👉ចង់ដឹងឬចែករំលែកបទពិសោធន៍ប្រើឡាន សូមចូលគ្រុបមួយនេះ Advan Auto Discussionចុច Subscribe Channel Telegram របស់ Advan Auto ដើម្បីទទួលបានព័ត៌មាន ចំណេះដឹង និងការកំសាន្ដថ្មីៗអំពីរថយន្ដ

………………………………………………………………………………….

ស្របពេលដែលម៉ូតចង្កៀងត្រួត កំពុងតែពេញនិយមសម្រាប់រចនាបថរថយន្ដសម័យថ្មី  ដែលមានក្រុមហ៊ុនរថយន្ដល្បីៗជាច្រើន ដាក់លើរថយន្ដរបស់ខ្លួនដូចជា  Rolls Royce, Ferrari, Audi, ជាដើម ក្រុមហ៊ុន BMW គ្រោងចេញការរចនាចង្កៀងត្រួតដែរ តែមិនមែនបំបែកត្រឹមតែ ២ ជួរទេ តែត្រួតគ្នាដល់ទៅ ៣​ ជួរ ដែលមើលទៅប្លែកខុសពីធម្មតា។​

ចង្កៀងនេះត្រូវបានប្រើប្រាស់អំពូលប្រភេទ LED និងភ្ជាប់ជាមួយ BMW iDrive 8 Controller ដែលអាចបិទ ឬបើកបានបើសិនជាអ្នកបើកបរមិនចង់ប្រើប្រាស់ ជាពិសេសនៅពេលដែលភ្លើងទាំង ៣ បើក ឬស្ថិតនៅក្នុង Powerful Presence Mode វាមានភ្ជាប់ជាមួយនឹងប្រព័ន្ធ Selective Beam របស់ BMW ដែលមិនឲ្យរំខាន ឬចាំងភ្នែកដល់អ្នកដំណើរក្នុងឡានផ្សេងទៀតនោះទេ។ 

ក្នុងនោះ ក្រុមរចនារបស់ BMW បានឲ្យដឹងថា គម្រោងការរចនានេះ គឺធ្វើឡើងដើម្បីលើកសម្រស់ BMW មួយកម្រិតទៀត ជាពិសេសនៅពេលបើកក្នុងផ្លូវងងឹត ដោយពេលវាស្ថិតក្នុង Sport Mode ចង្កៀងទី ៣ ក្រោមគេបង្អស់ នឹងចេញពន្លឺដែលធ្វើឲ្យរថយន្ដមើលទៅទាបក្រាបជាប់នឹងដី ហើយពេលវាស្ថិតក្នុង Powerful presence mode ចង្កៀងទាំង ៣ បំភ្លឺឡើង ព្រមជាមួយនឹងភ្លើង LED រំលេចជាខ្សែនៅជុំវិញប៉ាណាមុខ ដែលធ្វើឲ្យ BMW ចេញរាងឡើងមានអំណាច។ 

BMW បានបន្ថែមថា ខ្លួនមានគម្រោងនឹងបញ្ចេញគម្រូរចនាបថចង្កៀង ៣ ជួរនេះ ពិតជាក់ស្ដែង លើរថយន្ដ BMW សេរីក្រោយៗរបស់ខ្លួន ដូចជា BMW 7 series ជាដើម ឲ្យបានឆាប់តាមតែអាចធ្វើទៅបាន ដោយបច្ចុប្បន្ន គម្រូនេះកំពុងរង់ចាំការយល់ព្រមសំណើររចនាពីក្រុមប្រឹក្សាចរាចរណ៍ផ្លូវគោកសិន។ 

អត្ថបទ៖ Andra  AdvanAuto 

…………………………………………………………………..

ដើម្បីទទួលបានព័ត៌មាន ចំណេះដឹង និងវីដេអូថ្មីៗទាក់ទងនឹងរថយន្ដសូម ៖

Follow Facebook Page : 👉 Advan Auto

Subscribe YouTube Channel : 👉Advan Auto

Follow TikTok : 👉Advan Auto

Follow Instagram : 👉Advan Auto