ក្រុមហ៊ុន KIA របស់ប្រទេសកូរ៉េ បានបញ្ចេញកូនឡាន KIA Morning ជំនាន់ទីមួយនៅឆ្នាំ ២០០៤ ដែលទល់នឹងបច្ចប្បន្ននេះមាន ៤ ជំនាន់ទៅហើយ។
ហើយអ្វីដែលពេញនិយមខ្លាំង នៅស្រុកខ្មែរក្នុងចំណោមកូនឡាន ជា Morning ជំនាន់ទី ១ នេះឯង ខណៈដែលជំនាន់ទី ២ និងទី៣ ក៏កំពុងមានសន្ទុះគួរសមដែរ ។ តាមបទពិសោធ៍ពីអ្នកប្រើផ្ទាល់ស្រឡាញ់ត្រង់ថា ស៊ឺសាំងតិច ធន់ចំណាយថវិកាក្រោម ១០០ដុល្លារសម្រាប់ការជួសជុល និងបង់ពន្ធផ្លូវត្រឹមតែ ៨ ម៉ឹនរៀលប៉ុណ្ណោះ។
និយាយពីកម្លាំងវិញកូនឡាន Morning មួយនេះបំពាក់ម៉ាស៊ឺន ៤ស៊ឺឡាំង មុខកាត់ស៊ឺឡាំង ១.០លីត្រ បង្កើតកម្លាំងបាន ៦០សេះ កម្លាំងរមួល ៦៤ ផោនហ្វីត ប្រើប្រអប់លេខ៤ វគ្គអូតូ និងបង្វិលកង់ដោយ
ប៉ុងមុខ (FWD) រត់លឿនបំផុតបាន ១៥០គីឡូម៉ែត្រ/ម៉ោង បើនិយាយរឿងជាន់ស្ទុះវិញ គឺថាមិនបាច់និយាយតែម្តង ។
កម្រិតស៊ឺសាំងវិញសន្សំសំចៃគ្រាន់បើ ក្នុងទីក្រុងស៊ឺ ៦លីត្រ ក្រៅក្រុងផ្លូវលាត ៤.៥ លីត្រក្នុង ១០០គីឡូម៉ែត្រ។
ជំនាន់ទី១ ពី ០៤ ដល់ ០៧ វាចែកជា ២ ប្រភេទ Lx និង SLx ។ ងាយយល់ (SLx = Full Option និង Lx = Haft & Base Option) ។
ជម្រើស Lx base អត់មាន ABS ពូកធម្មតា កញ្ចក់បញ្ជារដោយប៊ូតុងបានតែពីរខាងមុខ និយាយរួមគឺអត់មានអីពិសេសទេ ចំណែកឯ Haft Option វិញរាងគ្រាន់ជាងហ្នឹងបន្ដិចដោយបំពាក់ផ្នែកខ្លះនៃ SLx។
បើ SLx បន្ថែមប្រព័ន្ធហ្វាំ្រងឌីសគៀបមុខក្រោយ ជំនួយដោយ ABS មានពិលកាង ពួកស្បែកកំដៅកៅអី ប្រអប់វែនតា អ្នកបើកបរបញ្ជារកញ្ចក់តាមប៊ូតុងអេឡិចត្រូនិកបានទាំង៤ ។ វាមាន Speaker ៦គ្រាប់ គ្រាន់ស្តាប់បទចម្រៀងលោកតា ស៊ិន ស៊ីសាម៉ុត ចំណែកឯប៉ាណាមុខស្រោបដោយក្រូមមេ និងកៅអីក្រោយដាច់អាចកាចបត់មុខក្រោយបាន។
តម្លៃវិញធូរថ្លៃខ្ទង់ ៤០០០ ដុល្លារជាងទៅ ៦០០០ដុល្លារជាង អាស្រ័យលើឆ្នាំផលិត ពណ៍ Option និងគុណភាពជាក់ស្ដែង។
ខាងក្នុងសាមញ្ញ មានប៉ូតុងបញ្ជារមុខងាយមួយចំនួន ជាកូនឡានទ្វា ៤ មានកៅអី ២ជួរ ជិះគ្នា៥ កៅអីខាងជួរមុខទូលាយគួរសម តែខាងក្រោយរាងចង្អៀត (ល្មមសម្រាប់ក្មេងៗអង្គុយ) និងសស់ឃ្លុបក្រោយអាចដាក់ឥវ៉ាន់តិចតួច ។
