីផ្សារដាក់លក់ពពួកមួយទឹកខ្ទង់ ១៦,០០០ដុល្លារជាង ខណៈប្រភេទខ្លាញ់គោតម្លៃ ១៩,៩០០ដុល្លារឯណោះ។

សម្រាប់បងប្អូនយល់យ៉ាងណាដែរ Toyota Wigo មួយនេះ? បងប្អូនដែលមានមតិយោបល់ បទពិសោធន៍ នឹងព័ត៍មានបន្ថែមអាចចែករំលែកបាន៕

ដោយ៖ Bunsak 

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!