Toyota Camry ជំនាន់ទី ៥ (២០០២ – ២០០៦) មានរហ័សនាមថា អាបាឡែន ជាពាក្យពេញនិយមខ្លាំងហៅមិនដាច់ពីម៉ាត់សម្រាប់អ្នកប្រើប្រាស់រថយន្ដស្រុកខ្មែរ នរណាដែលថាមិនស្គាល់វា។

២០ ឆ្នាំមុនវាជាឡាន Saden ដែលពេញនិយមនៅទូទាំងពិភពលោក របស់ Toyota ទាំងល្បឿន សុវត្ថិភាព និងរូបរាងដ៏ទាក់ទាញ អាចអោយពិន្ទុ ៩/១០ បាន អ្នកមានលុយទិញវាជិះ សុទ្ធតែជាន់ផ្អៀងស្រុកខ្មែរហើយ ។

ស្រុកខ្មែរលក់ដាច់ខ្លាំងដល់ថ្នាក់សព្វថ្ងៃនេះស្ទើរគ្នានទេបាឡែនក្រដាស់ពន្ធ អ្នកលក់ឡានថា រកទិញពីអាមេរិកមិនសូវបាន ទោះមាន បូកទាំងពន្ធនាំចូល ក៏តម្លៃក្នុងស្រុកខ្ពស់ពិបាកលក់ចេញវិញដែរ។

អាបាឡែន បងប្អូនបង្កើតរបស់អាឆ្លាមមានបញ្ចូលធាតុផ្សំអ្វីពិសេសខ្លះ? វាមានអាយុ ២០ ឆ្នាំហើយ គុណភាពយ៉ាងមិចដែរ តោះ! តាមដានទាំងអស់គ្នា។

១.Option ឬ ជម្រើស

បើនិយាយាពី Option វិញ មានច្រើនប្រភេទរួមមាន CE, LE, SE, XLE និងជម្រើសមាស៊ីន ៤​ និង ៦ ស៊ីឡាំង ។ តែ Advan Auto សុំលើកតែពីរម៉ូឌែលប៉ុណ្ណោះ ដែលនិយមប្រើនៅស្រុកខ្មែរមានដូចជា LE, XLE និងជម្រើសម៉ាស៊ីន ៤ ស៊ីឡាំង ចំណុះ ២.៤ លីត្រតែប៉ុណ្ណោះ។

• LE ជាប្រភេទធម្មតាខ្លះមាន ABS និងដំបូលបើក​ ខ្លះទៀតក៏មិនមាន ប្រើហ្វ្រាំងគៀបខាងមុខ និងក្រោយប្រភេទតាំប៉ួ កៅអីធម្មតាអត់ពិលកាង មានពោងសុវត្ថិភាព ២គ្រាប់ ខ្លះទៀតក៏មាន ៨គ្រាប់់  និយាយរួមសាមញ្ញ។
• XLE ជា Option ខ្ពស់​មានបន្ថែម Speaker JBL ពោងសុវត្ថិភាព ៨ គ្រាប់ ម៉ាស៊ីនត្រជាក់ ៦ ប្រឡោះ កៅអីស្បែកចុចសងខាង ដំបូលបើក ហ្វ្រាំងឌីសគៀបមុខក្រោយ ចង្កូតនិងចង្កឹះលេខស្រោបដោយស្បែក ព្រមទាំងមានពិលកាងផងដែរ ។

បាឡែនជាឡាន Sedan ទ្វា ៤​ ខាងក្នុងទូលាយគួរសម ជិះគ្នា ៥ ទៅ ៦ នាក់ និងមានឃ្លុបក្រោយសម្រាប់

ដាក់ឥវ៉ានបានច្រើនគួរសម។ ចង្កូតវាធូរស្រួលបត់បែន ផ្នែកខ្លះស្រោបដោយហ្វរមីកាឈើ និងមុខងាមួយចំនួន បញ្ជារដោយប៉ូតុងចុច ។ 

វាមានទម្ងន់ ១៤៦៥ គីឡូក្រាម ទទឹង ១៧៩៤ម.ម បណ្ដោយ ៤៨១៥ ម.ម កម្ពស់ ១៥០០ម.ម និងអាចដឹកបានប្រមាណជាង ៥០០ គីឡូក្រាម។