ចំពោះសុវត្ថិភាពវិញមិនជាបញ្ហាចោទទេលើផ្នែកប្រព័ន្ធហ្វ្រាំងនិងជើងក្រោម ប៉ុន្ដែបុកប៉ះជារឿងដែលត្រូវប្រយ័ត្ន ដោយពោងសុវត្ថិភាពមានតែ ២គ្រាប់ផ្នែកខាងមុខ មិនអាចការពារផ្នែកចំហៀងបានឡើយ ។
សរុបមកតម្លៃសាកសមដែរ ព្រោះឆ្នាំ ០៤ឡើងបើធៀបនិងរថយន្ដផ្សេងៗវិញមិនទាន់មានតម្លៃប៉ុណ្ណឹងទេ ម្យ៉ាងទៀត ភាពធន់ សន្សំសំចៃសុីសាំងតិច ខាងក្នុងល្មមគួរសមអាចទទួលយកបាន ជិះបានគ្នា ៥នាក់ធ្វើដំណើរស្ទើគ្រប់កន្លែង ពិសេសក្នុងក្រុង អ្នកធ្វើការ កូនសិស្ស និស្សិត ម៉ាក់ប៉ាត្រូវការដឹកកូនទៅសាលា ចូលផ្សារទិញបន្លែសាច់ និងគ្រួសារតូចអាចរីករាយជាមួយ KIA Morning នេះបាន។
បើលោកអ្នកចង់ទិញជិះនឹងគេ ក៏ត្រូវមើលអោយច្បាស់ដែរ វាជាប្រភេទឡានមួយទឹកពីកូរ៉េជាតំបន់ទឹកកក ដូច្នេះភាគច្រើនអាចច្រេះ ឬពុកបាតតែម្ដងហើយកុំភ្លេចអោយគេធានាម៉ាស៊ីននិងប្រអប់លេខផង ជៀសវាងមានបញ្ហា៕
អត្ថបទ៖ BunSak
Toyota បំបែកកំណត់ត្រាពិភពលោក អត់ចាក់សាំង អត់ប្រើអគ្គីសនី តែជិះបាន 1360 km ផុយ
ឡាន ៣ នេះជាគូប្រជែងធំរបស់ Toyota Prius តែនៅខ្មែរកម្រមានអ្នកប្រើ ទាំងកម្លាំង កម្រិតសុីសាំង គឺល្អដូចគ្នា
ទិញទំនិញកុំបោះចោលវិក័យបត្រ! ថតផ្ញើឲ្យអគ្គនាយកដ្ឋានពន្ធដារ ក្រែងមានសំណាងបានឡានថ្មីជិះលេង
TOYOTA RAIZE 2022 តម្លៃត្រឹមជាង ២ម៉ឺនដុល្លារ បានសម្ពោធជាផ្លូវការស្វាគមន៍ បិណ្ឌទី1
Corolla 03 Specs អាមេរិក នៅតែជាឡានមួយដែល ធន់សន្សំសំចៃ ស្រួលប្រើ ពិសេសតម្លៃទីផ្សារនៅនឹងល្អណាស់
គិតមិចដែរ? Suzuki Celerio ថ្មីខ្លាញ់គោតម្លៃតែ ១៣,០០០ដុល្លារជាង ធូរថ្លៃមិនធ្លាប់ជួបក្នុងចំណោមឡានថ្មីគាស់កេស
តស់! មកមើល Option Deluxe Solar របស់ Toyota Prius 2012-2015 បន្ដិចថាខុសប្លែកពី Option Solar ធម្មតាអ្វីខ្លះ?
Lexus RC200t ប្រើម៉ាស៊ីនដូច NX200t ជាប្រភេទឡានស្ព័រទ្វា 2 រូបរាងទាក់ទាញ កម្លាំងខ្លាំងគួរសម តម្លៃក៏ល្អដែរ