ZEEKR គឺជារថយន្ដអគ្គិសនី របស់ Great Wall Motor (GWM) ដែលជាក្រុមហ៊ុនឧស្សាហកម្មរថយន្ដលំដាប់ពិភពលោក កំពុងត្រៀមខ្លួនបោះជំហានចូលទីផ្សារ អូស្ដ្រាលី ក្នុងខែ តុលា ខាងមុខនេះ។ 

ក្នុងពេលជាមួយគ្នានោះ ZEEKR ក៏បានប្រកាសតម្លៃបឋមផងដែរ ដោយមិនទាន់ប្រកដ់ណាមួយឡើយ ជាមួយតម្លៃក្រោម ៦០,០០០ដុល្លារ សម្រាប់ប្រភេទ Single-Motor នឹងរត់ដោយប៉ុង១ RWD ខណៈប្រភេទ Dual-Motor រត់ដោយប៉ុង២ AWD មានតម្លៃក្រោម ៧០,០០០ដុល្លារ។

តែបើក្រឡេកមកមើលតម្លៃស្រុកខ្មែរដែល ZEEKR ទើបតែសម្ភោធ៍ទីតាំងថ្មីៗនេះ ឃើញម៉ូឌែល ZEEKR X ត្រឹម ៥២,៨០០ដុល្លារប៉ុណ្ណោះ ធូរថ្លៃច្រើនជាងគ្រាន់បើ ហើយតម្លៃនេះដែរ មានការប្រែប្រួលយ៉ាងណានោះបងប្អូនដែលចាប់អារម្មណ៍ អាចទាក់ទងទៅកាន់ក្រុមហ៊ុនផ្ទាល់បាន។

ចំពោះ Performance ក្នុងការបើកបរ ZEEKR X ភ្ជាប់មកជាមួយជម្រើសពីរប្រភេទ៖

១/ ប្រភេទម៉ូទ័រ១ Single-Motor ប្រើជាមួយអាគុយ​ li-ion nickel manganese cobalt កម្លាំង ៦៦ kWh ផលិតកម្លាំងបាន ២០០kw ឬប្រមាណជា ២៦០សេះ កម្លាំងរមួល ៣៤៣ ញ៉ូតុនម៉ែត្រ បង្វិលកង់ដោយប៉ុង១ RWD សាកថ្មមួយពេញអាចជិះបាន ៥៤០គីឡូម៉ែត្រ ដែលអាចជាន់ស្ទុះពី ០ ទៅ ១០០គីឡូម៉ែត្រចាយពី ៥.៦វិនាទី នឹងអាចរត់លឿនបំផុតខ្ទង់ ១៨០គីឡូម៉ែត្រ/ម៉ោង។

២/ ប្រភេទម៉ូទ័រ២ Dual-Motor ប្រើជាមួយអាគុយ​ li-ion nickel manganese cobalt កម្លាំង ៦៦ kWh ដូចគ្នាតែអាចផលិតកម្លាំងបាន ៣១៥kw ឬប្រមាណជា ៤២២សេះឯណោះ ជាមួយកម្លាំងរមួល ៥៤៣ ញ៉ូតុនម៉ែត្រ បង្វិលកង់ដោយប៉ុង២ AWD សាកថ្មមួយពេញរត់បាន ៤៧០គីឡូម៉ែត្រ ជាមួយសមត្ថភាពនៃសន្ទុះល្បឿនពី ០ទៅ ១០០គីឡូម៉ែត្រចាយត្រឹម ៣.៨វិនាទីប៉ុណ្ណោះ នឹងអាចរត់បានលឿនបំផុត ១៨០គីឡូម៉ែត្រ/ម៉ោង។

គួរបញ្ជាក់ដែរថា៖ ZEEKR X ទាំងប្រភេទម៉ូទ័រ១ នឹងម៉ូទ័រ២ មានខ្សែរសាកចំនួនពីរគឺ ខ្សែ AC/DC សម្រាប់ប្រភេទ Single-Motor ចំពោះការសាកតាមខ្សែ AC ដែលមានកម្លាំង ៧.២kW ចំណាយពេល ១១.៥ម៉ោង ក្នុងការសាកពី ០ ទៅ​១០០%។ ប៉ុន្ដែខ្សែ DC កម្លាំង ១៥០kW ចាយពេលត្រឹម ៣០នាទីប៉ុណ្ណោះ។

ចំពោះប្រភេទ Dual-Motor វិញខ្សែ DC កម្លាំងនឹងរយៈពេលដូចគ្នា ខណៈខ្សែ AC ធម្មតាមានកម្លាំងដល់ទៅ ១១kW នឹងចាយពេលត្រឹម ៧.៥ម៉ោងប៉ុណ្ណោះក្នុងការសាកមួយពេញ អមដោយភាពទំនើប នឹងប្រព័ន្ធសុវត្ថិភាពយ៉ាងសម្បូរបែបផងដែរ៕

ដោយ៖ Bunsak 

ប្រភព៖ Carexpert.com

*អត្ថបទនេះរក្សាសិទ្ធដោយ Advanced Auto Digital Media Co.,LTD ©2023

*ADVAN AUTO មិនគាំទ្រការចម្លងអត្ថបទទៅប្រើប្រាស់ឡើងវិញដោយគ្មានអនុញ្ញាតិនោះទេ។

*ជាការជូនដំណឹងនិងព្រមានទៅកាន់បុគ្គលទាំងឡាយណាដែលចម្លងអត្ថបទយើងយកទៅប្រើប្រាស់ដើម្បីប្រយោជន៍ផ្ទាល់ខ្លួន សូមបញ្ឈប់សកម្មភាពជាបន្ទាន់ សូមអរគុណ!