២.ម៉ាសុីន

Toyota Camry ជំនាន់ទី ៥ នេះ បំពាក់ម៉ាស៊ីន ៤ ស៊ីឡាំង មុខកាត់ស៊ីឡាំង ២.៤ លីត្រ ផលិតកម្លាំង ១៥៧ សេះ កម្លាំងរមួល ១៦២ ផោនហ្វីត ប្រើប្រអប់លេខ ៤ វគ្គអូតូ​ រត់ដោយប៉ុងមុខ (FWD) ល្បឿនអតិបរិមា ១៩៨ គីឡូម៉ែត្រ/ម៉ោង

ជាន់ស្ទុះពី ០-១០០គ.ម/ម ប្រើពេល ៩.៤ វិនាទី កម្រិតស៊ីសាំងក្នុងក្រុងច្រើនគួរសម ១០ លីត្រ និងក្រៅក្រុងផ្លូវ

លាត ៧ លីត្រ ក្នុង ១០០ គីឡូម៉ែត្រ។

៣.ជើងក្រោម

វាមានយ៉ាន់កង ១៦ អ៊ីញ មានហ្វ្រាំងគៀបឌីសមុខក្រោយ ជំនួយដោយ​ ABS ប្រើប្រាស់ប៉ូមនិងរឺស័រធម្មតានៅផ្នែកកង់ខាងមុខ (Macpherson Strut) និងផ្នែកខាងក្រោយប្រើប្រព័ន្ធជើងក្រោមឯករាជ្រប្រភេទ Multi-Link ជួយឲ្យកង់ឡានលោតឡើងចុះផ្សេងគ្នាសម្រួលឲ្យតួខ្លួនឡានមានលំនឹងល្អ ។ ការបើកបរមានសភាពណឹងល្អ និងពេលចុះទួលឬចូលក្រលុក គ្រប់កង់ទាំងបួនធ្វើការដាច់ដោយឡែកពីគ្នា ជួយទប់ឡានមិនអោយផ្អៀងខ្លាំង។

៤.សុវត្ថិភាព

Camry​ បាឡែន តេស្ដបុកប៉ះល្អគ្រាន់បើ ពោងសុវត្ថិភាព ៨ គ្រាប់ការពារបានយ៉ាងគ្រាប់គ្រាន់ ដោយទទួល

បានផ្កាយ ៥ ពីនាយកដ្ឋានសុវត្ថិភាពចររាចរណ៍ផ្លូវគោកសហរដ្ឋអាមេរិក។ បើនិយាយាពីប្រវត្តិអូសឡានចូលរោង ចក្រវិញពី យោងតាម Autoblog បញ្ជាក់ថាវាមានបញ្ហាតិចតួចណាស់ ។ 

៥.តម្លៃ

តម្លៃជាមធ្យមចន្លោះពី ១១០០០ ទៅ ១៦០០០ ដុល្លារជាង​ អាស្រ័យលើស្លាកលេខខ្ពស់ទាប់​ ក្រដាសពន្ធ ពណ៍ ឆ្នាំផលិត និងជម្រើស Option ភិនភាគជាក់ស្ដែង។ ចំពោះថ្លៃជួសជុលវិញចំណាយខ្ទង់ ៥០ ទៅ ៣០០ ដុល្លារជាង ទៅតាមកម្រិតនៃការខូចខាត។

ជារួមសម្ថភាពវាប៉ុណ្ណោះអាចទទួលយកបាន សម្រាប់បងប្អូនដែលឧស្សាហ៍ចុះខេត្ត ការវ៉ាជែងផ្លូវកែងផ្លូវកោង

វាបត់បែនបានល្អ បូកទាំងទម្ងន់ធ្ងន់គួរសមទៀត ធ្វើអោយរថយន្ដមួយនេះរត់លឿន មានភាពរលូនល្អអាចទៅបានគ្រប់ឧបសគ្គ (កុំឲ្យតែផ្លូវរ៉ោករ៉ាកខ្លាំង) ។

សរុបមកបើសួរថាគុណភាពនៅល្អប្រើឬអត់ ដូចជាមិនមានបញ្ហាអ្វីច្រើនទេ អោយតែឡានស្អាត ម៉ាសុីន ប្រអប់លេខ

នៅល្អ ជើងក្រោមមាំ ល្បឿនល្មមៗអាចនិយាយបានថា ឡានសេរីថ្មីមួយចំនួនពិបាកដេញដែរហ្នឹង ។

ប្រិយមិត្តយល់យ៉ាងណាដែរ ជួយ Comment នៅខាងក្រោមអត្ថបទឲ្យ Admin បានដឹងផង ។

អត្ថបទ៖ BunSak