បើកតាមផ្លូវឃើញតែឡានពណ៌ស មិនថានៅខ្មែរឬបរទេសទេ ពណ៌សជាពណ៍ដែលទាក់ទាញសម្រាប់អ្នកប្រើប្រាស់ ព្រោះពណ៌សជាពណ៌ នៃទីផ្សាដែលមានតម្លៃហាងឆេងខ្ពស់ជាងគេ ក្នុងចំណោមពណ៌ទាំងអស់។ បន្ទាប់ពីពណ៍ស គឺទឹកប្រាក់ ប្រផេះ ស្ករ មាស និងខ្មៅ ហើយក៏មានអ្នកនិយមដូចជា ពណ៌ក្រហម ប៉ៃតង ផងដែរ។ 

(តែក៏មានឡានអ៊ឺរ៉ុប និងឡនាទំនើបមួយចំនួនធំផងដែរ ដែលពណ៌ខ្មៅមើលទៅស្រស់ស្អាត អំណាចនឹងថ្លៃជាងពណ៌ស។)

មូលហេតុដែលប្រជាជនខ្មែរភាគច្រើននិយមពណ៌មួយនេះព្រោះពួកគាត់យល់ថា ជាពណ៌ដែលមានហុងស៊ុយ ស្រស់ស្អាត នឹងទាក់ទាញចូលចំណោមគេបាន។ ម៉្យាងទៀតវាងាយស្រួលថែទាំ ពេលមានធូលីដី ឬឆ្កូតអីយើងមើល មិនសូវជាឃើញ និងកាត់បន្ថយការស្រូបកម្ដៅបានច្រើន ពេលចតចោល ឬបើកបរពេលថ្ងៃ បើធៀបនឹងពណ៌ ផ្សេងៗទៀង ជាពិសេសពណ៌ខ្មៅជាដើម។ ចុះបើខុសពណ៌ តើតម្លៃខុសគ្នាដែរអត់?

• បើតាមអ្នកលក់ឡានបានអោយដឹងថា ក្នុងមួយខែៗឃ្លាំងអាចលក់បានចន្លោះពី៧ ទៅ១០គ្រឿងហើយភាគច្រើនមាន៨គ្រឿង ជាពណ៌ស ។​ ដោយសារចំណង់ចំណូលចិត្ត ហើយនិងការនិយម ទើបធ្វើអោយ ពណ៌សមានតម្លៃខ្ពស់ជាងគេបើធៀបនិងពណ៌ខ្មៅវិញតម្លៃខុសគ្នាខ្ទង់ ២០០០ដុល្លារជាងឯណោះ(និយាយចំពោះឡានតម្លៃខ្ទង់ ២០០០០ដុល្លារចុះ) ​ និងលក់ចេញវិញក៏លឿនដែរ។

តែបើសួរថាមានប្រភេទឡានអ្វី ដែលពណ៌សមិនពេញនិយម និងខុសហាងឆេង​នោះគឺ៖

• Toyota Camry ១៩៩៧-២០០១ ដែលគ្រប់គ្នាស្គាល់ថាអាឆ្លាមហ្នឹងឯងអ្នកលក់គាត់ថាមិនដឹងជាយ៉ាងមិចបានជាគេមិននិយមសោះ​ សាច់់ដែក ម៉ាសុីន ភិនភាគដូចគ្នាទាំងអស់ តែសម្រាប់ឆ្លាមពណ៌ស អន់ជាងពណ៌ខ្មៅផង ពិបាកលក់ចេញ ហើយតម្លៃធូរជាងពណ៍ខ្មៅទៀត។

បច្ចុប្បន្ន Camry ឆ្លាមក៏នៅសម្បូរដែរ មានតម្លៃចន្លោះពី ៥០០០ដុល្លារ ទៅ ៦០០០ដុល្លារជាង ហើយពណ៌ដែលត្រូវហាងឆេងជាងគេសម្រាប់ទីផ្សារស្រុកខ្មែរនោះគឺ ពណ៌ឆ្លូញ និងពណ៌មាសសម្រាប់ឡាន ១ នេះ។

អត្ថបទ៖ BunSak